I. Jone 1:2 - Ṉa Alaofua Falu 1923 1949

² (Uria na kera fatai nia ṉa marukia, ma mili rikia, ma mika faamamanea si do na mili thaitoomana sulia, ma mika faaroṉo kamulua ana ṉa marukia tatha, ne toto isana ṉa Maka, sui keka fatai nia isamilia);

I. Jone 1:2 Referans Kwoze

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Jone 1:4

Marukia ni ani nia; ma marukia eri na ṉa lalaa la na ka laafia imole ki.

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

I. Jone 5:11

Ma faamamane la eri neri, na tha God e falea marukia tatha ifakulua, ma marukia eri ni ana Kaluwane nia.

I. Jone 3:8

Wane na ka abula taa ṉado, do tha devil nania; uria na tha devil ka abula taa ṉado ita i thafali la mai. Sulia si kula eri kera fatai nia Kaluwane tha God, fasi nia kai labatania si ra tha devil ki.

Taetasi 1:2

Ana manatatoo ṉado la uria marukia tatha, do na tha God, ne dora ania lole la, e alaṉai nia to u asia mai inao ne ai si sui;

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

I. Jone 3:5

Ma mulu thaitoomana na kera fatai nia fasi ka ṉalia abula taa la kulu ki; me ai ta abula taa la si ni ani nia.

II. Timothi 1:10

Sui kera fatai nia si maṉa eri ana maṉo lana mai Wane ne faamaruki kulu na tha Jesus Christ, ne faaaia ṉa maea, me fatai lalaa ana ṉa marukia bia si do na toto si fufuraa asi faaroṉoa lea eri,

Galesia 4:4

Ma sui buriana na si maṉa nia eri e fula bonaa, tha God e bii arasia mai Kaluwane nia, ne futa ana wela kini, futa sulia ṉa lo,

Jone 15:27

Ma ni kamulua lau boo muki faamamanea si do na muka thaitoomana, uria na mulu to bi nau ka too mai ana thafali la.

Si do Aposela ki kera ilidaki 3:15

Ma mulu thauṉia Wane Inoto ana marukia; Wane na tha God e tataea faisia toa mae ki; si do na mere faamamanea si do mere thaitoomana sulia.

I. Pita 5:1

Wane ulunao ki i maalutamulua ku soree isada, ni nau wane ana ulunao la ni lau boo bi kera, na ku faamamanea si do nau ku rikia naa ana taa la tha Christ e toto ania, ma kwai ṉalia lau boo ta si ana inotoa eri na toto keki fatai nia:

Roma 8:3

Uria si do na ṉa lo e dora ania ili lana, uria ne feda sulia see imole, tha God, uria ne arasia mai Kaluwane nia i talaana sulia nuna see imole ne abula taa ṉado, ma ana do ni foa la uria abula taa la, e sorea kwae lana abula taa la i see imole:

Si do Aposela ki kera ilidaki 10:41

Isana toa eri sui bana e ai, isana toa na tha God e filida totonao ana faamamane lana si do na kera thaitoomana, ni kamilia neri, na mili faṉa ma mili kuu ofu bi nia buriana ne tatae faisia toa mae ki.

Si do Aposela ki kera ilidaki 5:32

Ma ni kamilia toa ni faamamane lana si do mili thaitoomana sulia si do eki; ma tha Spirit Abu lau boo, na tha God e falea ana toa na kera ade suli nia.

Si do Aposela ki kera ilidaki 2:32

Jesus eri boo tha God e tataea, si do ni kamilia sui mika faamamanea si do mili thaitoomana sulia.

Si do Aposela ki kera ilidaki 1:22

Ka thafali mai ana babataesi la tha Jone, ka fula afa boṉi eri na kera tae fafi nia faisi kamilia, ana wane eki tee wane kai faamamanea ofu bi kamilia e ai si ei boo si do ne thaitoomana sulia tatae lana faisia maea.

Jone 21:14

Ula naa si maṉa neri na tha Jesus e fatai nia isana toa nia ne toleda, buriana ne tatae faisia toa mae ki.

Jone 17:5

Ma si maṉa eri, Maka ae, oki faainoto nau ani oe i talaamu ana inotoa ba na ku rikia bi oe si maṉa na fanua nei iano e ai si to u bana.

Jone 16:28

Nau ku lae mai ku ita ana ṉa Maka, ma ku fula ana fanua nei iano: sui kwai akwasia lau fanua nei iano, kwai lae kau isana ṉa Maka.

Jone 8:38

Nau ku ṉata sulia si do ni nau ku rikidaki isana Maka nau: ma ni kamulua lau boo muka ilia si do na mulu roṉodaki ana maka kamulua.

Jone 7:29

Ni nau ku thaitoomana bakua; sulaania ku ita mai ani nia, ma nia arasi nau mai.

Jone 3:13

Me ai ta wane lau si tatae uri thalo, talitoona bana nia ne sifo mai faisia thalo, nia na ṉa Kaluwane imole na ni mai thalo.

Jone 1:18

E ai ta wane si rikia tha God ana ta si maṉa: tee fa Kaluwane eri, na ni ruruuna ṉa Maka, nia e fatai nia.

I. Jone 1:1

Si do ne to bana ita ana thafali la mai, si do na mili roṉoa, si do na mili rikia ana maamilia, si do na mili lio sulaania, ma ro aba kamilia ki e suana, sulia ṉa Baea ana marukia

Jone 10:28

Ma nau ku falea marukia tatha ifada; ma toto kesi sui, me ai ta imole si lauda faisia abaku.

Jone 19:35

Ma wane eri ne rikia e faamamanea si do ne thaitoomana, ma si do nia faamamanea e mamana: ma nia thaitoomana ne ṉata mamana, fasi ni kamulua muki fitoo.

I. Jone 2:25

Ma alaṉaia eri ne alaṉai nia iakulua nai nia, ṉa marukia tatha.

I. Jone 4:2

Asi kula eri kuki thaitoomana Spirit tha God: atona bana ta spirit na ka faamamanea na tha Jesus Christ e fula mai i seena imole, nia do tha God:

I. Jone 4:14

Ma kulu rikia naa ma kuka faamamanea si do kulu thaitoomana na ṉa Maka e arasia mai ṉa Kaluwane na Wane ana faamaruki lana fanua nei iano.

I. Jone 5:13

Si do eki ku keda kau isamulua, fasi muki thaitoomana amulua marukia tatha, ni kamulua na mulu fitoona thatana Kaluwane tha God.