I. Timothi 2:1 - Ṉa Alaofua Falu 1923 1949

¹ Mania, si do totonao ku sorea, na keki ṉata fifi isatha God ana foa la, keki foa, keki lae isatha God, keki sore lea iana, uria imole ki sui;

I. Timothi 2:1 Referans Kwoze

II. Thesalonika 1:3

Mika sore lea ṉado atha God, e ai si ei boo, uri kamulua, doora kera, ma do kokoto neri, uria na fitooa kamulua ka tae ka baita alaa, ma liothau la kamulua uri kamulua kwailiu sui boo ka oro ka tatha;

Jemesi 5:16

Muki faaroṉo kamulua kwailiu ana abula garo lamulua ki, ma muki foa kwailiu uri kamulua, fasi keki faamaruki kamulua. Wane kokoto, ṉata fifi la nia ana foa la, na nia kai ra ania, kai sukwai faamau.

Efesasi 5:20

Si maṉa na muki sore lea ṉado talea tha God na Maka uria si do ki sui bana ana thatana Lord kulu tha Jesus Christ;

II. Timothi 2:24

Ma ṉa wane ni ra ṉa Lord kera lufia si firu boo, ma kai abula thathaore uria imole ni sui, liona kai too uria kwaifamanatai la, kai to seeeno si maṉa do faarakeiri ki kai fula,

I. Timothi 2:4

Sulia nia thathamia sa imole ni sui keki maruki, ma keki fulatoona thaitoomana lana mamana la eri.

Filifae 1:3

Ku sore lea ṉado ana God nau si maṉa na nau ku onotoomulua,

Hibaru ki 6:11

Ma mika thathamia ni kamulua sui, ta wane si ei boo, muki fatai nia seemabea eri boo, fasi si do na muki manatatoo ṉado uria muki maakwalia mamana boo maasia ṉa susui la:

Taetasi 3:2

Kesi ṉaṉata taa seena ta wane, kesi thathathamii oli susuu, keki abula thathaore, keki abula marabibi uria wane ki sui boo.

Taetasi 2:11

Uria na lea la tha God, ne ṉalia mai marukia, e maṉo mai ifana imole ki sui,

I. Timothi 5:5

Sui ai ne oru mamana boo, ne mutaia iana, kai manatatoo ṉado uria tha God, ma kai to ṉado ana ṉata fifi la isana ana foa la ma ana foa la ki ana fa rodo ma fa thato.

I. Korinitha 15:3

Uria nau ku falea kau iamulua totonao si do ni nau ku ṉalia lau boo, na tha Christ e mae uria abula taa laka ki sulia kekeda la abu eki;

Si do Aposela ki kera ilidaki 17:30

Mania si maṉa ba asi lio ni dora la ani nia ki tha God e doanita ania; ma sui si maṉa eri nia soree isana imole ki sui, ta si kula si ei, keka akeletania manatada:

I. Thesalonika 3:12

Ma ṉa Lord kai adea liothau la kamulua kai baita alaa uri kamulua kwailiu, ma uria wane ki sui boo, ’uria lau boo liothau la kamilia uri kamulua;

Roma 6:17

Ma sore lea la ifatha God uri kamulua, ni kamulua toa ni ra la ana abula taa la, sui ruruumulua e thathamii ade sulia si do na mulu lio uria ana kwaifamanatai la na kera fale kamulua ania;

Roma 1:8

Si do totonao, ku sore lea talea God nau atha Jesus Christ uri kamulua sui, uria na kera ṉata sulia fitooa kamulua i la fanua nei iano ni sui bana.

Fa Ṉu Abu ki 72:19

Ma muka taṉoa toto si sui thatana ne inoto ka tatha; ma inotoa baita nia kai fuṉu i la fanua na i iano ni sui bana. Emeni, ma Emeni.

II. Korinitha 8:6

Adedea mika soree isatha Taetasi, na ’uria nia e thafalii ra inao, kai faasuia lau boo ra inao, kai faasuia lau boo ra eri ana lea la ani kamulua lau boo.

Efesasi 3:13

Mania nau ku soree isamulua musi fefeda sulia taa la eki na nau ku to ania uri kamulua, do na kai faabaita kamulua neri,

Efesasi 6:18

Ana foa la si sui ma ṉata fifi la ana foa la muki foa atha Spirit ta si mana si ei, ma muki lio asi do eri asi lio ni susuu tau la ma ana ṉata fifi la ana foa la uria toa abu eki sui boo,

Filifae 4:6

I la ruruumulua si ototo fufuli uria atona bana ta si do; ma asi do ki sui bana ana foa la ma ana ṉata fifi la isana bia si sore lea la muki fatai nia si do na muki ganidaki isatha God.