I. Timothi 1:15 - Ṉa Alaofua Falu 1923 1949

¹⁵ Si ṉata mamana neri, me farana na keki faamamanea ṉado, na tha Christ Jesus e lae mai uria fanua nei iano uria faamaruki lana toa na kera abula taa; ma ni nau wane ku abula taa ka tatha ani kera sui:

I. Timothi 1:15 Referans Kwoze

Mako 2:17

Si maṉa na tha Jesus e roṉoa, nia ka soree isada, Toa na kera lukatai kesi rofea doketa, talitoona boo toa na kera matai: e ai kwasi fula uria aili lana toa kera kokoto; ku fula uria aili lana toa na kera abula taa uria manata akele la.

Luke 19:10

Uria na Kaluwane imole e fula uria rofe lana ma faamaruki lana si do ne lalae garo.

Jone 12:47

Ma mada sa ta wane ka roṉoa si ṉata nau, ma ka ai si faamamanea, nau e ai kwasi ṉata suli nia mala wane ni kotu: uria ni nau kwasi lae mai fasi kwai ṉata una eri sulia toa na fanua nei iano e ai, fasi kwa faamarukia toa na fanua nei iano.

Jone 1:12

Sui toa eri na kera thathagoni nia mai, nia ka falea sukwaia ifada keka wela tha God ki, ifana toa eri na keka fitoona thatana:

Luke 5:32

E ai kwasi fula uria aili lana toa na kera kokoto, ku fula uria aili lana toa na kera abula taa uria manata akele la.

I. Jone 3:5

Ma mulu thaitoomana na kera fatai nia fasi ka ṉalia abula taa la kulu ki; me ai ta abula taa la si ni ani nia.

I. Timothi 1:13

Nau wane ku fafaretoliṉia mena tha God totonao, ku tona ililamatai nia toa ki, ku thathasi naunau: ma sui kera doanita iaku, sulaania si maṉa na ku fitala u kwasi thaitoomana maalutana si do nau ku ilia;

Mathui 20:28

Ka ’uria boo Kaluwane imole ne ai si fula fasi keki ra iana e ai, e fula uria ra la ifana imole, ma fale lana maṉona ana tae la faisia toa oro.

I. Korinitha 15:9

Uria ni nau wane nai buri bonaa ana aposela ki, ne ai kwasi farana keki alaṉi nau ana aposela, sulaania nau ku tona ililamatai nia figua tha God.

Jone 1:29

Fa boṉi iburiana tha Jone ka rikia tha Jesus kai lae na mai isana, ma ka sorea, Rikia fasi, ṉa Lama tha God, na kai ṉalia abula taa lana toa na fanua nei iano!

Mathui 9:13

Ma sui lae, muki thaitoomana fasi maalutana si ṉata eri, Ku thathamia tatakomi la, do ni foa la e ai: sulia e ai kwasi fula uria aili lana toa na kera kokoto, ku fula uria aili lana toa na kera abula taa uria manata akele la.

Mathui 1:21

Ma nia toto kai tharea ta kaluwane; ma oki alaṉia atha JESUS; sulia ni nia ana na kai faamarukia toa nia ki faisia abula taa la kera ki.

Hibaru ki 7:25

Mania e sukwai lau boo kai faamaruki teefau ana toa na keka idu karaṉia tha God ani nia, uria ne maruki ṉado bana fasi kai lae isana urida.

I. Timothi 4:9

Si ṉata eri e mamana, me farana keki faamamanea ṉado.

Roma 5:6

Sulaania si maṉa na sukwaia e ai u faisi kulu, tha Christ e mae asi maṉa nia uria toa na kera fare faekwa atha God.

I. Jone 3:8

Wane na ka abula taa ṉado, do tha devil nania; uria na tha devil ka abula taa ṉado ita i thafali la mai. Sulia si kula eri kera fatai nia Kaluwane tha God, fasi nia kai labatania si ra tha devil ki.

