I. Timothi 4:15 - Ṉa Alaofua Falu 1923 1949

¹⁵ Oki seemabe asi do eki; oki alua liomu ana tee si lio ania; fasi si do noki fulatoona kai to fatai ana toa eki sui.

I. Timothi 4:15 Referans Kwoze

Mathui 5:16

Una eri lau boo lalaa la na ka ni ani kamulua kei laa inaona imole, fasi keka rikia ra lea kamulua ki, ma keki taṉoa Maka kamulua ne ni mei thalo.

Fa Ṉu Abu ki 143:5

Nau ku onotoona fa boṉi eki ne sui na kau; ku manataia abula lamu sui bana: ku manatatoona si ra ana ro aba oe ki.

Fa Ṉu Abu ki 104:34

Si lio nau ni onotoona lana kai gwagwaria: nau kwai thalume sulia tha Jihova.

Si do Aposela ki kera ilidaki 6:4

Ma ni kamilia miki seemabe ṉado ana foa la, ma ana ra la asi baea eri.

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

Fa Ṉu Abu ki 119:97

I … e! liothau la eri nau ku liothau faamau ana lo oe! si do ku manatatoona ta si kadee maṉa si e’i neri.

I. Timothi 4:6

Mada so faaroṉoa doorakulua ki lau fasi keki onotoona si do eki, oki wane ni ra lea tha Jesus Christ, na kera thare oe asi baea ba ki asi do eki na kulu fitoona, ma ana kwaifamanataia lea eri no ade ṉado sulia:

Fa Ṉu Abu ki 119:148

Maaku e tharai la rodo asi maṉa na toa ni fono toi kesi tharai u, fasi kwai manatatoona bae lamu.

Fa Ṉu Abu ki 119:99

Ana thaitoomana la nau maalutana si do ki, ku tatha naa ana wane ni kwaifamanatai nau ki sui boo; uria na si do ku manatatoona ṉado na faamamane la oe ki neri.

Fa Ṉu Abu ki 119:48

Kwai tafoa lau boo ro aba nau ki uria si ṉataa oe ki, na nau ku liothau ania; ma nau kwai manatatoona si ade la no gwaludaki.

Fa Ṉu Abu ki 119:15

Nau kwai manatatoona kwaifamanataia oe ki, kwai lio uria tala oe ki.

II. Korinitha 8:5

Ma do eri, ’uria bana mili manatatoo ṉado ani kera e ai, si do totonao kera fale kera i talaada ifana ṉa Lord, ma ifamilia asi do na tha God ka thathamia.

Fa Ṉu Abu ki 105:5

Onotoona fasi si ra nia ni kwele la ania ne ilidaki naa, bala si do nia ki, ma si ṉataa oolo ki na fokone ṉata fifi sulia;

Fa Ṉu Abu ki 49:3

Fokoku kai ṉata sulia liotooa; ma si manataa na i ruruuku na ṉa manata lea la.

Fa Ṉu Abu ki 19:14

Nau ku thathamia sa si baea ana fokoku ma si manata la na i ruruuku kai farana soki rikia, oki ala fafia, Jihova ’ae, na gwa fau baita nau, ni oe no tae faisi nau.

I. Korinitha 16:15

Nau ku ṉata kwaitakoi, ku soree isamulua, doora kera (mulu thaitoomana toa i maafera tha Sitefanasi, na kera foee do totonao ki i Akaia, ma kera alua manatada ana tee si lio keka ra ṉado ifana toa na kera abu),

Fa Ṉu Abu ki 119:23

Wane gwauwai ki lau boo kera ono bada, kera furi ṉataa fafi nau: wane ni ra oe nei molo e manatatoona si ade la no gwaludaki.

Fa Ṉu Abu ki 77:12

Nau kwai manatatoona lau bakua si ra oe ki sui boo, kwai uunu sulia si do no ilidaki.

Fa Ṉu Abu ki 63:6

Si maṉa ku manatatoomu i la thamataia nau, kwai onotoomu si maṉa ku tharai la rodo.

Fa Ṉu Abu ki 1:2

Ma sui do nia ne seethathala sulia na ṉa lo tha Jihova; ma kai manatatoona lo eri afa thato mafa rodo.

II. Korinitha 4:14

Uria na mili thaitoomana ni nia ne tataea tha Lord Jesus toto kai tatae kamilia lau boo bia tha Jesus, ma kai fatai kamilia bi kamulua.

I. Timothi 4:14

Osi seedadaola asi do ba na ni ruruumu, na kera tona falea iamu na ba ana ṉata lana porofeta ki, si maṉa na toa ulunao eki kera alua abada fafi oe.

I. Timothi 4:16

Oki beta suli oe, ma sulia kwaifamanatai lamu. Oki ra ṉado asi do eki; uria na si maṉa oki ade una eri oki faamaruki oe i talaamu bia toa na kera roṉoa ṉata lamu lau boo.