II. Timothi 4:8 - Ṉa Alaofua Falu 1923 1949

⁸ Ita asi maṉa eri ka lae alaa, kera alua naa do ni eregwau la ana kokoto la maakwali nau, na ṉa Lord, na Wane ni Kotu kokoto, kai falea ifaku afa boṉi eri: ma talifili nau e ai, kai falea lau boo ifana toa eki sui boo na kera liothau ana maṉo lana mai.

II. Timothi 4:8 Referans Kwoze

Jemesi 1:12

Lea iana, wane na kai susuu ana ilitooa: uria na lalae kera thaitoomana naa kokoto lana, nia kai bii ṉalia do ni eregwau la ana marukia, na ṉa Lord e alaṉai nia ana toa na keka liothau ani nia.

Si do na kera fatai nia 2:10

Osi mau ana taa la eki na toto oki to ania: rikia fasi, e ai si tau na tha devil kai suia tai toa iamulua uri la lokafu, fasi keki ilitoomulua; ma muki to ana taa la sulia tafulu fa boṉi. Oki to mamana boo uria maea, kwai falea do ni eregwau ana marukia ifamu.

I. Pita 5:4

Ma sui lalae kera fatai nia naa Wane Inoto ni toi la kalia aini sifi, muki ṉalia do ni eregwau la ana inotoa na ka ai si dele.

I. Pita 1:4

Maakwalia si do na kuki fulatoona ne toto si taa, na kesi faataalia, ma ka ai si sui, na keka beta i thalo maakwali kamulua,

II. Timothi 1:12

Ma sulia si do eri lau boo ku to ana taa la eki: sui e ai kwasi seenoni; uria nau ku thaitoomana ni nia na nau ku fitoona sui, ma nau ku thaitoomana boo na nia e sukwai fasi kai beta si do nau ku takofale nia ania maakwalia fa boṉi eri.

I. Korinitha 9:25

Ma ni tei na kai susuu fasi si nia kai tatha i la lalaba la ki kai inoto ana seena asi do ki sui bana. Ma toa eki kera ilia fasi keki ṉalia do ni eregwau la na toto kai taa; ni kulu molo fasi kuki ṉalia do ne toto si taa.

Kolose 1:5

Sulaania si do lea eri na mulu manatatoo ṉado uria na kera alua maakwali kamulua i thalo lo, si do eri na mulu roṉoa mai inao asi baea sulia mamana la eri na si faaroṉoa lea,

Fa Ṉu Abu ki 31:19

Ade lea lamu ka baita faamau! si ade la eri no alua naa maasia toa eki na kera takofale kera iamu inaofana kaluwane imole ki!

Si do na kera fatai nia 1:7

Rikia fasi, nia kai lae mai la datha; ma toa na fanua ni sui bana keki riki nia ana maada, ma wane eki na kera labukwadaṉi nia lau boo; ma kulee toa eki sui bana ana fanua nei iano keki tatao uri nia. Iu, Emeni.

Taetasi 2:13

Kuki maakwalia ṉado si do na kera taṉoa na kulu manatatoo ṉado uria na ṉa fatai lana inotoa God baita kulu ne faamaruki kulu, tha Jesus Christ neri;

Si do na kera fatai nia 19:11

Ma nau ku rikia ṉa thalo e ifi; ma rikia fasi, tee hosi kwakwaoa, ma nia ne ono i suila, na kera alaṉi nia ana Fitoo ma Mamana; ma ana kokoto la nia kai ṉata mala Wane ni Kotu ma kai firu.

II. Timothi 2:5

Ma sui lau boo mada sa ta wane susuu fasi si nia kai tatha i la lalaba la ki fasi kai ṉalido, kesi erea gwauna, mada sa nia e ai si ili kokoto ania.

II. Timothi 4:1

Mania nau ku faaroṉo oe inaofatha God, ma inaofatha Lord Jesus Christ, na Wane ni Kotu ana toa maruki ma toa mae ki, bia ana maṉo lana mai ma tooa nia;

I. Timothi 6:19

Keki alua ta do lea ana takwe la ifafona maakwali kera uria si maṉa na ni u, fasi keki rau ana marukia ne mamana boo.

I. Korinitha 2:9

Ma ’uria si do na kera keda, Si do na maana imole si rikidaki, ma aliṉana si roṉoa. Na ruruuna imole si lalomatoona, Si do ki sui bana na tha God e thathaia maakwalia toa na kera liothau ani nia.

Si do na kera fatai nia 22:20

Nia ne faamamanea si do nia thaitoomana sulia si do eki ka sorea, Iu: nau kwai makee lae kau isamulua. Emeni: oki lae mai, Lord Jesus.

