I. Jone 1:3 - Ṉa Alaofua Falu 1923 1949

³ Si do eri boo na mili rikia ma mili roṉoa mika faaroṉo kamulua ania, fasi ni kamulua lau boo muki to ni kwaimani lea la bi kamilia: iu, ma kwaimani lea la kamilia eri do bia ṉa Maka, ma bia Kaluwane nia na tha Jesus Christ:

I. Jone 1:3 Referans Kwoze

I. Korinitha 1:9

Tha God e mamana, na kera aili kamulua mai ani nia muki kwaimani lea bia Kaluwane nia tha Jesus Christ na Lord kulu.

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Si do Aposela ki kera ilidaki 4:20

Uria na mere dora ana to la faisia ṉata la sulia si do eki na mere rikia ma mere roṉoa.

Jone 17:21

Fasi kera sui keki tee do boo; talafana ni oe, Maka, o to ani nau, ma ni nau ani oe, fasi ni kera lau boo keki to ani koro: fasi fanua nei iano kai fitoo no arasi nau mai.

Filifae 2:1

Mania mada sa ta si lio ni faainamaruki lana imole ni atha Christ, mado ta si lio ana faalea lana manatana imole ana liothau la, mado ta kwaimani lea la atha Spirit, mado ta ruruui imole ne lea ma si lio ni tatakomi la,

II. Korinitha 13:14

Lea la tha Lord Jesus Christ, ma liothau la tha God, ma kwaimani lea la atha Spirit Abu, kai to bi kamulua sui boo. Emeni.

I. Jone 1:7

Ma mada sa kuki lae i la lalaa la, ’uria ni nia to i la lalaa la, kuki to ni kwaimani lea la ofu bi nia, ma abuna tha Jesus Christ Kaluwane nia kai faafalu kulu faisia abula taa la ka sui bana.

I. Jone 1:1

Si do ne to bana ita ana thafali la mai, si do na mili roṉoa, si do na mili rikia ana maamilia, si do na mili lio sulaania, ma ro aba kamilia ki e suana, sulia ṉa Baea ana marukia

Hibaru ki 3:14

Uria na akulua ta si asi do tha Christ ki, mada sa kuki rau ṉado ana seeraa la na kulu seeraa ania totonao, kai ṉado maakwalia ṉa susui la:

Filifae 3:10

Fasi kwa thaitoomana ni nia, ma ṉa sukwaia tatae lana, ma kwa to bi nia ana taa la nia ki, ma kwa mae ana mae la nia;

I. Pita 5:1

Wane ulunao ki i maalutamulua ku soree isada, ni nau wane ana ulunao la ni lau boo bi kera, na ku faamamanea si do nau ku rikia naa ana taa la tha Christ e toto ania, ma kwai ṉalia lau boo ta si ana inotoa eri na toto keki fatai nia:

Hibaru ki 3:1

Mania, doora abu ke ra, na amulua si aili la ita mai i thalo, muki lio uria Aposela ma Aofia ni Foa na kulu faamamanea, tha Christ Jesus neri;

Kolose 1:13

Nia ne faamaruki kulu faisia sukwaia ana maerodo, me lamatalakulua kuka to ana tooa Kaluwane liliothaua nia;

Si do Aposela ki kera ilidaki 20:27

Sulaania e ai kwasi mau ana faaroṉo lamulua la sulia si do eki sui bana na tha God e manataia.

I. Jone 1:5

Ma si ṉata eri na mili roṉoa ani nia, ma mika faaroṉo kamulua ania nai nia, na tha God na ṉa lalaa la, ma ani nia e ai dodoloa ta maerodo.

Hibaru ki 2:12

Ka una eri, Nau kwai fatai nia thatamu isana dooraku kera, I maalutana figua eri kwai kwaia fa ṉu ana taṉo lamu la.

