I. Timothi 3:16 - Ṉa Alaofua Falu 1923 1949

¹⁶ Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

I. Timothi 3:16 Referans Kwoze

Jone 1:14

Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

Hibaru ki 1:3

Ma ni nia, uria ne iriroa ana inotoa tha God, ma alafana bonaa na ni nia, ma uria na ka raufaaṉado asi do ki sui bana asi ṉata ana sukwaia nia, buriana ne faafalu kulu faisia abula taa la ki, ka bii ono i aba aola ni Nia ne Inoto ka tatha ia mai;

Mako 16:19

Mania ṉa Lord, buriana ne ṉata isada e sui, kera tae fafi nia uri thalo lo, ma nia ka ono ibali aba aola tha God.

Roma 16:25

Sui nia ne sukwai ana faaṉado lamulua la sulia si faaroṉoa lea nau ma ṉata la eri sulia tha Jesus Christ, sulia si do eri na kera fatai nia ne toto thaufuni ita mai asi maṉa u asia mai inao ne ai si sui,

Luke 24:4

Ma lalae mai, si maṉa na manatade nai rua sulia si do eri, rikia fasi, ro nonii wane keka takwe isada fafia maku ne faarora maada:

Kolose 1:23

Mada sa muki to ṉado asi do eki na kulu fitoona, ma keka faaṉado kamulua muki takwe ṉado, ma kesi idu kamulua faisia si do eri na kulu manatatoo ṉado uria asi faaroṉoa lea na mulu roṉoa, na kera ṉata sulia isana imole eki sui boo na kera thauwai nia ifara thalo lo; si do na kera alu nau tha Polo nau wane ni ra la ania.

I. Jone 1:2

(Uria na kera fatai nia ṉa marukia, ma mili rikia, ma mika faamamanea si do na mili thaitoomana sulia, ma mika faaroṉo kamulua ana ṉa marukia tatha, ne toto isana ṉa Maka, sui keka fatai nia isamilia);

I. Pita 3:22

Ne fula naa i thalo, ma ka to bana ana aba aola tha God; ma kera alua aini angel ki ma toa gwauwai ki ma toa sukwai ki keka roo suli nia.

I. Pita 1:12

Toa na kera fatai nia si kula eri isada, na fani kera e ai, fani kamulua fetei, na kera ra asi do eki, na toa na kilu ṉata sulia si faaroṉoa lea isamulua atha Spirit Abu na kera arasia mai thalo kilu faaroṉo kamulua ania; si do na aini angel ki keka thathamii lio i lala.

Kolose 2:2

Fasi keka faainamarukia ruruuda, uria na kera lado kera keka rao ana liothau la, ma keka rikii do faamau asi do na kera thaitoomana lea maalutana mamana lana, fasi keka thaitoomana si do tha God na Maka ne toto thaufuni, tha Christ neri,

Kolose 1:27

Na tha God e thathamii faaroṉoda keka thaitoomana si do eri ma keki rikii do ania uria faainoto lada la asi do eri ne toto thaufuni i maalutana Jenetaele ki, tha Christ ne ni ani kamulua neri, ne adea muki manatatoo ṉado uria inotoa:

Kolose 1:6

Ne fula isamulua; ’uria lau boo e ni ana fanua nei iano ni sui bana me fuṉu ana foee do, alafana lau boo ani kamulua, ita mai afa boṉi eri na mulu bii roṉoa ma mulu thaitoomana mamana lea la tha God;

Luke 22:43

Ma tee angel e too mai i thalo ka fula fatai isana, kai faasukwai nia.

Mathui 3:16

Ma tha Jesus, buriana na kera babataesi nia, ka tae u boo si maṉa eri faisia i la kafo: ma rikia fasi, thalo lo ki ka ifi uri nia, ma nia ka rikia Spirit tha God kai sifo mai mala ta bola, sisifo mai ka dau ani nia;

I. Jone 3:5

Ma mulu thaitoomana na kera fatai nia fasi ka ṉalia abula taa la kulu ki; me ai ta abula taa la si ni ani nia.

Hibaru ki 12:2

Kuki lio uria tha Jesus na fitooa kulu ita mai ani nia, ma nia na kai faasukwai teefau ania, Wane ne susuu uria seethathala la eri na kera alua inaofana ana ’ai rarafolo, me fare faekwa asi do ni faaseenoni la eri, sui ka ono ibali aba aola ana do ni ono la ana inotoa tha God.

I. Timothi 3:9

Keki rau asi do eki ne toto thaufuni na kulu fitoona, asi lio ne thathaulia.

Jone 20:12

Ka rikia ro angel ana tooni kwakwaoa ki keko ono badaroa, ta do isana gwauna, ta do isana aena, asi kula na seena tha Jesus e teo iei.

