I. Jone 2:16 - Ṉa Alaofua Falu 1923 1949

¹⁶ Uria na si do ki sui bana nai fanua nei iano, si do na seena imole ka thathamia, ma si do na maana imole ka thathamia, ma si lio ana faabaita lakulua la i talaakulua sulia to lana imole, si do ṉa Maka e ai, si do fanua nei iano ki bana.

I. Jone 2:16 Referans Kwoze

Roma 13:14

Muki tooni fafia seemulua atha Lord Jesus Christ, ma musi beta ta si do maakwalia see imole, ifana si thathami la taa nia ki.

Galesia 5:17

Sulaania seena imole ka thathamia si do na ka firu bia tha Spirit, ma tha Spirit ka thathamia si do na ka firu bia seena imole; uria na ro do eki kesi totoo; fasi kesi alamatai kamulua muki ilia si do na muka thathamia.

GENESIS 3:6

Ma si maṉa na kini eri ka rikia ’ai eri ani lana ka lea, ma riki lana ka lea ana maana, ’ai na imole kai thathamia fasi liona kai too sulia, kini eri ka bii ṉalia siina foana, ka ania, ka fale lau boo ifana kwaina bi nia, ma ni nia ka ania lau boo.

Efesasi 2:3

Toa ni kulu sui kulu toto lau boo bida dini mai inao ana si thathami la taa ana seekulua, kulu ilia si do na seena imole ma manatana e thathamia, si lio kulu na si lio unii wela na keki fulatoona rakeiria, ’uria lau boo toa ba sui:—

Jemesi 3:15

Liotooa eri do ne sifo mai ia e ai, do fanua nei iano ni bana, do seena imole, do mala spirit taa ki.

I. Pita 2:11

Toa liliothaua nau ki, ku ṉata kwaitakoi, ku soree isamulua mala toa na muka makafa to bamulua ma toa kwaita ki, muki to faisia si thathami la taa ki seena imole, na ka firu bia maṉoka;

II. Pita 2:10

Ma imole eki u boo na kera abula sulia seena imole asi thathami la ne faataali kera, ma keka fare faekwa ana toa gwauwai ki. Kera seeraraa, keka naunibaita, kesi leleba si maṉa na keki ṉata taa i seena toa inoto faamau ki:

Taetasi 2:12

Do ne faamanatai kulu, fasi kuka tofea si lio ni fare faekwa la atha God ma si thathami la taa kada nei ki, ma kuki abula seeeno ma kokoto ma asi lio ni fare baita la atha God asi maṉa eri;

Fa Ṉu Abu ki 78:18

Ma kera ilitoona tha God i ruruuda si mana na kera gania si faṉa ifana si thathami la taa kera.

II. Pita 2:18

Sulaania, ana bae lada roṉo lana ka baita faamau me fakoka, uria si do na seena imole e thathamidaki, ma ana daidei la, kera gafoa imole eki na keki thaka na mai faisia toa ana ade garo la;

I. Pita 1:14

Mala kala wela na kera thathamii ade sulia si ṉata, musi ade ’uria si thathami la taa totonao kamulua ki asi maṉa ne ai musi thaitoomana si do ki:

Taetasi 3:3

Uria ni kulu lau boo inao mai kulu oewanea, kulu adede faisia si ṉata, kera lole kulu, kulu ra ifana si thathami la taa tataka ki ma si do oro ki ne faalea kulu, kulu toto asi lio ne taa ma ana uga la, kulu do kera mamagu ania, kulu riki kulu kwailiu ka taa.

Mathui 5:28

Ma ni nau ku soree isamulua, Ni tei na kai lio uria ta kini ma si lio ni oea kai tae i manatana uria, e oe sui naa uria ana ruruuna.

Fa Ṉu Abu ki 73:6

Uria si kula eri fafakao lada ka to kakalia luada ’uria naili; kwaisuuwai la ka thu fafida ’uria tooni.

Luke 4:5

Ma tha devil ka tole nia alaa uria gwauna gwa tolo ne fane ia, ma ka fatai nia tooa ki sui bana ana fanua nei iano isana ata kasi maṉa seseka.

Galesia 5:24

Ma toa eki atha Christ kera fota fafia seena imole ana ’ai rarafolo ana si lio ma si thathami la taa nia ki.

Mathui 4:8

Sui lau, tha devil ka tole nia alaa uria gwauna gwa tolo ne fane da ia, ma ka fatai nia tooa ki sui bana ana fanua nei iano isana, bia inotoa na ana do eki;

Fa Ṉu Abu ki 78:30

Manatade si akele u faisia si thathami la taa eri, faṉa kera ni u i fokoda,

I. Korinitha 10:6

Ma asi do eki kera thau ani kulu, fasi e ai kusi thathamia si do taa ki, ’uria lau boo ni kera kera thathamia.

GENESIS 6:2

Kaluwane tha God ki keka rikia thari imole ki riki lade lea; ma keka tole kini ana thari eki sui bana na kera filida.

Jemesi 4:16

Ma si maṉa eri mulu seethathala ana uunaona la kamulua eki: seethathala la una eri ni sui bana na ṉa do taa.