Si do na kera fatai nia 4:10

Ro akwala ma fai ulunao eki keki asi kera iano inaofani nia na ka ono ana do ni ono la ana inotoa eri, keki faabaita nia na ka toto si sui, ma keki naṉa ana do ni eregwau kera ki inaona do ni ono la eri, keki una eri,

Si do na kera fatai nia 4:4

Ma kakalia do ni ono la ana inotoa eri ro tafulu do ni ono la ana inotoa ki ma fai do: ma nau ku rikia ro akwala ma fai ulunao ki kera ono mai ana do ni ono la eki, fafia tooni kwakwaoa ki; ma do ni eregwau na kera thauwai nia ana goloda ni la gwauda.

Hibaru ki 9:28

Alafana lau boo tha Christ, na kera falea naa ana tee si maṉa fasi kai tae faisia abula taa la eki na toa oro kera abula taa ania, ruana kai maṉo lau mai, abula taa la ka ai faisia, isana toa na keki maakwali nia, ana faamaruki lada.

II. Timothi 1:18

(Ku thathamia ṉa Lord kai falea si kula eri ifana na nia kai rofetoona tatakomia ṉa Lord afa boni eri); ma fita si do nia e ra ania ifaku i Efesasi, o thaitoomana lea.

I. Thesalonika 1:10

Ma muki maakwalia Kaluwane nia na kai lae mai i thalo, ne tataea faisia maea, tha Jesus neri, ne lau kulu faisia rakeiria na toto kai fula mai.

Roma 8:23

Ma talifilia si do eki e ai, ni kulu lau boo, na kulu rikia naa foee do totonao na tha Spirit, ni kulu mena kulu kwai baita i ruruukulua, si maṉa kulu maakwalia thathagoni la eri na keki thathagoni kulu mania kuki wela nia ki, si maṉa ana tae la faisia seekulua neri.

Roma 2:5

Ma sulia ruruumu ne sadi ma manatamu ne ai si akele, o alua rakeiria kai to maakwali oe afa boṉi eri ana rakeiria, maṉa na keki fatai nia si do kokoto eri na tha God na Wane ni Kotu kai sorea;

Mathui 24:36

Ma fa boṉi eri ma kadee maṉa eri e ai ta wane si thaitoomana, angel ki i thalo mena ka ai, bia Kaluwane eri mena ka ai lau boo, talitoona boo ṉa Maka e thaitoomana.

Mathui 7:22

Toto toa oro keki soree isaku afa boṉi eri, Lord, Lord, ta na sa ni kamilia mili ṉaṉata mala porofeta ana thatamu na ba, ma mili arasia spirit taa ki ana thatamu, bia mili ilia ra oro ana sukwaia ki ana thatamu, mado?

Fa Ṉu Abu ki 7:11

Tha God na ṉa Wane ni kotu na ka ṉata kokoto, iu, ni nia ṉa God na kai rakeiri sulia boṉi.

I. Thesalonika 5:4

Ma ni kamulua, doora kera, musi to i la rodo, fasi fa boṉi eri kai fulatoomulua ’uria wane na kai bili:

II. Korinitha 5:2

Uria mili kwai baita ana biui maku nei, mili thathamia faamau keki alua fafi kamilia biu kamilia ita mai i thalo:

Luke 10:12

Nau ku soree isamulua, Si do taa na kai uria i Sodomo afa boṉi eri, kai faekwa asi do na kai uria toaa susu eri.

GENESIS 18:25

Si ade la ne a’i si faramu neri, soki ade una eri, soki thauṉia toa kokoto ki ofu bia toa taa ki, sa toa kokoto ki keki totoo bia toa taa ki; si ade la ne a’i si faramu neri: nia na ka ṉata oolo sulia toa na fanua na i iano sui boo kai ilia si do ne kokoto, mado?

I. Korinitha 3:13

Kamulua sui, ta wane si ei boo, keki fatai nia si ra kamulua: uria na fa boṉi eri kai fatai nia, sulaania keki fatai nia fa boṉi eri ana era; ma era eri i talaana kai ilitoona ra ta wane sa ka lea mado e ai.

Filifae 3:11

Fasi mado e ai kwai fulatoona ṉa tatae la faisia toa mae ki.

II. Thesalonika 2:8

Maṉa na keki bii fatai nia wane eri na kai ilia si do kera lufia, wane na ṉa Lord kai thauṉia asi maṉo ana fokona, ma kai faaaia ana fatai lana ana fula lana mai;

II. Timothi 1:10

Sui kera fatai nia si maṉa eri ana maṉo lana mai Wane ne faamaruki kulu na tha Jesus Christ, ne faaaia ṉa maea, me fatai lalaa ana ṉa marukia bia si do na toto si fufuraa asi faaroṉoa lea eri,

Hibaru ki 12:11

Kwae la ni sui uria faaoolo la, do kesi seetha thala ania si maṉa eri boo, e taa iada uria: una ena mena, kai fuṉu iburi asi foee do ana enenoa ma kokoto la, ifana toa na kera faamanatai kera ania.