II. Timothi 4:18 - Ṉa Alaofua Falu 1923 1949

¹⁸ Ma ṉa Lord kai beta nau faisia si ra taa ki sui bana, ma kai faamaruki nau kwa fula isana tooa nia i thalo mai: keki fare inoto ani nia toto si sui. Emeni.

II. Timothi 4:18 Referans Kwoze

Fa Ṉu Abu ki 121:7

Tha Jihova kai beta oe faisia taa la ni sui bana: nia kai betaa maṉomu.

II. Thesalonika 3:3

Ma ṉa Lord e mamana, na kai faasukwai kamulua, ma kai beta kamulua faisia taa la.

Mathui 6:13

Ma osi talai kamilia isana bae aliṉa la, oki suusi kamilia faisia tha Taa, sulaania na do oe na ṉa tooa, ma ṉa sukwaia, ma ṉa inotoa, toto si sui. Emeni.

I. Pita 1:5

Toa na sukwaia tha God ka fono toi kakali kamulua sulia fitooa uria marukia na ka thathai fasi keki fatai nia asi maṉa iisi eri.

I. Thesalonika 5:23

Ma ṉa God ana enenoa talani nia kai faaabu teefau ani kamulua; ma keki beta sulia spirit kamulua ma maṉomulua ma seemulua kai laulau, ma kai dodoloa, ana fula lana Lord kulu tha Jesus Christ.

Fa Ṉu Abu ki 73:24

Oki to’oa tala isaku sulia si ade la no onotoona, ma i buira oki thathagoni nau mai isana inotoa baita.

Hibaru ki 13:21

Kai faasukwai teefau ani kamulua asi ra lea ki sui bana fasi muki ilia si do ne thathamia, ma ka ilia si do nia rikia ka lea ani kamulua, atha Jesus Christ; na keki fare inoto ani nia toto si sui. Emeni.

II. Timothi 1:12

Ma sulia si do eri lau boo ku to ana taa la eki: sui e ai kwasi seenoni; uria nau ku thaitoomana ni nia na nau ku fitoona sui, ma nau ku thaitoomana boo na nia e sukwai fasi kai beta si do nau ku takofale nia ania maakwalia fa boṉi eri.

II. Korinitha 1:10

Ne lau kamilia faisia mae la baita eri, ma kai lau kamilia: na mika manatatoo ṉado uri nia na nia kai lau kamilia ṉado lau boo faisia;

Roma 11:36

Uria si do ki sui bana ita mai ani nia, ma ka uri nia, ma ani nia. Keki fare inoto ani nia toto si sui. Emeni.

Fa Ṉu Abu ki 92:10

Susukee do nau, molo, o tafoa iaa, e ’uria susukee do i maadarana buloka kwasi: kera gwai nau asi gwai faalu.

Fa Ṉu Abu ki 37:28

Uria na tha Jihova ka liothau asi ṉataa ne oolo, me a’i si luka faekwa ana toa abu nia ki; nia kai fono toi kalida ka toto bana: kwalafaa toa taa ki molo nia kai faafunuida.

Mathui 13:43

Asi maṉa eri toa na kera kokoto keki sinasina mai mala thato ana tooa Maka kera. Wane ana ta ro aliṉa uria roṉo la, kai ronoi fasi.

Jone 17:15

Nau e ai kwasi gani oe oki ṉalida faisia fanua nei iano, ku gani oe oki beta sulida faisi nia ne taa.

Luke 12:32

Musi mau, aini sifi na musi oro; uria na Maka kamulua e to’oa kai falea tooa eri ifamulua.

I. Timothi 6:16

Na tee nia ṉa marukia tatha ka ni ania, kai to ana lalaa la na kesi talaana idu la karaṉia; nia ne ai ta wane si rikia u, me ai ta wane si talaana riki lana: keki fare baita ani nia ma keki taṉoa sukwaia nia toto si sui. Emeni.

I. Korinitha 10:13

E ai kesi bae aliṉamulua ana bae aliṉa la na imole e ai si talaana tofe la faisia: ma tha God e mamana, kei ei si alamatanida keki bae aliṉamulua ka tatha asi do na muki sukwai ania; ma bia bae aliṉa la eri kai fatai nia lau boo tala na muki thaka ania, fasi muki tofe faisia.

