Tha Jesus ka soree isada, Mada sa Maka kamulua na tha God, do muki liothau ani nau: uria nau ku lae mai ma ku ita mai atha God; ma nau e ai kwasi lae mai i talaaku, ni nia e arasi nau mai.
Toa liliothaua nau ki, kuki liothau kwailiu ani kulu: uria na liothau la do tha God; ma ni tei na kai liothau e futa atha God, ma ka thaitoomana tha God.
Kulu thaitoomana na kulu tatha naa faisia maea uria marukia asi kula eri, na kulu liothau ana baree wai doorana. Wane ne ai si liothau ana doorana e to bana ana maea.
Mada sa ta wane ka sorea, Nau ku liothau atha God, ma ka rikia doorana ka taa, wane eri kai lole: sulaania wane ne ai si liothau ana doorana ne rikia naa, nifana ade lana fasi kai liothau atha God ne ai si rikia?
Ni tei bana ne futa atha God e ai si abubula taa lau, sulaania si lio ana Maka nia e to ani nia: ma nia dora ania abula taa la, sulaania nia futa atha God.
Taṉo nia ne God na Lord kulu tha Jesus Christ ma Maka nia, na sulia tatakomia baita nia e kwalafi kulu lau uria manatatoo ṉado la ne maruki, ana tatae lana tha Jesus Christ faisia toa mae ki,
Ma ni tei bana ne rikii do asi do ana fanua nei iano ki, ma ka rikia doorana ka to ana rofe la, ma ka fonoa tatakomia nia faisia, nifana ade lana na liothau la tha God ka to ana wane eri?
Ma tha Filifi ka sorea, Mada soki fitoo ana ruruumu teefau, do kera alamatania. Ma nia luua, ka sorea, Nau ku faamamanea tha Jesus Christ na nia Kaluwane tha God.]