I. Timothi 2:10 - Ṉa Alaofua Falu 1923 1949

¹⁰ Keki lauṉi asi ra lea ki (si do ne farana kini ki na keki sorea kera fare baita atha God).

I. Timothi 2:10 Referans Kwoze

I. Pita 2:12

Abula lamulua kai faramulua i maalutana Jenetaele ki; fasi, asi do eri boo na kera ṉata taa suli kamulua ania mala sulia toa na kera abula taa, asi ra lea kamulua ki na keki rikia neri, keki faainotoa tha God afa boṉi ana makele lada la.

Si do na kera fatai nia 2:19

Nau ku thaitoomana si ra oe ba ki, ma liothau la oe ba ma si ra no ilia ma fitooa oe ma si lio oe ni susuu la, ma ku thaitoomana si ra oe nai buri ki e oro ka tatha asi ra totonao ki.

Si do Aposela ki kera ilidaki 9:36

Sui tee kini na tha Jesus e tole nia e ni Jopa, thatana ni Tabitha, ma toolaṉai lana thata eri ni Dokasi: kin, eri e seemabe ṉado asi ra lea ki ma ana fale la ne fale ana toa na kera to ana rofe la.

II. Pita 3:11

Mania uria na kera to’oa si do eki sui boo kai thaka kwailiu una eri, nifana maalutana to la ne kokoto muki to ania ana abula lamulua ne abu ma asi lio ni fare baita la atha God,

Taetasi 3:8

Si ṉata eri e mamana, ma nau ku thathamia oki ṉata seeraa sulia si do eki fasi toa na kera fitoona tha God keki beta suli kera fasi keki seemabe asi ra lea ki. Si do lea ki neri na kai adomia imole ki:

Efesasi 2:10

Uria ni kulu do nia e thauwai nia, ne thauwai kulu atha Christ Jesus maakwalia si ra lea ki, na tha God e thathaia totonao fasi kuki abula sulia.

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

Si do Aposela ki kera ilidaki 9:39

Ma tha Pita ka tatae, ka lae bidaroa. Lalae mai e fula, keka talai nia uria kadee biu laṉi eri: ma gwa oru eki sui boo kera takwe isana, keka aṉi, ma keka fatai nia tooni ki ma si maku na ni Dokasi e taidaki, si maṉa ne to bida.

I. Timothi 2:9

Una eri lau boo, kini ki keki lauṉi ana tooni kelaafea ki, ana seenonia, ma seeda si inoto iada; ana ifuda na kera nailia e ai, ana goloda mado pala ki mado tooni na kera usi faamau anidaki ka ai lau boo;

I. Timothi 2:11

Kini kai ili uria si do kera tooa isana ana enenoa, kai to ni kelaafea la.