GENESIS 48:16

Angel eri ne tae faisi nau faisia si ade la eki sui bana ne taa, kai alua lea la fafia ro wela wane nei ki; ma keki alua fasi thataku, ma thatana ro maka nau eki na tha Aberahamo ma tha Aesiki fafidaroa; ma malului wane oro ki keki thafali mai ani keroa imaalutana fanua na i iano.

I. Pita 5:11

Keki fare inoto ani nia ma keki taṉoa tooa nia toto si sui. Emeni.

I. Timothi 1:17

Ma Kiṉa eri ne to ladoa ne toto si fufuraa, ne to bana ma kesi riki nia, tha God na tee nia boo, keki fare baita ma keki fare inoto ani nia toto si sui. Emeni.

Mathui 25:34

Sui Kiṉa eri kai soree isana toa ibali aba aola nia, Lae mai, toa na Maka nau e falea lea la ifamulua, muki to ana tooa na kera thauwai nia maakwali kamulua too mai ana boa lana fanua nei iano:

Jude 1:1

Jude, wane ni ra tha Jesus Christ, doora tha Jemesi, isana toa eki na kera ailida mai, na kera liothau ani kera atha God na Maka, ma kera beta sulida atha Jesus Christ:

Galesia 1:5

Keki fare inoto ani nia toto si sui. Emeni.

Roma 16:27

Tha God na tee nia e manata lea, keki fare inoto ani nia atha Jesus Christ, toto si sui. Emeni.

Luke 22:29

Ma nau ku talua ta tooa ifamulua, ’uria lau boo na Maka nau e talua ifaku,

Luke 11:4

Ma oki manata lube kamilia ana abula taa la kamilia ki; uria ni kamilia lau boo miki manata lubea toa eki sui boo na keki abula taa iamilia. Ma osi talai kamilia isana bae aliṉa la; oki suusi kamilia faisia taa la.

Jemesi 2:5

Muki roṉoa fasi, doora liliothaua nau ki; ta na sa tha God e filia toa na kesi rikii do i fanua nei iano, keki rikii do ana fitooa, ma keki fulatoona tooa eri ne alaṉai nia ana toa na keki liothau ani nia, mado?

I. Korinitha 1:21

Uria na sulaania ana liotooa tha God fanua nei iano ana liotooa nia i talaana e dora ania tha God, tha God e thathamia ana oewanea la si do na kera ṉata sulia kai faamarukia toa na kera fitoo.

I. Korinitha 15:50

Ma si do nau ku sorea neri, doora kera, na mariko ma abu e ai si talaana fulatoona lana tooa tha God; ma do na toto kai fufuraa ka ai si fulatoona si do na kai toto ka ai si fufuraa.

II. Timothi 4:1

Mania nau ku faaroṉo oe inaofatha God, ma inaofatha Lord Jesus Christ, na Wane ni Kotu ana toa maruki ma toa mae ki, bia ana maṉo lana mai ma tooa nia;

Hibaru ki 11:16

Ma keka thathamia ada fanua ne lea ka tatha, na ṉa fanua i thalo: mania tha God e ai si seenoni suli kera, fasi keka alaṉi nia ana God kera: uria ne beta toaa susu maakwali kera.

Hibaru ki 12:22

Ma ni kamulua mulu fula mai isana gwa tolo i Saeono, ma isana toaa susu ṉa God maruki, Jerusalema mai i thalo, ma isana angel ooro ka oro na eta eta ka dora,

II. Pita 1:11

Uria asi kula eri keki ifinia maa ka baita uri kamulua muki kotho ana tooa na kai to tatha, tooa Lord kulu ne faamaruki kulu tha Jesus Christ.

II. Pita 3:18

Ma muki sukwai alaa ana lea la ma thaitoomana lana Lord kulu ne faamaruki kulu, tha Jesus Christ. Keki fare inoto ani nia si maṉa eri ma toto si sui. Emeni.