I. Timothi 1:10 - Ṉa Alaofua Falu 1923 1949

¹⁰ Ifana wane na kera oe ki, ifana wane ki na kera oe lau bada uri kera i talaada, ifana wane lauwane ki, ifana toa na kera sorea si do ne ai si mamana, toa na kera othi ni lole la ki, ma atona bana ta si do lau ne ai si talaana kwaifamanataia taliṉei eri;

I. Timothi 1:10 Referans Kwoze

II. Timothi 4:3

Uria na si maṉa toto kai fula na kesi alamatania keki faaroṉoda asi kwaifamanataia taliṉei eri; ma aliṉada kai mamale, adedea keki ofua toa in kwaifamanatai iada sulia thathami la taa kera ki;

Roma 1:26

Sulia si kula eri tha God e lukatai kera asi lio ni oea ne taa ka tatha: uria kini kera ki kera taala si do imole tala thaitoomana sulia ṉa kini asi do ne eeta faisia si do eri:

Si do na kera fatai nia 21:27

Ma ta si do ne taa sa ka kotho iei e ai dodoloa, mado wane na kai ilia do ni mamagu la ania mado kai lole: talitoona bana toa na kera keda thatadalua i la buka ana marukia ṉa Lama.

I. Timothi 6:3

Mada sa ta wane ka kwaifamanatai ata kwaifamanatai eeta, me ai si ala fafia si baea taliṉei, bae lana na Lord kulu tha Jesus Christ, ma kwaifamanataia eri ne sulia si lio ni fare baita la atha God;

Jude 1:7

’Uria lau boo Sodomo bia Gomora ma toaa susu ki na ni karaṉia toaa eki, sulaania kera alamatai kera ana oe la talafana lau boo angel eki, ma kera rofe iburiana atona see ta do bana, kera kekeda sulida fasi kuki lio uria, kuki thaitoomana, na kera to ana kwae la i la era na kai to tatha.

Taetasi 1:9

Kai rau asi baea mamana ne totoo bia kwaifamanataia eri, fasi kai talaana ṉata la sulia kwaifamanataia taliṉei eri, ma faaseenoni lana toa na kera suusia.

Si do na kera fatai nia 21:8

Ma toa ana mau la, ma toa ana fitala la, ma toa ni mamagu la anida, ma toa ni thauwane la, ma toa ni oe la, ma toa ni ra la ana sukwaia spirit taa ki, ma toa na kera foa ana god eeta ki, ma toa ni lole la ki sui bana, keki fulatoona si do kera ki asi kula ne ’uria gwa kafo baita me fuṉu ana era ma do thasuna ka makwafifi; ruana fa maea neri.

Hibaru ki 13:4

Keki fare baita ana lumaa i maalutana toa na fanua, ma kesi faasua fitei eri: uria na toa na kera oe ma toa na kera oe fafia kwaida tha God na Wane ni Kotu kai ṉata sulia.

Si do na kera fatai nia 22:15

Uria na koito ki ni thara, ma toa ba ki na kera ra ana sukwaia spirit taa ki, ma toa ba ki ni oe la, ma toa ba ki ni thauwane la, ma toa ba ki ni foa la ana god eeta ki, ma ni tei bana ne thathamia lole la ma kai lole ana.

II. Timothi 1:13

Oki rau asi baea taliṉei ba ki ne dodoloa fasi keki lio uria, si do no roṉoa ani nau, ana fitooa ma liothau la na ni atha Christ Jesus.

Jone 8:44

Kamulua wela maka kamulua na tha devil, ma si lio taa ki, do maka kamulua eri, muki thathamii ilia. Nia thauwane ita mai i thafali la, me ai si to ana mamana la, uria ne ai ta do ne mamana si ni ani nia. Si maṉa nia lole, nia ṉata asi do nia ki u boo: uria nia do na kai lole, ma maka ana lole la.

GENESIS 19:5

Ma keka ’ai thatana tha Lota, keka soree isana, Nifei nia ro wane ba ki na kero kotho kau isamu afa rodo nei? talai keroa mai, fasi miki adedaroa.

Taetasi 1:13

Si do na wane eri e faamamanea sulia si do nia thaitoomana e mamana boo. Mania oki ṉatafifi faamau isada, fasi keki taliṉei asi do eki na kulu fitoona,

Si do na kera fatai nia 18:13

Ma sinamona, ma do thasune makwa lea, ma si gwai, ma do inoto thasune makwa lea faamau, ma waene, ma gwai laeta, ma mila maemaea, ma uiti, ma buloka ki, ma sifi ki; ma hosi ki ma do hosi kai abadaki ma toa na kera suuwanidaki keki tonee ra; ma maṉona imole ki.

GENESIS 40:15

Uria na kera lau nau mamana boo faisia fanua Hibaru ki: ma i fanua nei lau boo kwasi ilia boo ta si do, fasi keki alu nau i la lokafu nei i maana.

GENESIS 37:27

Kulu kau, kulu usi ani nia ifana kwalafaa tha Isimela, nai nida, ma kusi thauṉia ana abakulua; uria na thasikulua neri, na wane ana ina lakulua. Ma keka ala fafia ṉata lana.

I. Timothi 4:6

Mada so faaroṉoa doorakulua ki lau fasi keki onotoona si do eki, oki wane ni ra lea tha Jesus Christ, na kera thare oe asi baea ba ki asi do eki na kulu fitoona, ma ana kwaifamanataia lea eri no ade ṉado sulia: