I. Timothi 1:17 - Ṉa Alaofua Falu 1923 1949

¹⁷ Ma Kiṉa eri ne to ladoa ne toto si fufuraa, ne to bana ma kesi riki nia, tha God na tee nia boo, keki fare baita ma keki fare inoto ani nia toto si sui. Emeni.

I. Timothi 1:17 Referans Kwoze

Jude 1:25

Tha God na tee nia boo, ne faamaruki kulu, keki taṉoa inotoa nia, gwauwai la, tooa, ma sukwaia, si maṉa eri, ma toto si sui. Emeni.

Si do na kera fatai nia 19:1

Buriana si do eki nau ku roṉoa si do ne ’uria liṉana si ṉata la baita malului wane i thalo, ne una eri, Haliluia; Marukia, ma ṉa inotoa, ma ṉa fare baita la, ma ṉa sukwaia, na ṉa do God kia ki:

Si do na kera fatai nia 17:14

Toa eki kikui firu bia ṉa Lama, ma ṉa Lama si nia kai tatha iadalua, uria nia Lord inoto ka tatha ana lord ki, ma Kiṉa inoto ka tatha ana kiṉa ki; ma toa eki lau boo na kiku lae bi nia, na kera ailida mai ma kera filida ma kiku mamana.

Kolose 1:15

Nia na nuna tha God ne to bana ma kesi riki nia, nia totonao, sui do eki sui bana na kera thauwai nia;

Si do na kera fatai nia 19:16

Ma ana thatana na kera keda fafia tooni nia ma fafia thafana, Kiṉa inoto ka tatha ana kiṉa ki, ma Lord inoto ka tatha ana lord ki.

Roma 1:23

Keka taala inotoa tha God na toto si fufura ka lioe nuna wane na toto kai fufura, ma thaaro ki, ma do maruki ana fai ae ki, ma wa ki.

Fa Ṉu Abu ki 45:6

God ae, do ni ono la oe ana inotoa kai toto si sui: si ’ei ana inotoa oe ana tooa oe na si ’ei ana kokoto la.

Si do na kera fatai nia 19:6

Ma nau ku roṉoa si do ne ’uria liṉana ṉata lana malului wane, ma ’uria kuru lana kafo oro ki, ma ’uria liṉana kukururua faamau, ne una eri, Haliluia: uria na tha Lord God, ne Sukwai ka tatha, ka inoto ka tatha.

I. Jone 4:12

E ai ta wane si rikia tha God ana ta si maṉa: mada sa kuka liothau kwailiu ani kulu, tha God ka to ani kulu, ma liothau la nia kai sukwai teefau ani kulu:

Jone 1:18

E ai ta wane si rikia tha God ana ta si maṉa: tee fa Kaluwane eri, na ni ruruuna ṉa Maka, nia e fatai nia.

Mathui 6:13

Ma osi talai kamilia isana bae aliṉa la, oki suusi kamilia faisia tha Taa, sulaania na do oe na ṉa tooa, ma ṉa sukwaia, ma ṉa inotoa, toto si sui. Emeni.

Fa Ṉu Abu ki 90:2

Asi maṉa na gwa tolo lo ki e a’i kesi futa u mai, asi maṉa ba nosi thauwai nia u theegano ma fanua na i iano, o toto asi maṉa u mai inao, lalae ka fula asi maṉa ni u ki mai ka toto si sui, tha God na ni oe.

Fa Ṉu Abu ki 10:16

Tha Jihova na ṉa Kiṉa toto si sui: kulee toa eki kera sui bonaa faisia fanua nia.

Si do na kera fatai nia 15:3

Ma keka ṉulia fa ṉu tha Mosesi na wane ni ra tha God, ma fa ṉu ṉa Lama, keka una eri, Si ra oe ki e baita ma do ni kwele la ania, Lord God, no Sukwai ka tatha; tala oe ki e kokoto me mamana, Kiṉa toa abu ki.

Si do na kera fatai nia 7:12

Keka una eri, Emeni: Lea la, ma taṉo la, ma liotooa, ma sore lea la, ma fare baita la, ma sukwaia, ma rigita la, na ṉa do na God kia toto si sui. Emeni.

