I. Jone 4:1 - Ṉa Alaofua Falu 1923 1949

¹ Toa liliothaua nau ki, musi fitoona spirit ki sui bana, muki ilitoona spirit eki, sa mado e ai kera do tha God ki: uria na porofeta oro na kesi mamana ki kera lae kau uri la fanua nei iano.

I. Jone 4:1 Referans Kwoze

I. Thesalonika 5:21

Muki ilitoona si do ki sui bana; muki rau ṉado asi do ne lea;

II. Pita 2:1

Ma porofeta na kesi mamana ki kera tae lau bomai i maalutana toa eri, ’uria lau boo i maalutamulua toa ni kwaifamanatai na kesi mamana ki toto keki fula, na keki ṉali thaufuni mai ana kwaifamanataia taa ki na ka labatania imole, ka fula boo ana sore lana kera dora bada ana Wane Inoto ne usi kera, ma keki ṉalia mai si do na kai labatai fofoa ani kera i talaada.

I. Timothi 4:1

Ma sui tha Spirit ka ṉata fifi, ka sorea, asi maṉa na ni ki u tei toa keki lae garo faisia si do eki na kulu fitoona, keki ade sulia spirit ki na kera gafoda ma kwaifamanataia spirit taa ki,

II. Jone 1:7

Sulaania toa oro na keki malaoea imole kera lae mai uri la fanua nei iano, toa na kesi faamamanea na tha Jesus Christ e fula i seena imole. Wane ba kai malaoea imole neri ma maalimae ba tha Christ.

I. Korinitha 14:29

Ma ro porofeta ki mado ulu ei na keki ṉata, ma toa eri keki thaitoomana maalutana.

I. Jone 2:18

Kala wela ki, si kadee maṉa iisi neri: ma talafana na mulu roṉoa maalimae tha Christ na kai lae mai, si maṉa eri mena maalimae oro tha Christ ki kera tae mai; ma asi do eri kulu thaitoomana si kadee maṉa iisi ne fula.

Luke 12:57

Iu ma uria ta ni kamulua i talaamulua musi thaitoomana talisi lana si do ne kokoto?

Luke 21:8

Ma nia ka sorea, Muki fia ada keki talai garo ani kamulua: uria na toa oro toto keki lae mai ana thataku, keki una eri, Nau ni nia; bia, Si maṉa ni karaṉi naa: mania musi lae iburiada.

II. Timothi 3:13

Ma wane taa ki ma toa ni lole la keki taa ka lae tatha, keki lole ma kera loleda lau boo.

Si do na kera fatai nia 2:2

Nau ku thaitoomana si ra oe ki, ma si do no ulafu ania ma si lio ni susuu la oe, no lalakwee doanita ana wane ni abula taa la ki, mo ilitoona wane eki na kera tala alaṉi kera ana aposela ki, me ai kesi aposela ki, mo thaitoomana na kera lole;

I. Korinitha 12:10

Ma ata wane lau ra la ana ra sukwai ki; ma ata wane lau ṉata la mala porofeta; ata wane lau thaitoomana lana maalutana spirit ki: ata wane lau kai ṉata ana ṉata la oro eeta ki; ata wane lau toolaṉai lana ṉata la ki:

Si do Aposela ki kera ilidaki 20:29

Uria nau ku thaitoomana si kula eri, buriana na nau ku lae naa koito kwasi ki ne aala keki kotho i maalutamulua, ma kesi suusia taa la faisia aini sifi ki;

Mako 13:21

Ma asi maṉa eri mada sa ta wane kai soree isamulua, Lio fasi, Christ ba ni kunei; mado, Lio fasi, kula nei; musi faamamanea:

Si do Aposela ki kera ilidaki 17:11

Liona toa eki e lea ka tatha ana Ju nai Thesalonika ki, uria na kera ṉalia si baea eri ana manatada ne thathai maakwalia, keka rofe sulia boṉi i la kekeda la abu eki, sa mado e ai do eki e mamana.

I. Thesalonika 5:20

Musi fare faekwa ana ṉata lana porofeta ki;

II. Thesalonika 2:2

Fasi e ai kesi idu fofoa ani kamulua faisia si do na mulu manatatoona, ma kesi faaliodila kamulua, ana spirit, mado ana bae lana imole, mado ana leta ’uria do ne ita mai ani kamilia, uria na kera sorea fa boṉi eri ṉa Lord e fula bonaa;

I. Jone 2:7

Doora kera, si ṉata fifi falu e ai na nau ku keda kau isamulua, si ṉata fifi u inao ne to isamulua ita i thafali la mai: si ṉata fifi u inao eri na si baea na mulu roṉoa naa.

III. Jone 1:11

Wane liliothaua nau, osi adede ’uria si ade la no rikia ne taa, oki ade ’uria ade la no rikia ne lea. Wane na ka abula lea, do tha God nania: wane na ka abula taa e ai si rikia boo tha God.