I. Timothi 1:4 - Ṉa Alaofua Falu 1923 1949

⁴ Bia fasi e ai kesi fale kera uria manatatoona lana uunu ki ma talisibara ladoa la ki, na kai faaṉata kera keki oli susuu, e ai si faasukwai kera atha God ana fitooa; si do eki kwai sorea lau.

I. Timothi 1:4 Referans Kwoze

Taetasi 3:9

Ma oko keto faisia soetoona la ki toa na kera ṉata oewanea, ma talisibara ki, ma oli susuua ki, ma firu la ki sulia ṉa lo, uria na do eki sa ka kwaiadomi e ai, tonee do ki bana.

Taetasi 1:14

Ma manatada si teo asi uunu ki ana Ju ki, ma asi ṉata fifi wane ki na kera akele faisia mamana la eri.

I. Timothi 4:7

Ma oki lalakwatania uunu eeta la ki faisia tha God na kukue ki keki uunu sulia. Ma oki seemabe asi lio ni fare baita la atha God:

II. Timothi 4:4

Ma keki akeletania aliṉada faisia mamana la eri, keki akele kekeo uria uunu ni lole la ki.

II. Pita 1:16

Sulaania e ai misi roo sulia uunu ni lole la ki na liotooa na imole e boa, si maṉa mili faaroṉo kamulua ana sukwaia Lord kulu tha Jesus Christ ma fula lana, mili tala rikia inotoa nia ana maamilia.

I. Timothi 6:20

Timothi ae, oko fono toi kakalia si do na keka takofale oe ania, oki keto faisia ṉata la ne fakoka ne eeta faisia tha God bia kwaisuusi la ana ṉa manata lea la na kera alaṉi garo ania;

Hibaru ki 13:9

Kesi tole garo ani kamulua ana kwaifamanataia oro eeta ki: sulaania e lea na keki faaṉadoa rurui imole ana lea la; asi do ni ani lana ki e ai, si do ne ai si adomia toa ne oga kera faamau.

II. Timothi 2:14

Oki faaroṉo kera lau asi do eki fasi keka onotoona, oki faaroṉoda inaofana ṉa Lord, kesi firu bi kera i talaada sulia si baea ki, firu la ne ai si kwaiadomi, kai faataofai nia toa na kera roṉoa.

II. Timothi 2:22

Oko thaka lau boo faisia si thathami la taa toa bii baita ki, ma oki tari buriana kokoto la, fitooa, liothau la, enenoa, bia toa na keka ’ai ana thatana ṉa Lord ana ruruuda ne thathaulia.

I. Timothi 6:11

Ma ni oe, no wane tha God, oko thaka faisia do eki; ma oko tari buriana kokoto la, si lio ni fare baita la atha God, fitooa, liothau la, si lio ni susuu la, abula marabibi la.

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

Taetasi 1:1

Polo, wane ni ra tha God, ma aposela tha Jesus Christ, sulaania si do eki na toa na tha God e filida kera fitoona, ma thaitoomana lana mamana la eri asi lio ni fare baita la atha God,

II. Korinitha 1:12

Uria na si do mili faabaita kamilia ania nania, si do na wane i ruruumilia ka sorea sulia si do nia thaitoomana, na asi lio ne abu ma thathaulia atha God, ana liotooa seena imole e ai, ana lea la tha God, mili abula i fanua nei iano, ma mili ilia ka tatha inaofamulua.

Efesasi 3:2

Mada sa mulu roṉoa lea lana tha God neri na kera takofale nau ania fasi kwai ra ania ifamulua;

II. Timothi 2:23

Ma oli susuua toa na kera ṉata oewanea ma keka dora asi do na kera ṉata sulia, oko keto faisia, uria no thaitoomana kai futaṉai nia firua ki.