Mathui 1:23

Rikia fasi, thari eri toto kai iana, ma kai tharea ta kaluwane, Ma keka alaṉia atha Emaniuela; ma si ṉata eri e una eri, Tha God bi kulu.

Si do na kera fatai nia 7:9

Buriana si do eki nau ku lio, ma rikia fasi, malului imole, na eta eta ka dora, ana toa ana fanua eeta ki sui bana, ma kulee toa ki sui boo ma ina lana toa ki sui boo ma toa ana ṉata la eeta ki sui bana, keki takwe inaofana do ni ono la eri ana inotoa ma inaofana ṉa Lama, fafia tooni kwakwaoa ki, ma rena niu ki ni abada;

I. Pita 1:20

Wane na kera thaitoomana boo totonao si maṉa na kesi boa u fanua nei iano, ma sui kera fatai nia ana susui lana si maṉa eki uri kamulua,

Hibaru ki 7:7

Ma si do na kesi oli susuu fafia neri, na wane baita ni ana na ka falea lea la ifana wane faekwa.

Efesasi 6:19

Ma uri nau, fasi keki falea si ṉata iaku si maṉa nau kwai ifinia fokoku, kwai seeraa ana fatai lana si do ne toto thaufuni asi faaroṉoa lea,

Efesasi 1:9

Uria ne fatai nia si do ne toto thaufuni isakulua asi do nia thathamia, sulia si thathami la lea nia ne onotoona ani nia

Galesia 4:4

Ma sui buriana na si maṉa nia eri e fula bonaa, tha God e bii arasia mai Kaluwane nia, ne futa ana wela kini, futa sulia ṉa lo,

I. Korinitha 15:47

Wane totonao ita mai i theegano, do ana gano nania: Wane iburi na ṉa Lord ne ita mai ana ṉa thalo.

I. Korinitha 2:7

Liotooa tha God neri na mili ṉata sulia asi do ne toto thaufuni, liotooa eri na kera agwafai nia inao, na tha God e alua mai inao inaofana thafali lana si maṉa totonao ki uria faainoto lakulua la:

Roma 10:18

Ma nau ku sorea, Kesi roṉoa? Iu, mamana, Liṉana ṉata lada e tatha i fanua nei iano ni sui bana, Ma bae lada uria si kula ne tau asia ki i fanua nei iano.

Si do Aposela ki kera ilidaki 20:28

Mania muki beta suli kamulua, ma sulia aini sifi eki sui boo, na tha Spirit Abu e alu kamulua muka nanao ania, muki tharea figua tha God, ne usia ana abuna i talaana.

Galesia 2:8

(Uria ni nia ne ra i ruruuna tha Pita kai aposela ifana toa ana kwai kakali la e ra lau boo i ruruuku uria Jenetaele ki);

Roma 9:5

Na maka ba inao ki na ṉa maka kera ki, ma Wane iada ana see imole na tha Christ, ne inoto fafia si do ki sui bana, na God na keka taṉoa toto si sui. Emeni.

Si do Aposela ki kera ilidaki 10:34

Ma tha Pita e ifinia fokona, ka sorea, Ku rikia mamana na tha God e rikia imole e totoo boo:

Roma 8:3

Uria si do na ṉa lo e dora ania ili lana, uria ne feda sulia see imole, tha God, uria ne arasia mai Kaluwane nia i talaana sulia nuna see imole ne abula taa ṉado, ma ana do ni foa la uria abula taa la, e sorea kwae lana abula taa la i see imole:

Si do Aposela ki kera ilidaki 14:27

Ma lalae kero fula, keko bii ailia mai figua eri, keko uunu sulia si do eki sui bana na tha God e ilia ani keroa, me ifinia maethaka ana fitooa ifana Jenetaele ki.

Jone 16:28

Nau ku lae mai ku ita ana ṉa Maka, ma ku fula ana fanua nei iano: sui kwai akwasia lau fanua nei iano, kwai lae kau isana ṉa Maka.

Jone 13:3

Tha Jesus, ne thaitoomana na ṉa Maka e falea si do ki sui bana i abana, ma nia e lae mai ka ita atha God, ma kai oli lau isatha God,

Luke 24:51

Ma lalae mai, si maṉa nia kai falea lea la ifada, nia ka lae faisida, ma kera ṉali nia uri thalo lo.

Si do na kera fatai nia 17:7

Ma angel eri ka soree isaku, Uria ta noko kwele? Nau kwai faaroṉo oe ana maalutana si do eri ne toto thaufuni sulia kini eri, ma do maruki ne kwasi na ka ṉali nia, do na fafia fiu gui do ki ma tafulu susukee do ba ki i maa darada.

