I. Jone 4:9 - Ṉa Alaofua Falu 1923 1949

⁹ Asi kula eri kera fatai nia liothau la tha God uri kulu, na tha God e arasia mai tee fa Kaluwane nia uria fanua nei iano, fasi kuka maruki ani nia.

I. Jone 4:9 Referans Kwoze

Jone 3:16

Uria na tha God e liothau una eri ana fanua nei iano, nia ka falea mai tee fa Kaluwane nia, fasia ni tei bana na kai fitoona ka ai si sui, ma kai to ana marukia tatha.

I. Jone 5:11

Ma faamamane la eri neri, na tha God e falea marukia tatha ifakulua, ma marukia eri ni ana Kaluwane nia.

Roma 8:32

Nia ne ai si suusia taa la faisia Kaluwane nia i talaana, me alamatania uri kulu sui, e ai si tona falea bana si do ki sui bana iakulua bi nia?

Jone 6:57

Talafana ṉa Maka ne maruki e arasi nau mai, ma nau ku maruki sulia ṉa Maka; alafana lau boo imole na kai ani nau, nia kai maruki lau boo suli nau.

I. Jone 4:10

Liothau la ka to fatai asi kula eri, na ni kulu kulu liothau atha God e ai, ni nia e liothau ani kulu, me arasia mai Kaluwane nia, wane na ka dianalio uria abula taa la kulu ki.

I. Jone 3:16

Asi kula eri kulu thaitoomana liothau la, uria ni nia e falea maṉona uri kulu: me kokoto na ni kulu kuki falea maṉokulua uria baree wai doorana eki.

Jone 10:10

Wane ana bili la e ai si lae mai uria ta do lau, talitoona fasi kai bili, ma kai kwaithauṉi, ma kai labatania: ni nau ku lae mai fasi keki maruki, ma keki sukwai.

Jone 6:51

Nau na berede maruki na ku sifo mai faisia thalo: mada sa ta wane kai ania ta si ana berede nei, nia kai maruki toto si sui: ma berede na nau kwai falea na ṉa seeku, na nau kwai falea ifana marukia toa na fanua nei iano.

Jone 3:18

Wane ne fitoona, e ai kesi ṉata una eri suli nia: wane ne ai si fitoona, wane ni kotu e ṉata naa sulia, sulaania nia e ai si fitoona thatana tee fa Kaluwane tha God.

Hibaru ki 1:5

Sulaania ni tei ana aini angel eki na nia e soree isana ana ta si maṉa, Kaluwane nau ni oe, Afa boṉi eri ku kwalafi oe? ma ta si lau, Nau kwai Maka iana, Ma ni nia kai Kaluwane nau?

Jone 8:42

Tha Jesus ka soree isada, Mada sa Maka kamulua na tha God, do muki liothau ani nau: uria nau ku lae mai ma ku ita mai atha God; ma nau e ai kwasi lae mai i talaaku, ni nia e arasi nau mai.

Luke 4:18

Spirit tha Lord ni fafi nau, Uria nia e gwai nau uria ṉata la sulia si faaroṉoa lea isana toa na kesi rikii do: Nia e arasi nau mai uria faamaruki lana toa liode dila faamau, Uria ’ai kwaitalofi la ana to laa la isana toa na omea e lauda, Ma ade lana imole maane rodo ka lio, Uria faaseelaa lana toa na kera kwae tataria anida,

Mako 12:6

Mania uria ne ana tee kaluwane ni u, liliothaua nia, nia ka arasia buri naa isada, ka una eri, Do keki fare baita ana kaluwane nau.

I. Jone 4:16

Ma kulu thaitoomana ma kuka fitoona naa liothau la eri na ni isatha God uri kulu. Tha God na ṉa liothau la; ma wane na ka to ana liothau la e to atha God, ma tha God ka to ani nia.

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Jone 6:29

Tha Jesus e luuda, ka soree isada, Ra tha God nania, muki fitoona wane ne arasia mai.

Jone 8:29

Ma nia ne arasi nau mai ka ni isaku; ṉa Maka e ai si akwasi nau kwa to tee nau; uria na kwai ilia ṉado si do na kai lea iana uria.

Jone 5:23

Fasi toa ni sui bana keki fare baita ana ṉa Kaluwane, talafana lau boo na keki fare baita ana ṉa Maka. Wane ne ai si fare baita ana ṉa Kaluwane, e ai si fare baita ana ṉa Maka ne arasi nia mai.

Fa Ṉu Abu ki 2:7

Nau kwai faataloa si ṉataa fifi eri: tha Jihova e una eri isaku, Ni oe ṉa Kaluwane nau; afa boṉi eri ku kwalafi oe.

GENESIS 22:2

Ma ni nia ka una eri, Si maṉa eri oko talaia fasi kaluwane oe, tee fa kaluwane oe ba, na tha Aesiki, no liothau iana, lae kamua uri la fanua i Moraea; kula eri naa, oki bii fale nia ana do ni afufu i gwauna tee gwa tolo na ni nau kwai faaroṉo oe ania.

Jone 9:3

Tha Jesus e luuda, ka una eri, Wane nei mena e ai si abula taa bana, ma maka nia ma thainana ka ai lau boo: do fasi keki fatai nia ra tha God ki ani nia.

I. Jone 5:13

Si do eki ku keda kau isamulua, fasi muki thaitoomana amulua marukia tatha, ni kamulua na mulu fitoona thatana Kaluwane tha God.