I. Timothi 4:6 - Ṉa Alaofua Falu 1923 1949

⁶ Mada so faaroṉoa doorakulua ki lau fasi keki onotoona si do eki, oki wane ni ra lea tha Jesus Christ, na kera thare oe asi baea ba ki asi do eki na kulu fitoona, ma ana kwaifamanataia lea eri no ade ṉado sulia:

I. Timothi 4:6 Referans Kwoze

Kolose 3:16

Bae lana tha Christ kai to kai oro i la ruruumulua ana liotooa ni sui bana; muki kwaifamanatai ma muki faamanatai kamulua ana ṉu ki, ana ṉu ana taṉo la ki ma ṉu tha Spirit ki, muki ṉu ana lea la i la ruruumulua ifana ṉa Lord.

Taetasi 2:1

Ma ni oe oki sorea si do ki ne farana si kwaifa manataia taliṉei:

Kolose 4:7

Si do ki sui bana ana to laku tha Tikikasi kai faaroṉo kamulua ania, na doora liliothaua kulu ma wane ni ra mamana ne wane ni ra la ofu bi kamilia ana ṉa Lord:

Mathui 13:52

Ma nia ka soree isada, Mania wane eri ana wane ni kekeda ki na kera tolea ana tooa i thalo e ’uria ta wane gwauwai ana biu, ne ṉalia mai si do falu ki bia do u ki naa ana ogogonia nia.

Jude 1:5

Mania boro sa mulu thaitoomana mena si do ki sui teefau naa, ku thathamia kwai faaroṉo kamulua lau muki onotoona, na tha Lord, buriana ne faamarukia ta kulee toa faisia fanua i Ijifita, ka bii labatania toa na kesi fitoo.

II. Jone 1:9

Ni tei bana na ka lae tatha me ai si to ana kwaifamanatai la tha Christ, tha God ka ai faisi nia: wane na ka to ana kwaifamanatai la tha Christ, ana ṉa Maka bia ṉa Kaluwane lau boo.

I. Pita 2:2

Mala kala wela aabu ki, muki thathamia faamau susu na lole la e ai si ni ania, si baea eri neri, fasi ka thare kamulua muka tae uria marukia;

II. Timothi 4:3

Uria na si maṉa toto kai fula na kesi alamatania keki faaroṉoda asi kwaifamanataia taliṉei eri; ma aliṉada kai mamale, adedea keki ofua toa in kwaifamanatai iada sulia thathami la taa kera ki;

II. Timothi 3:10

Ma ni oe o lae buriaku ana kwaifamanataia nau, ana abula laku, asi do nau ku thathamii ilia, ana fitooa nau, asi lio nau ni doanita tatha la, ana liothau la nau, asi lio ni susuu,

II. Timothi 1:6

Ma sulia si kula eri kwai faaroṉo oe lau fasi oko onotoona oki ladea si do na tha God e tona falea, ne to ani oe sulia alu lana ro aba nau ki fafi oe.

I. Timothi 6:3

Mada sa ta wane ka kwaifamanatai ata kwaifamanatai eeta, me ai si ala fafia si baea taliṉei, bae lana na Lord kulu tha Jesus Christ, ma kwaifamanataia eri ne sulia si lio ni fare baita la atha God;

I. Timothi 4:16

Oki beta suli oe, ma sulia kwaifamanatai lamu. Oki ra ṉado asi do eki; uria na si maṉa oki ade una eri oki faamaruki oe i talaamu bia toa na kera roṉoa ṉata lamu lau boo.

I. Timothi 1:10

Ifana wane na kera oe ki, ifana wane ki na kera oe lau bada uri kera i talaada, ifana wane lauwane ki, ifana toa na kera sorea si do ne ai si mamana, toa na kera othi ni lole la ki, ma atona bana ta si do lau ne ai si talaana kwaifamanataia taliṉei eri;

I. Thesalonika 3:2

Ma mili arasia kau tha Timothiasi, doorakulua ma wane ni ra ofu la bi kamilia ifatha God asi faaroṉoa lea tha Christ, fasi kai faasukwai kamulua, ma kai faainamaruki kamulua sulia si do eki na mulu fitoona;

Kolose 2:19

Me ai si rau ana ṉa Gwau, na seedo eri sui boo, na lado la eki ma si lalali eki ka faasukwaia ma ka ladoa ka rao, kai baita alaa ani nia ana baita la ne ita mai atha God.

