I. Timothi 1:5 - Ṉa Alaofua Falu 1923 1949

⁵ Ma gwauna si ṉata fifi eri na ṉa loithau la ne ita ana rurui imole ne thathaulia ma asi lio ne lea ma fitooa na kesi lole ania:

I. Timothi 1:5 Referans Kwoze

I. Timothi 1:19

Si maṉa noki rau ana fitooa ma si lio ne lea; do tei toa kera usutania faisida, keka katu, mala faka ne dekwe, faisia si do eki na kulu fitoona:

Galesia 5:22

Ma foee do atha Spirit na ṉa liothau la, seethathala la, enenoa, si lio ni doanita tatha la, adelea, abula thathaore la, abula lea la, abula mamana la,

II. Timothi 2:22

Oko thaka lau boo faisia si thathami la taa toa bii baita ki, ma oki tari buriana kokoto la, fitooa, liothau la, enenoa, bia toa na keka ’ai ana thatana ṉa Lord ana ruruuda ne thathaulia.

II. Timothi 1:5

Si maṉa nau ku onotoona fitooa ba na kesi lole ania na ni ani oe; ne to totonao ana kokoo oe ni Loisa, ma ana thainamu ni Iunisi; ma nau ku thaitoomana boo, ne ni ani oe lau boo.

II. Timothi 1:3

Ku sore lea atha God, na nau ku ra ifana ita ana maka maka nau ki inao asi lio ne thathaulia, na nau ku onotoomu ta si maṉa si ei ana ṉata fifi la ki isatha God, afa rodo ma afa thato

I. Pita 3:21

Ma kafo eri ana tarifula mamana kai faamaruki kamulua si maṉa eri lau boo, na babataesi la neri, tau lana seena imole faisia si do na ka faataalia e ai, ṉa rofe la uria si lio ne lea uria tha God, ana tatae lana tha Jesus Christ;

I. Pita 3:16

Liomulua kai lea; fasi, asi do eri boo na kera ṉata taa suli kamulua ania, keki faaseenonia toa eki na kera tamani taa sulia to lamulua ne lea atha Christ.

I. Pita 1:22

Uria na mulu faafalua maṉomulua si maṉa na mulu ade sulia mamana la eri atha Spirit ana liothau la na kesi lole ania uria baree wai doorana eki, ruruumulua kai seemabe ana liothau kwailiu la iamulua:

II. Pita 1:7

Ma asi lio ni fare baita la atha God liothau la ana baree wai doorana eki; ma ana liothau la ana baree wai doorana eki ṉa liothau la.

Roma 10:4

Sulaania tha Christ gwauna ṉa lo ana kokoto la fani tei na kai fitoo.

Taetasi 1:15

Ifana toa liode thathaulia si do ki sui bana e thathaulia: ma ifana toa na liode taa ma kera fitala e ai ta do si thathaulia; manatada ma lioda lau boo e taa naa.

I. Timothi 3:9

Keki rau asi do eki ne toto thaufuni na kulu fitoona, asi lio ne thathaulia.

II. Korinitha 1:12

Uria na si do mili faabaita kamilia ania nania, si do na wane i ruruumilia ka sorea sulia si do nia thaitoomana, na asi lio ne abu ma thathaulia atha God, ana liotooa seena imole e ai, ana lea la tha God, mili abula i fanua nei iano, ma mili ilia ka tatha inaofamulua.

Fa Ṉu Abu ki 51:10

Oko thauwai nia do faalu i la ruruuku, God ae; oko adea spirit nau kai kokoto lau bana.

I. Pita 4:8

Si do ne baita ka tatha, muki seemabe faamau ana liothau kwailiu la ani kamulua; sulaania liothau la kai thu fafia abula taa la oro ki:

Jemesi 4:8

Muki idu karaṉia tha God, ma ni nia kai idu karaṉi kamulua. Faafalua ro aba kamulua ki, toa na mulu abula taa; ma faathathaulia ruruumulua, kamulua toa amulua ro si lio.

Si do Aposela ki kera ilidaki 23:1

Ma tha Polo ka lio tete uria ofu la eri, ka sorea, Doora kera, nau ku abula ṉado inaofatha God asi lio ne lea ka fula ana itaraena.

Fa Ṉu Abu ki 24:4

Wane nei na ro aba nia ki e faalu, ma ruruune thathauliaa; wane ne a’i si tafoa maṉona uria si do ne a’i si kwaiadomi, me a’i si othi ni lole la.

I. Jone 3:3

Ma ni tei na ka manatatoo ṉado uria si do eri ani nia kai faafalu nia i talaana, ’uria lau boo ni nia e falu.

Hibaru ki 10:22

Kuki idu karaṉi mai fafia ruruukulua ne mamana, ana fitooa baita faamau, fafia ruruukulua na kera taṉasia si lio ne taa faisia, ma seekulua na kera taua asi kafo thathaulia:

I. Korinitha 13:1

Kwai ṉata mena ana ṉata lana imole ki ma aini angel ki lau boo, ma ṉa liothau la ka ai faisi nau, nau kwai ’uria si thala na kera kidiriria, mado kwadee thalo na kai tonee alifeo.

Roma 14:15

Uria mada sa dooramu kai liodila uria faṉa oe, abula lamu do ana liothau la e ai lau naa. Osi lalabatania ana faṉa oe wane eri na tha Christ e mae uri nia.

Roma 9:1

Nau ku ṉata mamana atha Christ, e ai kwasi lole, manataku kai faamamanea ofu bi nau si do ne thaitoomana suli nau atha Spirit Abu,

Si do Aposela ki kera ilidaki 24:16

Ma asi kula eri ku aṉasi lau boo fasi lioku kai dodoloa ṉado uria tha God ma uria imole ki.

Si do Aposela ki kera ilidaki 15:9

Ma nia e ai si adea ’uria sa kera eeta faisi kulu, ka faafalua ruruuda ana fitooa.

Mathui 12:35

Wane ne lea kai ṉalia mai si do lea ki ana ogogonia lea nia: ma wane taa kai ṉalia mai si do taa ki ana ogogonia taa nia.

Mathui 5:8

Lea iada, toa ruruude thathaulia: uria na toto keki rikia tha God.

I. Jone 3:23

Ma si ṉata fifi nia nai nia, kuki fitoona thatana Kaluwane nia tha Jesus Christ, ma kuki liothau kwailiu ani kulu, ’uria lau boo e soree isakulua.

Hibaru ki 13:18

Muki foa uri kamilia: uria na mili thaitoomana boo amilia si lio ne lea, mili thathamia to lamilia kai dodoloa asi do ki sui bana.

Hibaru ki 9:14

Ta na sa abuna tha Christ, ne fale nia ana do dodoloa ni foa la ifatha God atha Spirit na kai to tatha, kai sukwai ka tatha fasi kai faafalua liomulua faisia si ra wane ne mae ki muki ra ifana ṉa God maruki, mado?

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

Roma 12:9

Olodola la kei ei faisia liothau la kamulua. Muki mamagu ania si do ne taa; muki rau ṉado asi do ne lea.

I. Timothi 1:18

Si faaroṉoa nei ku takofalea iamu, Timothi wela nau, sulaania si ṉata la ba ki na porofeta ki kera ṉata ania totonao suli oe, fasi ana ṉata la eki oki firu ana firu la ne lea;

I. Jone 3:10

Asi kula eri kera fatai nia baree wela tha God, ma baree wela tha devil: ni tei bana ne ai si ilia kokoto la do tha God e ai, ma ni tei ne ai si liothau ana doorana.