I. Jone 3:3 - Ṉa Alaofua Falu 1923 1949

³ Ma ni tei na ka manatatoo ṉado uria si do eri ani nia kai faafalu nia i talaana, ’uria lau boo ni nia e falu.

I. Jone 3:3 Referans Kwoze

II. Korinitha 7:1

Mania uria na alaṉaia eki ifakulua, toa liliothaua nau ki, kuki faafalu kulu faisia si do ki sui bana na kai faataalia seekulua ma spirit kulu, kuki faaabu teefau ani kulu ana mau la atha God.

I. Jone 2:6

Wane na ka sorea ne to ani nia, lea na wane eri kai abula lau boo sulia abula lana.

II. Pita 3:14

Mania, toa liliothaua nau ki, uria na mulu maakwalia si do eki, muki seemabe fasi keki fulatoomulua ana enenoa, muki dodoloa ma maana si rikia ta si do taa ani kamulua.

Mathui 5:48

Mania muka lea bonaa, ’uria na Maka kamulua ne ni mei thalo e lea bonaa.

Hibaru ki 12:14

Muki rofe iburiana enenoa bia wane ki sui bana, ma si lio ne abu, na mada sa si lio eri ka ai faisia, ta wane sa ka rikia ṉa Lord e ai:

Hibaru ki 7:26

Uria na aofia ni foa ne una eri e faraka, Wane abu, ne ai si lole, ne dodoloa, ne eeta faisia toa na kera abula taa, na kera alua kai baita ka tatha ana thalo lo ki;

Kolose 1:5

Sulaania si do lea eri na mulu manatatoo ṉado uria na kera alua maakwali kamulua i thalo lo, si do eri na mulu roṉoa mai inao asi baea sulia mamana la eri na si faaroṉoa lea,

Si do Aposela ki kera ilidaki 15:9

Ma nia e ai si adea ’uria sa kera eeta faisi kulu, ka faafalua ruruuda ana fitooa.

Taetasi 3:7

Fasi, uria na kera ala fafia kokoto lakulua uria lea la nia, kuki inamaruki ana Maka kulu asi do na kulu manatatoo ṉado uria na ṉa marukia tatha.

II. Pita 1:4

Ma ana sukwaia eri e alamatania alaṉaia inoto nia ki ne baita ka tatha ifakulua; fasi ana alaṉaia eki muki ṉalia ta si ana liona tha God, uria na mulu thaka naa faisia si do na toto kai fufuraa na ni fanua nei iano sulia si thathami la taa ki.

Luke 6:36

Mania muki tatakomi, ka ’uria Maka kamulua kai tatakomi.

I. Jone 4:17

Asi kula eri kera faasukwai teefau ana liothau la i ruruukulua, fasi kuki seeraa afa boṉi eri ana kotu baita; sulaania talafani nia, alafana ni kulu i fanua nei iano.

Hibaru ki 6:18

Fasi ana ro si do ki ne ṉado, ne ai si tatala, ne afetai ka tatha sa tha God kai lole ania, keki faainamaruki kulu faamau, ni kulu na kulu thaka uria marukia fasi kuki rau asi do na kera alua inaofakulua na kuki manatatoo ṉado uria;

II. Thesalonika 2:16

Ma Lord kulu tha Jesus Christ talani nia, ma tha God na Maka kulu ne liothau ani kulu me faainamaruki kulu ana inamaruki la na kai to tatha me falea si do lea na kulu manatatoo ṉado uria ana lea la,

Roma 15:12

Ma ta si lau, tha Aisaia e sorea, Laila na tha Jesi kai to bana, Ma Wane eri na kai tae mai fasi kai inoto fafia Jenetaele ki; Jenetaele ki keki manatatoo ṉado uri nia.

Jone 17:19

Ma ifadalua ku faaabu nau i talaaku, fasi ni kera lau boo keki faaabuda ana mamana la eri.

Jemesi 4:8

Muki idu karaṉia tha God, ma ni nia kai idu karaṉi kamulua. Faafalua ro aba kamulua ki, toa na mulu abula taa; ma faathathaulia ruruumulua, kamulua toa amulua ro si lio.

I. Pita 1:3

Taṉo nia ne God na Lord kulu tha Jesus Christ ma Maka nia, na sulia tatakomia baita nia e kwalafi kulu lau uria manatatoo ṉado la ne maruki, ana tatae lana tha Jesus Christ faisia toa mae ki,

I. Pita 1:15

Ma ’uria lau boo ni nia ne aili kamulua mai e abu, ni kamulua lau boo muki abu ana abula lamulua ni sui bana;