I. Timothi 1:14 - Ṉa Alaofua Falu 1923 1949

¹⁴ Ma lea la Lord kulu e oro ka tatha bia fitooa ma liothau la na ni atha Christ Jesus.

I. Timothi 1:14 Referans Kwoze

II. Timothi 1:13

Oki rau asi baea taliṉei ba ki ne dodoloa fasi keki lio uria, si do no roṉoa ani nau, ana fitooa ma liothau la na ni atha Christ Jesus.

I. Korinitha 15:10

Sui ana lea la tha God nau ku fula asi do nau ku fulatoona: ma lea la nia ne falea mai iaku na ṉa tonee do e ai; nau ku ulafu ana ra ne oro ka tatha ani kera sui boo: ni nau e ai neri, lea la tha God bana na ni isaku.

I. Pita 1:3

Taṉo nia ne God na Lord kulu tha Jesus Christ ma Maka nia, na sulia tatakomia baita nia e kwalafi kulu lau uria manatatoo ṉado la ne maruki, ana tatae lana tha Jesus Christ faisia toa mae ki,

II. Korinitha 13:14

Lea la tha Lord Jesus Christ, ma liothau la tha God, ma kwaimani lea la atha Spirit Abu, kai to bi kamulua sui boo. Emeni.

Roma 16:20

Ma tha God ana enenoa kai makee alua tha Satan muki uru fafi nia. Lea la na Lord kulu tha Jesus Christ kai to bi kamulua. Emeni.

I. Jone 4:10

Liothau la ka to fatai asi kula eri, na ni kulu kulu liothau atha God e ai, ni nia e liothau ani kulu, me arasia mai Kaluwane nia, wane na ka dianalio uria abula taa la kulu ki.

I. Thesalonika 1:3

Uria na mili manatatoona, ta si maṉa si ei, ra kamulua ana fitooa ma ulafu la kamulua ana liothau la ma si lio ni susuu la na mulu manatatoo ṉado ania uria si do ki ana Lord kulu tha Jesus Christ, inaofana God kulu na ṉa Maka kulu;

II. Korinitha 8:9

Sulaania mulu thaitoomana lea la Lord kulu tha Jesus Christ, na, boro sa nia ka rikii do mena, e toto ana rofe la uri kamulua, fasi ana rofe la nia eri ni kamulua muki rikii do.

Si do na kera fatai nia 22:21

Lea la tha Jesus Christ na Lord kulu kai to bi kamulua sui. Emeni.

I. Thesalonika 5:8

Ma ni kulu, uria na kulu do ṉa thato, kuki inoto ana seekulua, kuki alua fafia ruruukulua do na kai suusia taa la faisia, na ṉa fitooa ma ṉa liothau la; ma fafia gwaukulua do na kai suusia taa la faisia, na ṉa manatatoo ṉado la uria marukia.

Si do Aposela ki kera ilidaki 15:11

Ma kulu fitoo na keki faamaruki kulu ana lea la tha Lord Jesus Christ, alafana lau boo ni kera.

I. Korinitha 3:10

Sulia lea la tha God na kera falea mai iaku, uria wane inoto ana kasi lana biu na lioku e too, ku alua gwa fau totonao ki; ma tee wane lau ka kasibiu i fafona. Sui toa ni sui boo muki beta suli kamulua, ta wane u boo i talaana ma ta wane u boo i talaana, kasi la na nia kai kasia i fafona.

II. Korinitha 4:15

Sulaania si do eki sui boo uri kamulua, fasi lea la eri, uria na kai oro ka tatha sulia toa oro eri, kai ilia na sore lea la kai oro ka tatha ifana motoa tha God.

Galesia 1:13

Uria na mulu roṉoa abula laku dini mai inao asi do Ju ki kera faamamanea, na nau ku tona ilamatai nia faamau figua tha God, ma ku labatania:

I. Timothi 2:15

Ma keki faamaruki nia si maṉa kai tharewela, mada sa keko to ana fitooa ma ana liothau la ma ana faaabu lada la, ma seedaroa si inoto ani keroa.

I. Timothi 4:12

Osi alamatania ta wane si fare faekwa iamu uria no wane o bii baita; abula lamu kai dodoloa fasi toa na kera fitoo keki lio uria, ana ṉata lamu, ana abula lamu, ana liothau la, atha Spirit, ana fitoo lamu, ana manatamu kai thathaulia.

I. Timothi 6:11

Ma ni oe, no wane tha God, oko thaka faisia do eki; ma oko tari buriana kokoto la, si lio ni fare baita la atha God, fitooa, liothau la, si lio ni susuu la, abula marabibi la.

II. Timothi 2:22

Oko thaka lau boo faisia si thathami la taa toa bii baita ki, ma oki tari buriana kokoto la, fitooa, liothau la, enenoa, bia toa na keka ’ai ana thatana ṉa Lord ana ruruuda ne thathaulia.

Taetasi 2:2

Na wane na kera arai ki naa keki inoto ana seeda i talaada, tainei, seeeno, taliṉei ana fitooa, ana liothau la, asi lio ni susuu:

Mathui 20:9

Ma si maṉa na toa na kera soetooda karaṉia thaulafia kera fula, kera sui keka ṉalia tee peni.