I. Timothi 1:11 - Ṉa Alaofua Falu 1923 1949

¹¹ Sulaania si faaroṉoa lea eri ana inotoa ṉa God na kera taṉoa, faaroṉoa lea na kera takofalea iaku.

I. Timothi 1:11 Referans Kwoze

Galesia 2:7

E ai, si maṉa na kera rikia na kera takofalea si faaroṉoa lea iaku ifana toa na kesi kwai kalida, ’uria lau boo atha Pita ifana toa eri na kera kwai kalida

Taetasi 1:3

Ma sui asi maṉa nia ki e fatai nia bae lana asi ṉata la, na kera takofalea iaku sulia si ṉata fifi tha God ne faamaruki kulu;

I. Timothi 6:15

Fatai la na ni nia kai fatai nia ania asi maṉa nia ki, nia na kera taṉoa, ne Gwauwai tee nia, Kiṉa Inoto ka tatha ana kiṉa ki, ma Lord Inoto ka tatha ana lord ki;

II. Korinitha 4:4

Toa eki god kada nei e faarorodoa manatana toa ana fitala la, fasi ṉa lalaa la na si faaroṉoa lea sulia inotoa tha Christ, na nuna tha God, ka ai si laa ifada.

Roma 2:16

Afa boṉi eri na tha God na Wane ni Kotu kai sorea si do na kai uria wane ki maana si do thaufuni kera ki, atha Jesus Christ, sulia si faaroṉoa lea nau.

II. Timothi 2:2

Ma si do ba ki no roṉoa ani nau i maalutana toa oro na kera roṉoa, si do eki oki takofalea ana wane mamana ki, na kera talaana kwaifamanatai la lau isana tai toa lau boo.

II. Timothi 1:14

Do lea ba na kera takofale oe ania oki beta atha Spirit Abu na ni ani kulu.

II. Timothi 1:11

Na kera alu nau nau wane ni ṉata la sulia, ma aposela, ma wane ni kwaifamanatai ifana Jenetaele ki.

I. Timothi 6:20

Timothi ae, oko fono toi kakalia si do na keka takofale oe ania, oki keto faisia ṉata la ne fakoka ne eeta faisia tha God bia kwaisuusi la ana ṉa manata lea la na kera alaṉi garo ania;

I. Timothi 2:7

Sulia si do eri kera alu nau nau wane ni ṉaliṉata ma aposela (Nau ku ṉata mamana atha Christ, nau kwasi lole), wane ku kwaifamanatai isana Jenetaele ki ana fitooa ma mamana la.

I. Thesalonika 2:4

Ma talafana tha God e ala fafi kamilia fasi ka takofale kamilia asi faaroṉoa lea, alafana na mili ṉata; ’uria sa miki faalea imole ki e ai, tha God ne ilitoona ruruumilia.

Kolose 1:25

Na kera alu nau nau wane ni ra la ania, sulia si do na tha God e takofale nau ania kwai ra ania uri kamulua, uria faamamane lana bae lana tha God,

Efesasi 3:10

Fasi asi maṉa eri keki fatai nia liotooa tha God, ne manataia si do oro ka tatha, isana toa inoto ma toa sukwai nai thalo ki, keki thaitoomana sulia figua eri,

Efesasi 2:7

Fasi asi kada na ni ki u nia kai fatai nia lea la nia ne inoto asia naa ana ade lea la uri kulu atha Christ Jesus:

Efesasi 1:12

Fasi keka taṉoa inotoa nia uri kamilia, toa totolenao ki na mili manatatoo ṉado uria tha Christ:

Efesasi 1:6

Ana taṉo lana inotoa lea la nia, ne ala fafi kulu ania ana Wane liliothaua nia:

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

I. Korinitha 9:17

Sulaania mada sa ni nau talani nau na ku thathamii ilia, kwaiara nau kai to bana ifaku: sui mada sa ni nau e ai na ku tala thathamia, ra kera na kera takofale nau ania neri.

Luke 2:14

Keki fare inoto atha God ne ni asi kula da ia ka tatha, Ma i fanua nei iano keki falea enenoa i maalutana imole ne lea iana urida.

Fa Ṉu Abu ki 138:2

Nau kwai lio uria biu baita oe ne abu, ma kwai foa, kwai sore lea ana thatamu sulia ade lea lamu ma mamana lamu: uria no faabaitaa bae lamu ka tatha ana thatamu sui boo.