Filifae 3:16

Tee si do boo, si kula na kulu fulatoona naa, si kula na kuki abula sulia neri, ma si do na kuki onotoona.

Efesasi 6:21

Ma fasi ni kamulua lau boo muki thaitoomana to la na nau ku to ania, tha Tikikasi, doora liliothaua kulu eri ma wane ni ra mamana ana ṉa Lord, kai faaroṉo kamulua asi do ki sui bana:

II. Korinitha 6:4

Asi do ki sui bana mili ṉata ifamilia, mala toa ni ra tha God ki, asi lio ni susuu ṉado la, ana to la ana taa la ki, ana rofe la ki, ana fualaṉa ki,

II. Korinitha 3:6

Ne faasukwai kamilia lau boo fasi mika toa ni ra ki ana alaofua falu; ana si do eri na kera keda e ai, atha Spirit: uria si do eri na kera keda kai thauwane, ma tha Spirit kai kwaifaamaruki.

I. Korinitha 4:17

Uria si kula eri ku arasia kau tha Timothiasi isamulua, ne wela liliothaua ma mamana nau ana ṉa Lord, na kai faaroṉo kamulua lau ani nau muki onotoona abula laku na ni atha Christ, talafana si do ni nau ku kwaifamanatai sulia ana figua eki sui boo ta fanua si ei.

Roma 15:15

Una ena mena, doora kera, ku suka tatha ana seeraa la ana kekeda la kau isamulua, ’uria wane na ku faaroṉo kamulua lau muki onotoona si do eki, sulaania lea la eri na tha God e falea mai iaku.

Si do Aposela ki kera ilidaki 20:35

Asi do ki sui bana abula laku e dodoloa, fasi muki lio sulia, muki thaitoomana e kokoto na muki ulafu una eri, muki rausualia toa na kera feda ki, ma muki onotoona bae lana tha Lord Jesus, na talani nia e sorea, Imole na kai faledo, kai lea iana ka tatha ana imole na kai ṉalia.

Si do Aposela ki kera ilidaki 20:31

Mania muki tharai, muki onotoona na sulia ulu fa ṉali nau ku fafaamanatai kamulua sui, ta si maṉa si ei, afa rodo mafa thato ana kafona maaku.

Fa Ṉu Abu ki 19:7

Ṉa lo tha Jihova e lea teefau, ka alu lea lau bana ana maṉona imole: faamamane la tha Jihova ki e mamana ka toto bana, ka adea liona wane ne a’i si manatatoona taa la ka too.

Luke 1:3

E lea ana manataku lau boo, uria nau ku mamanata sulia si do eki sui boo ka too ita mai i thafali lana, kwai kekeda kau isamu sulia lae lana, Thiofilasi, wane no inoto ka tatha;

Si do Aposela ki kera ilidaki 1:15

Ma afa boṉi eki tha Pita e takwe ia i maalutana baree wai doorana eki, ka sorea (ma malului wane kera figu mai, fuliṉana tee taleṉee imole ma ro akwala).

II. Korinitha 11:23

Kera toa ni ra tha Christ ki? (ku ṉata mala wane oewanea) ni nau ku tatha ani kera ania; si ra ku ulafu ania e oro ka tatha, ana aliliboa la oro ka tatha, i la lokafu oro ka tatha ki, ana mae la ki asi maṉa oro.

Filifae 2:20

Sulaania e ai akua ta wane na lione totoo bia lioku, na kai tala oga nia mamana boo uria to lamulua.

Filifae 2:22

Ma mulu ilitoona mamana lana wane eri, na, ’uria lau boo wela bia maka nia, e ra bi nau ana ra eri ifana si faaroṉoa lea.