Si do na kera fatai nia 17:5

Ma kera keda tee thata i maa darana, Si do ne toto thaufuni na kera fatai nia nania, Babilone baita, thainana sesele eki sui boo ma do faamamagu nai fanua nei iano ki.

Hibaru ki 8:1

Ma gwauna si do na mili soredaki nania: Akulua aofia ni foa ne una eri, na ka ono bana i aba aola do ni ono la ni nia ne Inoto ka tatha i thalo lo ki,

II. Thesalonika 2:7

Sulaania si lio asi do kera lufia kai ra thaufuni si maṉa eri mena: ma sui nia na ka lufia to bana si maṉa eri, maakwalia si maṉa na toto keki idua.

II. Thesalonika 1:10

Si maṉa na toto kai fula fasi keki faainoto nia ana toa abu nia ki, ma keki kwele ani nia ana toa eki sui boo na kera fitoo (uria na kera fitoona boo faamamane la kamilia eri na mili faamamanea isamulua sulia si do na mili thaitoomana) afa boṉi eri.

Si do Aposela ki kera ilidaki 1:19

Ma toa nai Jerusalema ki sui bana kera roṉoa si do eri; adedea keka alaṉia bali gano eri ana ṉata lada ana Akeledama, ma toolaṉai lana si ṉata eri, Si bali gano ana abu.)

Jone 17:5

Ma si maṉa eri, Maka ae, oki faainoto nau ani oe i talaamu ana inotoa ba na ku rikia bi oe si maṉa na fanua nei iano e ai si to u bana.

Jone 15:26

Ma lalae nia na kai faainamaruki kamulua e fula naa, na nau kwai arasia mai isamulua ka ita ana ṉa Maka, na Spirit mamana, na kai ita mai ana ṉa Maka, nia kai faamamanea si do ne thaitoomana suli nau.

Jone 6:62

Sui ka ufita mada sa muka rikia Kaluwane imole kai tae lau uria si kula ne toto iei inao?

Luke 2:32

Ṉa laafa na kai fula fatai ifana Jenetaele ki, Ma inotoa toa oe Isirela.

Mako 16:5

Ma kera kotho i la kwaiṉeia eri, keka rikia tee wane bii baita kai ono ibali aola, e tooni ana tooni kwakwaoa ne tekwa; ma keka aanu.

Mako 1:13

Ma nia ka to i la fanua kwasi eri sulia fai fafulu fa boṉi, tha Satan ka bae aliṉana; ma nia ka to bia do maruki kwasi ana fai ae ki; ma angel ki keki ra ifana.

Mathui 28:2

Ma rikia fasi, tee anunu baita ka liu; uria na angel tha Lord e sifo mai faisia thalo, ka fula, ka abulisia kau fau eri, ma ka ono i fafona.

Mathui 13:11

Nia luuda, ka soree isada, Kamulua kera alamatai kamulua muki thaitoomana si do eki ne to thaufuni ana tooa i thalo, ma ni kera e ai kesi alamatania ifada.

Mathui 4:11

Sui tha devil ka lae faisi nia; ma rikia fasi, angel ki keka fula, keka ra ifana.

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;

Roma 10:12

Sulaania ṉa Ju e ai si eeta faisia wane i Girisi: uria tee Lord eri boo ne inoto ani kera sui, ka rikii do ifana toa eki sui boo na keki ’ai thatana:

Roma 3:4

Si do ka ai neri: iu, tha God ana kai mamana, ma wane eki sui boo kera toa ana lole la; ’uria si do na kera keda, Fasi keki ala fafia kokoto lamu uria si ṉata oe ki, Ma si oe kai tatha asi maṉa ana kotu.

Roma 16:26

Ma sui kera fatai nia si maṉa eri, ma sulia si ṉata fifi tha God ne to tatha, kera ’ai taloṉania isana kulee toa eki sui bana, ana kekeda la porofeta ba ki, uria ade la sulia ana fitooa;

II. Korinitha 1:19

Uria na Kaluwane tha God, tha Jesus Christ, na kamilia mili ṉata sulia i maalutamulua, kamilia tha Silafenasi ma tha Timothiasi, manatana si rurua ana iu ma e ai, ani nia iu.

I. Pita 1:21

Na mulu fitoona ani nia tha God, ne tatae nia faisia toa mae ki, me falea inotoa ifana; fasi fitooa kamulua ma si do na muka manatatoo ṉado uria kai to atha God.

I. Jone 3:8

Wane na ka abula taa ṉado, do tha devil nania; uria na tha devil ka abula taa ṉado ita i thafali la mai. Sulia si kula eri kera fatai nia Kaluwane tha God, fasi nia kai labatania si ra tha devil ki.

Luke 20:44

Mania tha Defeta e alaṉia ana Lord, ma nia kaluwane nia ufita lau?