I. Jone 3:7 - Ṉa Alaofua Falu 1923 1949

⁷ Kala wela ki, musi alamatania ta wane si tole garo ani kamulua: wane na ka ilia kokoto la e kokoto, ’uria lau boo ni nia e kokoto:

I. Jone 3:7 Referans Kwoze

I. Jone 2:29

Mada sa mulu thaitoomana na nia kokoto, muka thaitoomana ni tei lau boo na ka ilia kokoto la e futa ani nia.

Roma 2:13

Sulaania toa na kera roṉoa ṉa lo e ai na kera ala fafia kokoto lada inaofatha God, keki ala boo fafia toa na kera ade sulia ṉa lo:

I. Jone 3:3

Ma ni tei na ka manatatoo ṉado uria si do eri ani nia kai faafalu nia i talaana, ’uria lau boo ni nia e falu.

I. Jone 2:26

Si do eki ku keda kau isamulua sulia toa na keka tole garo ani kamulua.

I. Jone 2:1

Kala wela nau ki, si do eki ku keda kau isamulua, fasi e ai musi abula taa. Ma mada sa ta wane kai abula taa, akulua Wane na kai ṉata ifakulua isana ṉa Maka, tha Jesus Christ, Wane kokoto:

Fa Ṉu Abu ki 45:7

O liothau ana kokoto la, mo rikia abula la asi do kera lufia ka taa: mania tha God, na God oe, e kiki oe asi gwai ana seethathala la, oki tatha inaona toa na kera to ofu bi oe.

Si do Aposela ki kera ilidaki 10:35

Ma ana kulee toa ni sui bana wane ne mau ani nia, ma kai ilia si do kokoto, nia kai ala fafia.

Efesasi 5:9

(Uria foana lalaa la eri ni ana abula lea la ni sui bana ma kokoto la ma mamana la),

Fa Ṉu Abu ki 106:3

Lea iada, toa eki na kera ṉata sulia si ṉataa ne oolo, ma wane eri ne ilia si ade la ne kokoto ta si maṉa si e’i boo.

I. Pita 2:24

Ne ṉalia abula taa lakulua ki i talaana i seena i talaana sulia ’ai ba, fasi ni kulu, uria na kulu mae naa ana abula taa la ki, kuka maruki ana kokoto la; ma aliliboa nia ki e faamaruki kamulua.

I. Korinitha 6:9

Mado musi thaitoomana na toa na kesi kokoto ki e ai kesi fulatoona tooa tha God? Musi tala lole kamulua i talaamulua: toa na kera oe, mado toa na kera foa ana god eeta ki, mado toa na kera oe fafia kwaida, mado wane ki na kera ’uria kini keka faaalamai kera ifana wane, mado wane ki na kera oe lau bada uri kera i talaada,

Luke 1:75

Ana abu la ma kokoto la inaofana sulia fa boṉi na kuki to ki.

Jemesi 2:19

O faamamanea na tee God boo e to bana; o abula lea: spirit taa ki kera faamamanea lau boo, ma keka leleba.

Filifae 1:11

Ma muki fuṉu asi foee do ana kokoto la, na kai fula mai atha Jesus Christ, ana inotoa tha God ma taṉo lana.

Mathui 5:20

Uria ku soree isamulua, Mada sa kokoto la kamulua e ai si talua kokoto la wane ni kekeda ki bia Farisi ki, kamulua e ai dodoloa muki kotho ana tooa i thalo.

Jemesi 1:22

Ma kamulua toa na muki ade sulia si baea eri, ma talitoona toa na muki roṉoa ma muki tala lole kamulua ka ai.

Hibaru ki 7:2

Wane na tha Aberahamo e falea lau boo taṉafula si do ki sui bana ifana (wane na toolaṉai lana thatana Kiṉa ana kokoto la totonao, ma sui lau boo Kiṉa i Seleme mai, na ṉa Kiṉa ana enenoa;

Hibaru ki 1:8

Ma sulia ṉa Kaluwane, God ae, do ni ono la oe ana inotoa kai toto si sui; Ma si ’ei ana inotoa oe ana tooa oe na si ’ei ana kokoto la.

Efesasi 5:6

Musi alamatania ta wane si lole kamulua asi baea ne fokoka: sulaania sulia si do eki rakeiria tha God kai fula fafia unii wane na kera ade faisia ṉata lana.

I. Jone 3:18

Kala wela ki, kusi liothau ana toa ana bae lakulua, mado ana meakulua; ana abula lakulua bana ma ana mamana la.

I. Jone 4:17

Asi kula eri kera faasukwai teefau ana liothau la i ruruukulua, fasi kuki seeraa afa boṉi eri ana kotu baita; sulaania talafani nia, alafana ni kulu i fanua nei iano.