I. Jone 4:6 - Ṉa Alaofua Falu 1923 1949

⁶ Kulu do tha God ki: wane ne thaitoomana tha God ka roṉo kulu; wane ne ai si thaitoomana tha God ka ai si roṉo kulu. Asi kula eri kulu thaitoomana spirit ana mamana la, ma spirit ana tole garo la.

I. Jone 4:6 Referans Kwoze

Jone 14:17

Nia na ṉa Spirit mamana: na fanua nei iano ka dora ana thathagoni lana; uria ne ai si riki nia, ma ka ai si thaitoomana lau boo: ni kamulua mulu thaitoomana; uria nia kai to bana isamulua, ma toto kai ni ani kamulua.

Jone 10:27

Sifi nau ki kera roṉoa liṉana ṉata laku, ma nau ku thaitoomada, ma kere lae iburiaku:

Jone 15:26

Ma lalae nia na kai faainamaruki kamulua e fula naa, na nau kwai arasia mai isamulua ka ita ana ṉa Maka, na Spirit mamana, na kai ita mai ana ṉa Maka, nia kai faamamanea si do ne thaitoomana suli nau.

I. Jone 4:1

Toa liliothaua nau ki, musi fitoona spirit ki sui bana, muki ilitoona spirit eki, sa mado e ai kera do tha God ki: uria na porofeta oro na kesi mamana ki kera lae kau uri la fanua nei iano.

I. Jone 4:4

Kamulua do tha God ki, kala wela ki, ma si kamulua ka tatha ani kera: sulaania nia na ka to ani kamulua e baita ka tatha ani nia na ka to ana fanua nei iano.

Jone 18:37

Mania tha Paelate e soree isana, Oe na kiṉa nania? Tha Jesus e luua, ka una eri, Oi sorea na nau ṉa kiṉa. Si do eri kera kwalafi nau uria, ma si do eri nau ku lae mai uria ana fanua nei iano, fasi kwa faamamanea si do nau ku thaitoomana sulia mamana la eri. Ni tei ne mamana kai roṉoa liṉana ṉata laku.

I. Korinitha 14:37

Mada sa ta wane manataia i talaana na nia porofeta, mado wane tha Spirit, nia kai thaitoomana maalutana si do nau ku kedadaki isamulua, na si do eki na si ṉata fifi ṉa Lord.

II. Thesalonika 1:8

Ana era na kai lamalama, si maṉa na nia toto kai duua abula taa la kera ki ana toa na kesi thaitoomana tha God, ma toa na kesi ade sulia si faaroṉoa lea Lord kulu tha Jesus Christ:

Jone 16:13

Ma sui lalae ni nia, ṉa Spirit mamana, ka fula naa, nia kai fatai nia tala isamulua asi do ki sui bana ne mamana: uria nia toto si ṉata i talaana; si do eki sui bana na nia kai roṉoa, do eki na kai ṉata sulia: ma nia kai fatai nia si do eki isamulua na toto kai fula.

I. Jone 4:8

Wane ne ai si liothau e ai si thaitoomana tha God; uria na tha God na ṉa liothau la.

I. Timothi 4:1

Ma sui tha Spirit ka ṉata fifi, ka sorea, asi maṉa na ni ki u tei toa keki lae garo faisia si do eki na kulu fitoona, keki ade sulia spirit ki na kera gafoda ma kwaifamanataia spirit taa ki,

Jone 13:20

Mamana, mamana, ku soree isamulua, Wane na kai thathagonia ni tei bana na nau kwai arasia isana, kai thathagoni nau; ma wane na kai thathagoni nau kai thathagoni nia ne arasi nau mai.

Jone 8:19

Mania kera soree isana, Ma Maka oe nifei? Tha Jesus e luuda, ka una eri, Mulu dora ani nau, ma muka dora lau boo ana Maka nau: mada sa mulu thaitoomaku, muka thaitoomana lau boo Maka nau.

Luke 10:22

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Jude 1:17

Ma ni kamulua, toa liliothaua nau ki, muki onotoona si baea eki na aposela na Lord kulu tha Jesus Christ ki kera ṉata sulia totonao;

II. Pita 3:2

Fasi muka onotoona si baea ba ki na porofeta abu eki kera ṉata sulia dini u mai inao, ma si ṉata fifi ṉa Lord na Wane ni Kwaifaamaruki ana aposela kamulua ki:

II. Korinitha 10:7

Muki lio sulia si do na maamulua kai rikia? Mada sa ta wane e tala fitoona i talaana na nia do tha Christ, kai onotoona lau i ruruuna, na, talafana nia do tha Christ, alafana lau boo ni kamilia.

Roma 11:8

’Uria si do na kera keda, Tha God e falea si lio ana moosu la ifada, maada na kesi lio ania, ma aliṉada na kesi roṉo ania, ka fula afa boṉi eri.

Roma 1:1

Tha Polo, wane ni ra tha Jesus Christ, na kera aili nau fasi kwai aposela, ma kera fili nau ifana si faaroṉoa lea tha God,

Jone 20:21

Mania tha Jesus ka sorea lau isada, Enenoa kai to ani kamulua; talafana ṉa Maka e arasi nau mai, alafana lau boo kwai arasi kamulua.

Jone 10:16

Ma nau akua tei sifi lau, na kesi to i la thakali nei: kera lau boo kwai tolea mai e ai si ei boo, ma keki roṉoa liṉana ṉata laku; ma toto keki ofu ana tee aini sifi, ma tee wane ni fono toi la kalida.

Jone 8:23

Ma nia ka soree isada, Kamulua mulu ita iano; ni nau ku ita mai ia: kamulua do fanua nei iano ki; ni nau do fanua nei iano e ai.

Jone 10:3

Nia wane ni ifini lana maethaka kai ifi uri nia; ma sifi eki keki roṉoa liṉana ṉata lana: ma nia ’ai thatana sifi nia ki, ka toleda kau.

I. Jone 5:19

Kulu thaitoomana kulu do tha God ki, ma fanua nei iano sui boo ka teo atha Taa.