I. Timothi 1:9 - Ṉa Alaofua Falu 1923 1949

⁹ Uria na kulu thaitoomana si kula eri, na ṉa lo e ai kesi alua ifana wane kokoto, do ifana toa na keka ilia si do na kera lufidaki ma toa na kesi ade sulia si ṉata, ifana toa na keki fare faekwa atha God ma toa na keki abula taa, ifana toa taa ki ma toa kera eeta faisia tha God, ifana toa keka thauṉia maka kera ki ma toa keka thauṉia thainada, ifana toa keka thauwane,

I. Timothi 1:9 Referans Kwoze

Galesia 3:19

Sui ṉa ta na ṉa lo? Kera falea lau boo iburiana sulia ade garo la ki, maakwalia kwalafa eri na kera alaṉai nia si do eri ifana; ma kera alua fasi angel ki keka falea ana abana wane ni fofolo la.

I. Pita 4:18

Ma mada sa faamaruki lana toa kokoto ki e afetai, keki ade ufita ana wane na ka fare faekwa atha God ma wane na ka abula taa?

Roma 5:20

Ma ṉa lo e lae lau bomai, fasi ade garo la eri kai oro alaa; ma asi kula na abula taa la e oro alaa, lea la e oro faamau ka tatha:

Galesia 5:23

Abula marabibi la, inoto la ana seemulua: e ai ta lo si to ana lufi lana si do una eki.

Taetasi 3:3

Uria ni kulu lau boo inao mai kulu oewanea, kulu adede faisia si ṉata, kera lole kulu, kulu ra ifana si thathami la taa tataka ki ma si do oro ki ne faalea kulu, kulu toto asi lio ne taa ma ana uga la, kulu do kera mamagu ania, kulu riki kulu kwailiu ka taa.

Roma 6:14

Sulaania abula taa la so ka inoto fafi kamulua e ai: uria na musi to ifara ṉa lo, mulu i fara lea la.

Roma 1:30

Ana ṉata buri la, toa na tha God e rikida ka taa ki neri, kera bae naunau, kera fafakao kera i talaada, kera uunaoda, kera boa si do taa ki, kera ade faisia ṉata lana maka kera ki ma thainada,

Si do na kera fatai nia 22:15

Uria na koito ki ni thara, ma toa ba ki na kera ra ana sukwaia spirit taa ki, ma toa ba ki ni oe la, ma toa ba ki ni thauwane la, ma toa ba ki ni foa la ana god eeta ki, ma ni tei bana ne thathamia lole la ma kai lole ana.

Si do na kera fatai nia 21:8

Ma toa ana mau la, ma toa ana fitala la, ma toa ni mamagu la anida, ma toa ni thauwane la, ma toa ni oe la, ma toa ni ra la ana sukwaia spirit taa ki, ma toa na kera foa ana god eeta ki, ma toa ni lole la ki sui bana, keki fulatoona si do kera ki asi kula ne ’uria gwa kafo baita me fuṉu ana era ma do thasuna ka makwafifi; ruana fa maea neri.

Taetasi 1:16

Kera sorea na kera thaitoomana tha God, sui ra kera ki ka sorea kera dora bada ani nia, uria nia mamagu ani kera, kera ade faisia ṉata lana, ma sulia si ra lea ki sui bana kesi ala fafida.

I. Pita 3:20

Na kera adede faisia ṉata lana dini u mai inao, si maṉa na liona tha God ni doanita tatha la e mamaakwalida na ba si maṉa na tha Noa e to u bana, ma kera ra ana thauwai lana aka ba, ma kera faamarukia ṉadee imole i lala, na ṉa kwalu imole boo, faisia kafo:

Hibaru ki 11:31

Ana fitooa ni Rehaba na sesele e ai si mae bia toa na kera fitala, uria ne thathagonia mai toa ni urai la ki ana enenoa.

II. Thesalonika 2:8

Maṉa na keki bii fatai nia wane eri na kai ilia si do kera lufia, wane na ṉa Lord kai thauṉia asi maṉo ana fokona, ma kai faaaia ana fatai lana ana fula lana mai;

Roma 4:13

Sulaania alaṉaia eri atha Aberahamo ma ana kwalafa nia, na nia kai fulatoona inotoa fafia fanua nei iano, si do uria ṉa lo e ai, uria kokoto la eri ana fitooa.

Mathui 10:21

Ma wane kai falea doorana uria mae la, ma wane ana wela kai falea wela nia: ma ta baree wela keki lalakwatai nia maka kera ki bia thainada kera, ma keki adea keki thauṉida.

I. Pita 2:7

Mania uri kamulua na mulu fitoo nia inoto: ma uria toa na keka fitala, Fau na toa na kera kasibiu kera lalakwatania, Fau eri lau bana kera alua i gwauna loko suua;

Hibaru ki 12:16

Ada ta wane ni oe la ka toto bana, mado ta wane eeta faisia tha God, ’uria tha Iso, ne usi, uria ta si faṉa ne ania ana tee si maṉa boo, asi do nia i talaana na kai tae fuli ania ana maka nia.

Galesia 5:21

Gwaudila la, thauwanea, si bula la na kafo bubula kai buloa imole, malasaole la, bia si do una eki: ma asi do eki kwai faaroṉo kamulua totonao, ’uria lau boo ku fafaaroṉo kamulua na ba, toa na keki ilia si do una eki toto kesi fulatoona tooa tha God.

Galesia 5:18

Ma mada sa tha Spirit ka talai kamulua, e ai musi roo sulia ṉa lo.

I. Timothi 4:7

Ma oki lalakwatania uunu eeta la ki faisia tha God na kukue ki keki uunu sulia. Ma oki seemabe asi lio ni fare baita la atha God:

I. Timothi 6:20

Timothi ae, oko fono toi kakalia si do na keka takofale oe ania, oki keto faisia ṉata la ne fakoka ne eeta faisia tha God bia kwaisuusi la ana ṉa manata lea la na kera alaṉi garo ania;

II. Timothi 2:16

Oki keto faisia ṉata la ne fakoka ne eeta faisia tha God: uria na si do eri kai lae tatha asi lio ni fare faekwa la atha God,

II. Timothi 3:2

Uria na wane ki keki liothau ani kera i talaada, keki liothau ana malefo, keki uunaoda, keki fafakao kera, keki ṉata ni faretoliṉi lana imole, keki ade faisia ṉata lana maka kera ki ma thainada, kesi sore lea, keki taa,

Taetasi 1:6

Mada sa ta wane ka dodoloa, ana tee kwai boo, ma baree wela nia na kera fitoo, na kesi alaṉida ana ṉalu la, ma toa na kesi ade sulia si ṉata ka ai.

Taetasi 1:10

Sulaania wane na kesi ade sulia si ṉata kera oro, toa na kera ṉataṉata ana ṉata la ne fakoka ma toa ni malaoe la, toa eki ana kwaikakali la ka suke tatha,

Jude 1:15

Fasi ni nia ṉa Wane ni Kotu, kai ṉata sulia toa eki sui boo, ma kai faaseenonia toa eki sui na kera fare faekwa atha God uria si ra kera ana fare faekwa la atha God na kera ilia ka sui bana asi lio ni fare faekwa la kera eri, ma uria aefara la ni sui bana na toa ana abula taa la na kera fare faekwa atha God kera aefara ania.