II. Timothi 4:2 - Ṉa Alaofua Falu 1923 1949

² Oko ṉata sulia si baea eri; oki fifarao uria asi maṉa na kera maakwalia, ma asi maṉa na kesi maakwalia lau boo: oki faaseenoni kera, oki soreda, oki ṉata isada, asi lio ni doanita tatha la ma ana kwaifamanataia.

II. Timothi 4:2 Referans Kwoze

I. Thesalonika 5:14

Ma miki soree isamulua, doora kera, muki faamanataia toa na kera abula kekeo, muki faainamarukia toa ruruude mau, muki rausualia toa na kera feda ki, muki doanita ka tau ana toa eki sui boo.

Taetasi 2:15

Si do eki oki ṉata sulia ma oki sorea isada ma oki ṉata fifi isada asi lio ne baita ni gwauwai la. Osi alamatania ta wane si fare faekwa iamu.

I. Timothi 4:13

Maakwali nau kwa fula, oki seemabe ana teemai la, ana ṉata la isada, ana kwaifamanataia.

Si do na kera fatai nia 3:19

Nau ku sorea toa eki sui bana na nau ku liothau anida, ma ku kwaeda ana faaoolo lada: mania oki seemabe, ma oki akeletania manatamu.

Taetasi 1:13

Si do na wane eri e faamamanea sulia si do nia thaitoomana e mamana boo. Mania oki ṉatafifi faamau isada, fasi keki taliṉei asi do eki na kulu fitoona,

II. Timothi 2:21

Mania mada sa ta wane ka faafalu nia faisia si do eki, nia kwadee do ana fare baita la ania, keki faaabu nia, kai farana ra ana wane inoto, kai thathai maakwalia si ra lea ki sui bana.

Galesia 6:6

Wane na kera tooa si do ki isana asi baea eri kai adomia wane ne tooa si do eki isana asi do lea ki sui bana.

Roma 12:12

Muki seethathala ana manatatoo ṉado la uria si do lea ki; muki susuu ana taa la na muka to ania; muki seemabe ṉado ana foa la;

II. Timothi 3:10

Ma ni oe o lae buriaku ana kwaifamanataia nau, ana abula laku, asi do nau ku thathamii ilia, ana fitooa nau, asi lio nau ni doanita tatha la, ana liothau la nau, asi lio ni susuu,

I. Timothi 5:20

Toa na kera abula taa oko ṉata fifi iada inaofana toa eki sui boo, fasi kera lau boo keka mau.

Kolose 1:25

Na kera alu nau nau wane ni ra la ania, sulia si do na tha God e takofale nau ania kwai ra ania uri kamulua, uria faamamane lana bae lana tha God,

Roma 10:15

Ma nifana ade lana fasi keki ṉata suli nia si maṉa na kesi arasida uria? ’uria si do na kera keda, Riki lana aaeda e lea asia, toa eki na kera ṉata sulia si faaroṉoa lea ana enenoa ma kere ṉalia mai si faaroṉoa lea sulia si do lea ki!

Si do Aposela ki kera ilidaki 20:7

Ma afa boṉi totonao ana uiki, si maṉa na toa na tha Jesus e toleda kera figu mai fasi keki nia berede, tha Polo e kwaifamanatai isada, manatana na nia kai lae afa boṉi iburiana; ma nia ṉa ṉata ka initoona rodo naa.

Si do Aposela ki kera ilidaki 16:13

Ma afa boṉi mamaloa mili kotho i maana sulufau, mili fula i ninimana tee kafo, asi kula na keki fofoa ṉado iei; ma mili ono, mika ṉata isana kini na kera ofu ki mai.

Luke 9:60

Tha Jesus ka soree isana, Oki akwasia toa mae ki keka alua wane kera ne mae; ma oko lae oko faaroṉo faladoa ana tooa tha God.

Luke 7:4

Ma si maṉa na kera fula isatha Jesus, kera seemabe ana ṉata kwaitakoi la isana, ma keka una eri, Nia e farana noki ilia si do eri ifana:

I. Thesalonika 5:20

Musi fare faekwa ana ṉata lana porofeta ki;

Luke 7:23

Me lea iana, ni tei bana na ka ai si fulatoona ta si do ana faataofai lana ani nau.

Fa Ṉu Abu ki 40:9

Nau ku ṉata sulia kokoto la i la ofu la baita eri; lio fasi, kwasi to faisia ṉata la ana ṉiduku, si ade la no thaitoomana bonaa neri, Jihova ae.

II. Timothi 2:25

Kai abula marabibi si maṉa na kai faakokotoa toa na kera maalimae ani nia; fasi mado e ai tha God kai falea manata akele la ifada uria thaitoomana lana mamana la eri,

Hibaru ki 13:22

Ma nau ku soree isamulua, doora kera, muki alamatai nau asi baea eri ana kwaifamanataia: uria nau ku keda ṉadee si baea isamulua.

Si do Aposela ki kera ilidaki 28:16

Ma lalae mili fula i Roma, senitiurione ka falea kau toa eki na kera kania isana wane ne inoto ana omea: ma tha Polo kera alamatania ka to tee nia bia wane ana firua ne suusi nia.

Si do Aposela ki kera ilidaki 13:5

Ma lalae keka ni Salamisi, kera faaroṉo ania bae lana tha God i la biu ni ofu la ki ana Ju ki: ma adaroa tha Jone lau boo wane ni ra keroa.

Kolose 4:3

Ma muki foa uri kamilia lau boo, fasi tha God kai ifinia maa ifamilia ifana si baea eri, miki ṉata sulia si do tha Christ ne toto thaufuni, si do na kera kani nau lau boo fafia;

I. Thesalonika 1:6

Ma mulu ade ’uria ade la na mulu rikia ani kamilia, ma ana ṉa Lord, uria na mulu ṉalia si baea eri ana taa la baita na mulu toto ania, bia seethathala la atha Spirit Abu;