I. Timothi 3:7 - Ṉa Alaofua Falu 1923 1949

⁷ Ma sui lau boo toa nai thara keki ala fafi nia; ada keka esi nia ma ka liu ana aikwai tha devil.

I. Timothi 3:7 Referans Kwoze

II. Korinitha 8:21

Uria na mili aṉasi fasi mika ilia si do ne kokoto, talitoona inaofana ṉa Lord e ai, inaofana imole ki lau boo.

II. Timothi 2:26

Bia fasi keki manata lau bada faisia aikwai tha devil, si maṉa ni nia kai rau anida uria si do ne thathamia.

Kolose 4:5

Muki abula ana liotooa uria toa nai thara ki, ma muki duu i maana si maṉa totonao.

I. Timothi 6:9

Ma toa na keki thathamii rikii do keki asi kera ana bae aliṉa la ma aikwai ma ana thathami lana do oro ne oewanea ma ka faataali kera, si do na kai ilia wane ki keki lola asi do na kai labatai teefau anida ma kai faaaana maṉoda.

I. Thesalonika 4:12

Fasi muki abula kokoto uria toa nai thara ki mai, ma musi to ana rofe la uria ta si do.

II. Korinitha 6:3

Misi lukatania si maṉa na sa mika faataofai nia ta wane ana ta si do, ada keki ṉata taa sulia ra eri na mili ra ania;

I. Korinitha 10:32

Musi lukatania si maṉa na muki faataofai nia Ju ki, mado toa i Girisi ki, mado figua tha God:

Si do Aposela ki kera ilidaki 6:3

Mania, doora kera, muki talisia mai fiu nonii wane iamulua, toa na kera ṉata lea sulida, na kera fuṉu atha Spirit Abu ma ana liotooa, miki aluda keki ana asi ra eri.

Taetasi 2:8

Si ṉata taliṉei, na kera dora ania alaṉi lamu la ana ta si do fafia; fasi wane ne maalimae iakulua kai seenoni, uria ne ai ta si do taa ni isana na nia kai sorea suli kamulua.

Taetasi 2:5

Keki seeeno, keki to lea, keki ra i maafera kera ki, keki abula lea, keki roo sulia kwaida i talaada, fasi e ai kesi ṉata ni faretoliṉi lana bae lana tha God:

I. Thesalonika 5:22

Muki to faisia si do ki sui bana ne taa.

I. Timothi 5:14

Mania ku thathamia oru tharii ki keki toowane, keki tharewela, keki ana asi do nai maafera ki, kesi lukatania si maṉa na maalimae eri kai ṉata taa:

I. Korinitha 5:12

Sulaania uria ta na nau kwa oga nau ana ṉata la mala wane ni kotu sulia toa nai thara? Ta na sa toa kamulua na kera to i maalutamulua na muki ṉata mala wane ni kotu sulia,

Si do Aposela ki kera ilidaki 22:12

Ma tee nonii wane thatana tha Ananiasi, ne faabaita tha God sulia ṉa lo, na Ju nai kula eri ki sui bana kera ṉata lea suli nia,

Si do Aposela ki kera ilidaki 10:22

Ma keka sorea, Tha Koneliasi ṉa senitiurione, wane kokoto ma wane ne mau atha God, na Ju ki sui bana kera ala fafi nia, tha God e faaroṉo nia ana angel abu sorea kai kwaiarasi iburiamu, oki lae uri biu nia, oki faaroṉo asi baea.

Mako 4:11

Ma nia ka soree isada, Kamulua kera alamatai kamulua muki thaitoomana si do ne to thaufuni ana tooa tha God: ma ni kera toa na kera to i maa, keki faaroṉo kera asi do ki sui bana ana tarifula ki:

III. Jone 1:12

Tha Demetiriasi ana faamamane lana toa eri sui boo na kera thaitoomana, ma faamamane lana mamana la eri talani nia: iu, kamilia lau boo mili faamamanea si do mili thaitoomana; ma mulu thaitoomana faamamane la kamilia e mamana.

I. Timothi 3:6

Wane ne bii fitoo e ai, ada kai tala faabaita nia i talaana, ka tatha ana kwae la na kera kwaea atha devil.