I. Jone 1:6 - Ṉa Alaofua Falu 1923 1949

⁶ Mada sa kuka sorea na kulu to ni kwaimani lea la bi nia, sui kuka lae i la rodo, kuka lole, ma kusi ilia si do ne mamana:

I. Jone 1:6 Referans Kwoze

I. Jone 4:20

Mada sa ta wane ka sorea, Nau ku liothau atha God, ma ka rikia doorana ka taa, wane eri kai lole: sulaania wane ne ai si liothau ana doorana ne rikia naa, nifana ade lana fasi kai liothau atha God ne ai si rikia?

I. Jone 2:4

Wane na ka sorea, Ni nau ku thaitoomana, ma ka ai si ade sulia si ṉata fifi nia ki, wane ni lole neri, ma mamana la eri e ai si to ani nia:

I. Jone 1:10

Mada sa kuka sorea ne ai kusi abula taa, kuki alaṉi nia ana lole la, ma bae lana ka ai naa faisi kulu.

Jone 8:12

Mania tha Jesus e ṉata lau isada, ka una eri, Ni nau ṉa lalaa la i fanua nei iano: imole na kai lae iburiaku ka ai si lae i la maerodo, ṉa lalaa la ana marukia kai ni isana.

Jone 12:35

Mania tha Jesus e soree isada, Ta kasi maṉa lau ṉa lalaa la kai to isamulua. Lae asi maṉa na ṉa lalaa la ni isamulua, fasi maerodo e ai si rodo faisi kamulua: ma wane na ka galo i la maerodo e ai si thaitoomana si kula na kai lae uria.

Jemesi 2:14

Si ta na kai kwaiadomi, doora kera, mada sa ta wane ka sorea ana fitooa, ma si ra ki ka ai faisi nia? fitooa eri kai sukwai fasi kai faamaruki nia?

Jone 12:46

Nau ku lae mai ṉa lalaa la i la fanua nei iano, fasi ni tei bana na kai fitooku ka ai si to i la maerodo.

I. Jone 1:3

Si do eri boo na mili rikia ma mili roṉoa mika faaroṉo kamulua ania, fasi ni kamulua lau boo muki to ni kwaimani lea la bi kamilia: iu, ma kwaimani lea la kamilia eri do bia ṉa Maka, ma bia Kaluwane nia na tha Jesus Christ:

Jone 11:10

Sui mada sa ta wane ka galo afa rodo, nia taofai nia, sulia ṉa lalaa la e ai si ni ani nia.

Jemesi 2:18

Iu, ta wane kai sorea, Amua fitooa, ni nau molo akua si ra ki: oki fatai nia fitooa oe isaku na si ra ki ka ai faisia, ma ni nau ana si ra nau ki kwai fatai nia fitooa nau isamu.

Fa Ṉu Abu ki 82:5

Kesi thaitoomana, ma kera dora ania maalutana; keka liliu olili la rodo: boa lana fanua na i iano sui bana kera idua.

I. Jone 1:8

Mada sa kuka sorea e ai akulua ta abula taa la, kuki lole kulu i talaakulua, ma mamana la eri e ai si to ani kulu.

Jemesi 2:16

Ma ta wane iamulua kai soree isada, Muki lae ana enenoa, keki faaaako kamulua ma keki fale iamulua muki abusu; una ena mena, musi falea si do na kere rofea ana seeda iada; si ta na kai kwaiadomi?

Mathui 7:22

Toto toa oro keki soree isaku afa boṉi eri, Lord, Lord, ta na sa ni kamilia mili ṉaṉata mala porofeta ana thatamu na ba, ma mili arasia spirit taa ki ana thatamu, bia mili ilia ra oro ana sukwaia ki ana thatamu, mado?

I. Timothi 4:2

Sulia olodola lana wane na kera lole ki, na lioda ka fofonola ’uria sa kera akofia ana ta si thalo aako fasi kai ṉilo;

Fa Ṉu Abu ki 94:20

Do ni ono la wane taa ana inotoa kai kwaimaani lea ufita bi oe, nia na kai thauwai nia si do taa ana lo ne gwalua?

Jone 8:55

Ma mulu dora ani nia: ni nau ku thaitoomana; ma mada sa kwa sorea, E ai kwasi thaitoomana, nau kwai ’uri kamulua, wane kwai lole: sui nau ku thaitoomana boo, ma kwai ade sulia bae lana.