I. Timothi 3:1

Si ṉata eri e mamana, Mada sa ta wane thathamii ra ana nanao la, ni nia e thathamia ra lea

Efesasi 3:8

Ni nau, wane nai buri bonaa buriana wane nai buri ana toa abu eki sui bana, kera falea lea la eri iaku, kwai ṉata isana Jenetaele ki sulia si do lea tha Christ ki na kesi talaana rofe lana maalutana;

Si do na kera fatai nia 22:6

Ma nia ka soree isaku, Si baea fitoo ma mamana neri: ma tha Lord, ṉa God ana spirit eki ana porofeta ba ki, e arasia angel nia uria fatai lana si do eki isana toa ni ra nia ki na kai makee fula e ai si ei boo.

Si do na kera fatai nia 5:9

Ma keka ṉulia tee fa ṉu falu, keka una eri, O farana ṉali lana ṉa buka, ma dekwe lana do ne faaṉadoa ki: sulaania kera thauṉi oe oko mae, mo usia imole ki ifatha God ana abumu faisia kulee toa ni sui, ma toa ana ṉata la eki sui bana, ma ina lana imole ni sui boo, ma toa ana fanua eeta ki sui bana,

Taetasi 3:8

Si ṉata eri e mamana, ma nau ku thathamia oki ṉata seeraa sulia si do eki fasi toa na kera fitoona tha God keki beta suli kera fasi keki seemabe asi ra lea ki. Si do lea ki neri na kai adomia imole ki:

II. Timothi 2:11

Si ṉata eri e mamana: Sulaania mada sa kulu mae naa bi nia, toto kuki maruki lau boo bi nia:

Si do Aposela ki kera ilidaki 3:26

Ma ni kamulua totonao, tha God, buriana ne tataea Kaluwane nia tha Jesus, e arasi nia mai isamulua fasi kai falea lea la ifamulua, ana bulasi lamulua la, ta imole iamulua si ei boo, faisia abula taa la kamulua ki.

Jone 3:36

Wane na kai fitoona ṉa Kaluwane ana marukia tatha; ma wane ne ai si ade sulia ṉa Kaluwane toto si rikia marukia, ma rakeiria tha God kai to bana fafi nia.

Si do na kera fatai nia 21:5

Ma nia ne ono ana do ni ono la ana inotoa eri ka sorea, Rikia fasi, nau ku faafalua si do ki sui bana. Ma nia soree isaku, Oki keda: sulaania si baea fitoo ma mamana neri.

I. Jone 5:11

Ma faamamane la eri neri, na tha God e falea marukia tatha ifakulua, ma marukia eri ni ana Kaluwane nia.

I. Timothi 1:19

Si maṉa noki rau ana fitooa ma si lio ne lea; do tei toa kera usutania faisida, keka katu, mala faka ne dekwe, faisia si do eki na kulu fitoona:

Mathui 18:10

Muki lio ada muka fare faekwa ana ta wela ana kali wela nei ki; uria ku soree isamulua, I thalo lo angel kera ki keki rikia ṉado maana Maka nau ne ni mei thalo.

Si do Aposela ki kera ilidaki 11:18

Ma si maṉa na kera roṉoa si do eki, keka bona bada, sui kera taṉoa tha God, keka una eri, O ma Jenetaele ki lau boo tha God e falea manata akele la ifada uria marukia.

Si do Aposela ki kera ilidaki 11:1

Ma aposela ki ma baree wai doorana nai Judia kera roṉoa na Jenetaele ki kera ṉalia lau boo bae lana tha God.

Luke 15:2

Ma Farisi ki bia wane ni kekeda ki keka ubulutai nia, keka una eri, Wane nei kai thathagonia toa na kera abula taa, ma kai faṉa bida.

Roma 11:14

Sa mado e ai kwa faaelua ina laku kera ana lalakwatai lana toa eeta keki ṉalia si do ki faisi kera, ma kwa faamarukia ta toa iada.

I. Timothi 6:13

Nau ku soree isamu inaofatha God, ne faamarukia si do ki sui bana, ma inaofatha Christ Jesus, ne faamamanea lea isatha Podiasi Paelate si do nia thaitoomana e mamana;

Mathui 18:11

Uria na Kaluwane imole e fula uria faamaruki lana do ne garo.