I. Jone 3:6 - Ṉa Alaofua Falu 1923 1949

⁶ Ni tei bana na ka to ani nia e ai si abubula taa lau: ni tei bana na kai abula taa ṉado lau e ai si riki nia, me ai si thaitoomana.

I. Jone 3:6 Referans Kwoze

III. Jone 1:11

Wane liliothaua nau, osi adede ’uria si ade la no rikia ne taa, oki ade ’uria ade la no rikia ne lea. Wane na ka abula lea, do tha God nania: wane na ka abula taa e ai si rikia boo tha God.

I. Jone 3:9

Ni tei bana ne futa atha God e ai si abubula taa lau, sulaania si lio ana Maka nia e to ani nia: ma nia dora ania abula taa la, sulaania nia futa atha God.

I. Jone 2:4

Wane na ka sorea, Ni nau ku thaitoomana, ma ka ai si ade sulia si ṉata fifi nia ki, wane ni lole neri, ma mamana la eri e ai si to ani nia:

I. Jone 4:8

Wane ne ai si liothau e ai si thaitoomana tha God; uria na tha God na ṉa liothau la.

I. Jone 3:2

Toa liliothaua nau ki, si maṉa eri kulu baree wela tha God, ma kesi fatai nia u si do na toto kuki fulatoona. Kulu thaitoomana na, maṉa na toto keki fatai nia, riki lakulua kai ’uri nia; uria na kuki rikia seena ana to lana i maṉa eri.

I. Jone 5:18

Kulu thaitoomana ni tei bana ne futa atha God e ai si abubula taa lau; ma wane eri ne futa atha God kai beta suli nia, ma tha Taa e ai si sua nia.

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

I. Jone 2:28

Ma si maṉa eri, kala wela ki, muki to ani nia; fasi, maṉa na toto keki fatai nia, kuki seeraa, maakulua si asia isana ana fula lana mai.

II. Korinitha 3:18

Ma ni kulu sui, ana maakulua ne ai ta maku si thu fafia, uria na kulu rikia ’uria i la ironunu inotoa tha Lord, kera tala ani kulu kuka lioe nuna ana inotoa na kai baita alaa, uria si do na kai ita ana Spirit tha Lord.

I. Jone 2:3

Ma asi kula eri kuki thaitoomana suli kulu na kuki thaitoomana ni nia, mada sa kuki ade sulia si ṉata fifi nia ki.