I. Jone 1:8 - Ṉa Alaofua Falu 1923 1949

⁸ Mada sa kuka sorea e ai akulua ta abula taa la, kuki lole kulu i talaakulua, ma mamana la eri e ai si to ani kulu.

I. Jone 1:8 Referans Kwoze

Roma 3:23

Uria na imole ki sui bana kera abula taa, ma keki ṉuṉuru faisia inotoa tha God;

Jemesi 3:2

Uria asi do oro ki kulu sui kulu taofai kulu. Mada sa ta wane e ai si taofai nia ana bae lana, wane eri e sukwai teefau, ka talaana rau la lau boo fafia seena sui boo.

I. Jone 2:4

Wane na ka sorea, Ni nau ku thaitoomana, ma ka ai si ade sulia si ṉata fifi nia ki, wane ni lole neri, ma mamana la eri e ai si to ani nia:

I. Jone 1:10

Mada sa kuka sorea ne ai kusi abula taa, kuki alaṉi nia ana lole la, ma bae lana ka ai naa faisi kulu.

Galesia 6:3

Sulaania mada sa ta wane manatana na nia baita, si maṉa ne tonee do, wane eri ka tala lole nia i talaana.

Fa Ṉu Abu ki 143:2

Ada oko ṉata sulia wane ni ra oe nei asi ṉataa fifi oolo oe ki; uria na atona bana ta wane na kai maruki i fanua na i iano, soko ala fafia kokoto lana inaofana maamu e a’i.

Jemesi 1:26

Mada sa ta wane manataia na nia manata baita atha God, si maṉa ne ai si rau fafia meana ma ka tala lolea ruruuna, manata baita la wane eri na ṉa tonee do.

I. Timothi 6:5

Firua si sui wane liode taa ki ma mamana la eri e ai naa faisida, manatade soso na gwauna si lio ni fare baita la atha God ana todado la: oki lae faisia toa una eki.

I. Korinitha 3:18

Ta wane si tala lole nia i talaana. Mada sa ta wane e manatatoona i talaana na lione too i maalutamulua i kada nei, wane eri kai oewanea, fasi liona kai too mamana boo.

II. Jone 1:2

Uria mamana la eri ne to ani kulu, ma kai to bi kulu toto si sui:

I. Jone 1:6

Mada sa kuka sorea na kulu to ni kwaimani lea la bi nia, sui kuka lae i la rodo, kuka lole, ma kusi ilia si do ne mamana:

Jemesi 1:22

Ma kamulua toa na muki ade sulia si baea eri, ma talitoona toa na muki roṉoa ma muki tala lole kamulua ka ai.

II. Timothi 3:13

Ma wane taa ki ma toa ni lole la keki taa ka lae tatha, keki lole ma kera loleda lau boo.

III. Jone 1:3

Uria nau ku seethathala faamau, si maṉa na tei toa ana doorakulua kera lae mai ma kera faamamanea si do kera thaitoomana sulia mamana lamu, talafana o abula ana mamana la eri.

II. Pita 2:13

Keki to ana taa la na foli lana abula lada ne ai si kokoto; sa manatada do na sa kai faalea kera bonaa na malasaole la afa thato, ’uria see do ne lea sui ka karua ma ka boboloa, kera malasaole ana fafaṉa kera ki ana liothau la si maṉa na kera ania fafaṉa eki bi kamulua;

Jone 8:44

Kamulua wela maka kamulua na tha devil, ma si lio taa ki, do maka kamulua eri, muki thathamii ilia. Nia thauwane ita mai i thafali la, me ai si to ana mamana la, uria ne ai ta do ne mamana si ni ani nia. Si maṉa nia lole, nia ṉata asi do nia ki u boo: uria nia do na kai lole, ma maka ana lole la.

Roma 3:10

’Uria si do na kera keda, F ai ta wane si kokoto, e ai ta tee nonii wane mena;

I. Jone 4:20

Mada sa ta wane ka sorea, Nau ku liothau atha God, ma ka rikia doorana ka taa, wane eri kai lole: sulaania wane ne ai si liothau ana doorana ne rikia naa, nifana ade lana fasi kai liothau atha God ne ai si rikia?