I. Jone 3:5 - Ṉa Alaofua Falu 1923 1949

⁵ Ma mulu thaitoomana na kera fatai nia fasi ka ṉalia abula taa la kulu ki; me ai ta abula taa la si ni ani nia.

I. Jone 3:5 Referans Kwoze

II. Korinitha 5:21

Uria na Wane eri ne ai si thaitoomana abula taa la, nia e ilia ka lioe abula taa la uri kulu; fasi ni kulu kuki lioe kokoto la tha God ani nia.

Hibaru ki 9:28

Alafana lau boo tha Christ, na kera falea naa ana tee si maṉa fasi kai tae faisia abula taa la eki na toa oro kera abula taa ania, ruana kai maṉo lau mai, abula taa la ka ai faisia, isana toa na keki maakwali nia, ana faamaruki lada.

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;

I. Pita 2:24

Ne ṉalia abula taa lakulua ki i talaana i seena i talaana sulia ’ai ba, fasi ni kulu, uria na kulu mae naa ana abula taa la ki, kuka maruki ana kokoto la; ma aliliboa nia ki e faamaruki kamulua.

Hibaru ki 9:26

Mada se ade una eri, do na ka toto ana seefia asi maṉa oro ita mai ana boa lana fanua nei iano: ma sui si maṉa eri tee si maṉa boo ana gwauna si maṉa totonao ki kera fatai nia fasi kai faaaia abula taa la ana fale lana i talaana ana do ni foa la.

Jone 1:29

Fa boṉi iburiana tha Jone ka rikia tha Jesus kai lae na mai isana, ma ka sorea, Rikia fasi, ṉa Lama tha God, na kai ṉalia abula taa lana toa na fanua nei iano!

Si do na kera fatai nia 1:5

Ma atha Jesus Christ, Wane fitoo ni faamamane lana si do ne thaitoomana, ulunao faisia toa mae ki, ma Wane Gwauwai ne tatha ana kiṉa fanua nei iano ki. Nia na ka liothau ani kulu, me lube kulu faisia abula taa la kulu ki ana abuna i talaana:

I. Jone 1:7

Ma mada sa kuki lae i la lalaa la, ’uria ni nia to i la lalaa la, kuki to ni kwaimani lea la ofu bi nia, ma abuna tha Jesus Christ Kaluwane nia kai faafalu kulu faisia abula taa la ka sui bana.

I. Jone 1:2

(Uria na kera fatai nia ṉa marukia, ma mili rikia, ma mika faamamanea si do na mili thaitoomana sulia, ma mika faaroṉo kamulua ana ṉa marukia tatha, ne toto isana ṉa Maka, sui keka fatai nia isamilia);

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

I. Pita 2:22

Ne ai dodoloa si abula taa, ma kesi fulatoona ta lole la i fokona:

Hibaru ki 1:3

Ma ni nia, uria ne iriroa ana inotoa tha God, ma alafana bonaa na ni nia, ma uria na ka raufaaṉado asi do ki sui bana asi ṉata ana sukwaia nia, buriana ne faafalu kulu faisia abula taa la ki, ka bii ono i aba aola ni Nia ne Inoto ka tatha ia mai;

I. Timothi 1:15

Si ṉata mamana neri, me farana na keki faamamanea ṉado, na tha Christ Jesus e lae mai uria fanua nei iano uria faamaruki lana toa na kera abula taa; ma ni nau wane ku abula taa ka tatha ani kera sui:

Mathui 1:21

Ma nia toto kai tharea ta kaluwane; ma oki alaṉia atha JESUS; sulia ni nia ana na kai faamarukia toa nia ki faisia abula taa la kera ki.

I. Jone 2:1

Kala wela nau ki, si do eki ku keda kau isamulua, fasi e ai musi abula taa. Ma mada sa ta wane kai abula taa, akulua Wane na kai ṉata ifakulua isana ṉa Maka, tha Jesus Christ, Wane kokoto:

I. Pita 1:20

Wane na kera thaitoomana boo totonao si maṉa na kesi boa u fanua nei iano, ma sui kera fatai nia ana susui lana si maṉa eki uri kamulua,

Hibaru ki 4:15

Uria na akulua aofia ni foa ne dora ania maalutana feda lakulua e ai; Wane eri ana na kera bae aliṉana sulia si do ki sui bana ’uria lau boo ni kulu, una ena mena, abula taa la ka ai faisia.

Hibaru ki 7:26

Uria na aofia ni foa ne una eri e faraka, Wane abu, ne ai si lole, ne dodoloa, ne eeta faisia toa na kera abula taa, na kera alua kai baita ka tatha ana thalo lo ki;

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

Jone 14:30

Nau e ai kwasi ṉata oro lau bi kamulua, uria na nia ne inoto ana fanua nei iano toto kai lae mai: me ai ta do si ni ifana ani nau;

Jone 8:46

Ni tei iamulua kai faaseenoni iaku ana abula taa la? Mada sa ku ṉata mamana, uria ta na musi fitooku?

Jone 1:31

Ma nau kwasi thathaitoomana; sui ku lae mai ku babataesi ana kafo sulia si kula eri, fasi keki fatai nia isana Isirela.

Luke 23:47

Ma si maṉa na senitiurione e rikia si do na kera ilia, nia ka taṉoa tha God, ka una eri, Do e mamana na wane nei wane kokoto.

Luke 23:41

Ma si do ne uri koro e too; sulaania koro fulatoona si do maana abula lakaroa: ma wane nei e ai si ilia ta si do si garo.

I. Pita 1:18

Uria na mulu thaitoomana na kera tae fasi kamulua, asi do toto kai taa ki, uria silifa bia goloda, e ai, faisia abula lamulua ne ai si kwaiadomi ne ita mai ana maka kamulua nai nao ki;

I. Jone 2:2

Ma nia Wane na ka dianalio faisi kulu uria abula taa la kulu ki; ma talitoona abula taa la kulu ki e ai, abula taa la toa na fanua nei iano ka sui bana.

I. Jone 2:29

Mada sa mulu thaitoomana na nia kokoto, muka thaitoomana ni tei lau boo na ka ilia kokoto la e futa ani nia.

I. Jone 3:8

Wane na ka abula taa ṉado, do tha devil nania; uria na tha devil ka abula taa ṉado ita i thafali la mai. Sulia si kula eri kera fatai nia Kaluwane tha God, fasi nia kai labatania si ra tha devil ki.