I. Timothi 6:2

Ma toa na wane inoto kera ki keka fitoo, kesi fare faekwa iada, sulaania kera tee baree wai doorana; ra la ana keki ra ifada, uria na toa na keka faalea ana ra kera keki fitoo lau boo ma toa liliothaua kera ki. Si do eki oki tooa ma oki faaroṉo kera ania.

Filifae 1:7

Ma si do kokoto neri na manataku kai una eri uri kamulua sui, uria na mulu to ana ruruuku, sulaania, ana kani la na kera kani nau ania, ma ana luu lana si do na kera alaṉia si faaroṉoa lea ania, ma ana faaṉado lana, kamulua sui boo mulu ṉalia lau boo ta si ana lea la na ni nau ku ṉalia.

Efesasi 3:6

Ma si do eri nai nia, Jenetaele ki keki fulatoona si do lea ki ofu bi kamilia, ma kera lau boo si do ki na ana seedo eri, ma keki ṉalia ofu bi kamilia ta si ana alaṉaia eri atha Christ sulia si faaroṉoa lea,

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

I. Thesalonika 1:10

Ma muki maakwalia Kaluwane nia na kai lae mai i thalo, ne tataea faisia maea, tha Jesus neri, ne lau kulu faisia rakeiria na toto kai fula mai.

I. Korinitha 15:1

Sui nau kwai faaroṉo kamulua, doora kera, asi faaroṉoa lea eri na nau ku ṉata sulia isamulua, na mulu ṉalia lau boo, na muka takwe lau bamulua ania,

Roma 15:27

Iu, kera thathamia boo; ma lea na keki faledo maana si do na kera ṉalia. Sulaania mada sa Jenetaele ki kera ṉalia tei si asi do tha Spirit ki i abana toa eri, e kokoto na keki ra ifana toa eri asi do fanua nei iano ki.

Si do Aposela ki kera ilidaki 13:41

Rikia fasi, toa na mulu fare faekwa, muki kwele, ma muki aana; Uria nau kwai ilia tee ra si maṉa na muki to u bamulua, Si ra na toto e ai dodoloa muki faamamanea, mada sa ta wane kai faaroṉo kamulua ania.

Si do Aposela ki kera ilidaki 13:32

Ma mere ṉalia mai si faaroṉoa lea ifamulua sulia alaṉaia ba na kera alaṉai nia isana maka ba inao ki,

Si do Aposela ki kera ilidaki 2:42

Ma kera seemabe ṉado uria roṉo lana kwaifamanatai lana aposela ki ma ana kwaimani lea la bida, ana ni lana berede eri ma ana foa la eki.

Jone 17:25

Maka kokoto ae, fanua nei iano e ai si thaitoomamu; nau ku thaitoomamu; ma toa nei ki kera thaitoomana no arasi nau mai;

Jone 17:11

Ma nau e ai kwasi to lau i fanua nei iano, sui toa nei ki keki to bada i fanua nei iano, ma nau kwai lae kau isamu. Maka Abu ae, oko beta suli kera ana thatamu no alaṉi nau ania, fasi ni kera tee do boo, ka ’uri koro.

Fa Ṉu Abu ki 22:22

Nau kwai fatai nia thatamu isana dooraku kera: imaalutana figua eri kwai kwaia fa ṉu ana taṉo lamu la.

Fa Ṉu Abu ki 2:7

Nau kwai faataloa si ṉataa fifi eri: tha Jihova e una eri isaku, Ni oe ṉa Kaluwane nau; afa boṉi eri ku kwalafi oe.

Jone 19:35

Ma wane eri ne rikia e faamamanea si do ne thaitoomana, ma si do nia faamamanea e mamana: ma nia thaitoomana ne ṉata mamana, fasi ni kamulua muki fitoo.

II. Pita 1:16

Sulaania e ai misi roo sulia uunu ni lole la ki na liotooa na imole e boa, si maṉa mili faaroṉo kamulua ana sukwaia Lord kulu tha Jesus Christ ma fula lana, mili tala rikia inotoa nia ana maamilia.