I. Timothi 2:2 - Ṉa Alaofua Falu 1923 1949

² Uria kiṉa ki ma toa gwauwai ki sui boo; fasi to lakulua kai aroro ma kai eno asi lio ni fare baita la atha God asi do ki sui bana, ma kuki to taiṉei.

I. Timothi 2:2 Referans Kwoze

I. Thesalonika 4:11

Ma muki aṉasi fasi muki to seeeno, muki ilia si ra kamulua i talaamulua, muki ra ana ro aba kamulua ki, ’uria lau boo mili faaroṉo kamulua;

Nehemiah 1:11

Arai Lo ae, nau ku ṉata kwaitakoi kau isamu, alamatai nia fasi aliṉamu kai fafuroṉoa foa la wane ni ra oe, ma foa la toa ni ra oe nei ki, na mili thathamii faare baita ana thatamu: ma oko falea fasi mamanaa ifana wane ni ra oe itaraena, oko falea tatakomia ifana i maana wane nei. (Uria ni nau wane ku ṉalia titiu ni kuu la ifana kiṉa nei.)

Hibaru ki 12:14

Muki rofe iburiana enenoa bia wane ki sui bana, ma si lio ne abu, na mada sa si lio eri ka ai faisia, ta wane sa ka rikia ṉa Lord e ai:

Roma 12:18

Mada sa ta si do imole kai talaana, sulia si do na ni ani kamulua, muki to ana enenoa bia wane ki sui bana.

Fa Ṉu Abu ki 72:1

Oko falea mai si ṉataa oolo oe ki ifana kiṉa nei, God ae, ma kokoto lamu ifana kaluwane kiṉa.

Filifae 4:8

Si do iisi, doora kera, si do ki sui bana ne mamana, si do ki sui bana ne teiṉei, si do ki sui bana ne kokoto, si do ki sui bana ne thathaulia, si do ki sui bana ne lea, si do ki sui bana ana ṉata lea la; mada sa ta si do ne oolo e to bana, mado ta si do na kera taṉoa, muki manatatoona si do eki.

Si do Aposela ki kera ilidaki 24:16

Ma asi kula eri ku aṉasi lau boo fasi lioku kai dodoloa ṉado uria tha God ma uria imole ki.

Si do Aposela ki kera ilidaki 10:22

Ma keka sorea, Tha Koneliasi ṉa senitiurione, wane kokoto ma wane ne mau atha God, na Ju ki sui bana kera ala fafi nia, tha God e faaroṉo nia ana angel abu sorea kai kwaiarasi iburiamu, oki lae uri biu nia, oki faaroṉo asi baea.

Luke 2:25

Ma rikia fasi, tee nonii wane e to i Jerusalema, thatana tha Simiona; ma wane eri e kokoto ma ka faabaita tha God, kai maasia faainamaruki lana Isirela: ma tha Spirit Abu e to fafi nia.

Luke 1:6

Ma keroa sui boo keko kokoto inaofatha God, keko abula sulia si ṉata fifi ma si ṉata too ṉado tha Lord ki, keko dodoloa.