II. Pita 3:18

Ma muki sukwai alaa ana lea la ma thaitoomana lana Lord kulu ne faamaruki kulu, tha Jesus Christ. Keki fare inoto ani nia si maṉa eri ma toto si sui. Emeni.

I. Pita 5:11

Keki fare inoto ani nia ma keki taṉoa tooa nia toto si sui. Emeni.

Hibaru ki 11:27

Ana fitooa ka akwasia i Ijifita, e ai si mau ana rakeiria ṉa kiṉa: uria ne susuu asi do ki, mala wane na ka rikia ni nia na kai to bana ma kesi riki nia.

Roma 16:27

Tha God na tee nia e manata lea, keki fare inoto ani nia atha Jesus Christ, toto si sui. Emeni.

Roma 11:36

Uria si do ki sui bana ita mai ani nia, ma ka uri nia, ma ani nia. Keki fare inoto ani nia toto si sui. Emeni.

Roma 2:7

Ifana toa eki na kera rofe, asi lio ni susuu ṉado ana ili lana lea la, uria inotoa ma fare baita la ma si do na toto si fufura, kai falea marukia tatha:

Roma 1:20

Sulaania si do nia eki ne to bana ma kesi rikia ita mai ana thauwai lana fanua nei iano ka to lalaa, uria na kera thaitoomana asi do ne thauwanidaki, sukwaia nia neri na ka to ladoa ma liona na si lio ana God; fasi e ai lau ta si do ana suusi lana abula taa la kera:

Mathui 28:20

Muki faamanatai kera keki manatatoona si do ki sui bana asi do eki ku fafaaroṉo kamulua ania: ma lio fasi, nau ku to bi kamulua sulia boṉi, lalae ka fula ana susui lana kada nei. Emeni.

Mathui 25:34

Sui Kiṉa eri kai soree isana toa ibali aba aola nia, Lae mai, toa na Maka nau e falea lea la ifamulua, muki to ana tooa na kera thauwai nia maakwali kamulua too mai ana boa lana fanua nei iano:

Fa Ṉu Abu ki 145:13

Tooa oe na ṉa tooa na ka toto si sui, ma si kula oe noki inoto fafia kai to bana kai lae alaa uria unii wane ki sui bana.

Fa Ṉu Abu ki 106:48

Taṉoa tha Jihova na God Isirela, ne toto asi maṉa u mai inao, lalae ka fula asi maṉa ni u ki mai toto si sui. Ma toa nei ki sui bana keki sorea fasi, Emeni. Kamulua sui muka taṉoa tha Jihova.

Nehemiah 9:5

Sui Lifaete eki, tha Jesua, ma tha Kamiele, tha Baani, tha Asanaea, tha Serebaea, tha Odaeja, tha Sebanaea, ma tha Betaea, keka una eri, Muka takwe iaa, taṉoa fasi tha Jihova na God kamulua toto si sui: taṉo la e farana thatamu ne inoto faamau me ni iaa ka tatha asi do eki sui bana na kera faare baita ania ma keka taṉoa.

Fa Ṉu Abu ki 57:11

Faare baita la iamu, God ae, kai fane da iaa ka tatha ana thalo lo ki; inotoa baita oe kai fane da iaa ka tatha ana fanua na i iano ni sui bana.

Fa Ṉu Abu ki 45:1

Ruruuku ’uria se lugaluga, ka fuṉu olomaaliṉa asi do ne lea: nau kwai ṉata sulia si do ku thauwanidaki sulia na kina: meaku na si ’ei ni kekeda wane ne thaitoomana lea kekeda la.

Fa Ṉu Abu ki 41:13

Taṉoa tha Jihova, na God Isirela, ne toto asi maṉa u mai inao, ma ka toto si sui. Emeni, ma Emeni.

Jone 5:44

Muki fitoo ufita, toa na muki faainoto kamulua kwailiu, ma inotoa ne ita atha God tee nia e ai musi rofea?

Roma 2:10

Ma inotoa ma fare baita la ma enenoa ifana wane eki sui boo na kera ilia si do ne lea, ṉa Ju totonao, ma ṉa wane i Girisi lau boo:

Hibaru ki 2:7

O alu nia ka suka faekwa ifara aini angel ki; O erea gwauna ana inotoa ma fare baita la, O alu nia kai ana asi do eki no ra ana ro aba oe ki ania: