I. Timothi 2:7 - Ṉa Alaofua Falu 1923 1949

⁷ Sulia si do eri kera alu nau nau wane ni ṉaliṉata ma aposela (Nau ku ṉata mamana atha Christ, nau kwasi lole), wane ku kwaifamanatai isana Jenetaele ki ana fitooa ma mamana la.

I. Timothi 2:7 Referans Kwoze

Si do Aposela ki kera ilidaki 9:15

Ma ṉa Lord ka soree isana, Oki lae amua: uria nia do ni taiṉei la na nau ku filia ifaku, fasi kai ṉalia thataku inaofana Jenetaele ki ma kiṉa ki, ma kwalafa tha Isirela:

II. Timothi 1:11

Na kera alu nau nau wane ni ṉata la sulia, ma aposela, ma wane ni kwaifamanatai ifana Jenetaele ki.

Roma 9:1

Nau ku ṉata mamana atha Christ, e ai kwasi lole, manataku kai faamamanea ofu bi nau si do ne thaitoomana suli nau atha Spirit Abu,

Roma 15:16

Kwa wane ni ra tha Jesus Christ uria Jenetaele ki, kwa ra asi faaroṉoa lea tha God, fasi fale lana Jenetaele ki ’uria do ni foa la keki ala fafia, uria na tha Spirit Abu e faaabua.

Galesia 2:9

Ma si maṉa na kera thaitoomana lea la eri na kera falea ifaku, tha Jemesi ma tha Kifasi, ma tha Jone, na kera alaṉida ana betana biu ki, kera rau i aba aola nau ma tha Banabasi ana kwaimani lea la, fasi meki lae isana Jenetaele ki, ma ni kera isana toa eri ana kwai kakali la;

Galesia 1:20

Ma sulia si do eki na nau ku keda kau isamulua, rikia fasi, inaofatha God, nau kwasi lole.

Galesia 1:16

E thathamii fatai nia Kaluwane nia i ruruuku, fasi kwa ṉata suli nia i maalutana Jenetaele ki; si maṉa eri u boo e ai kwasi ṉata bia imole ana marikobia abu.

Roma 11:13

Uria nau ku ṉata isani kamulua Jenetaele ki. Sulaania nau aposela Jenetaele ki, nau ku fare baita ana ra nau:

II. Pita 2:5

Ma mada sa nia e ai si suusia taa la faisia fanua nei iano dini u mai inao, me faamarukia tha Noa, wane ne ṉata sulia kokoto la, bia fiu imole ki lau, si maṉa be falea mai igwa baita fafia toa na fanua na kera fare faekwa atha God;

Galesia 3:9

Mania toa eki ana fitooa kai lea iada ofu bia tha Aberahamo, wane eri ne fitoo.

II. Korinitha 11:31

Nia ne God na Lord kulu tha Jesus Christ ma Maka nia, nia na kera taṉoa toto si sui, nia thaitoomana nau e ai kwasi lole.

Roma 10:14

Sui nifana ade lana fasi keki ’ai thatana ni nia ne ai kesi fitoona? ma nifana ade lana fasi keki fitoona ni nia ne ai kesi roṉoa? ma nifana ade lana fasi keki roṉoa si maṉa ne ai ta wane ni ṉata la sulia?

Si do Aposela ki kera ilidaki 26:20

Ku soree isana toa nai Damasikasi totonao, ma i Jerusalema, ma ana fanua i Judia ni sui bana, ma isana Jenetaele ki lau boo, keki akeletania manatada ma keki akele uria tha God, keki ilia si ra ne farana manata akele la.

Si do Aposela ki kera ilidaki 22:21

Ma nia soree isaku, Oki lae: uria ni nau kwai arasi oe oki lae da faisia si kula eri uria Jenetaele ki.

Si do Aposela ki kera ilidaki 14:27

Ma lalae kero fula, keko bii ailia mai figua eri, keko uunu sulia si do eki sui bana na tha God e ilia ani keroa, me ifinia maethaka ana fitooa ifana Jenetaele ki.

Jone 7:35

Mania Ju ki kera ṉata kwailiu uri kera, keka una eri, Ma ṉa wane nei kai lae urifei fasi kulu kusi rofetoona? kai lae isana toa na kera lae tataka i maalutana Jenetaele ki, kai kwaifamanatai isana Jenetaele ki?

Fa Ṉu Abu ki 111:7

Si ra eki ana ro aba nia ki na ṉa mamana la ma ṉata oolo la; kwaifamanataia nia ki sui boo e mamana ka toto baṉa.

Galesia 2:16

Una ena mena, uria na mili thaitoomana kesi ala fafia kokoto lana ta wane maana si ra ana ṉa lo ki, talitoona bana ana fitoona lana tha Jesus Christ, ni kamilia mena mili fitoona tha Jesus Christ, fasi keki ala fafia kokoto la kamilia ana fitoona lana tha Christ, ma asi ra ana ṉa lo ki ka ai: sulaania asi ra eki ana ṉa lo kesi ala fafia kokoto la ta imole.

Roma 1:9

Sulaania tha God kai faamamanea si do ne thaitoomana suli nau, nia na nau ku ra ifana ana spirit nau asi faaroṉoa lea sulia Kaluwane nia, ka sorea na nau ku ṉata suli kamulua ana foa la nau ki ta si maṉa si ei,

I. Korinitha 9:1

Nau aposela e ai? nau kwasi tonee to? kwasi rikia tha Jesus Christ na Lord kulu? ni kamulua ṉa ra nau ana ṉa Lord e ai?