II. Timothi 4:16 - Ṉa Alaofua Falu 1923 1949

¹⁶ Asi maṉa totonao na nau ku ṉata suusi nau e ai ta wane si adomi nau, kera sui boo kera akwasi nau: kwasi thathamia keki alaṉi kera asi do eri.

II. Timothi 4:16 Referans Kwoze

Si do Aposela ki kera ilidaki 7:60

Ma nia boururu iano, ka ’ai ana ’ai la baita, Lord, osi alaṉi kera ana abula taa la nai. Ma buriana ne ṉata una eri e sui, ka biṉa bonaa.

Jone 16:32

Rikia fasi, kadee maṉa eri karaṉi kai fula, iu, e fula naa, na keki adea fasi muki akota, ta wane iamulua uria si do nia ki, ma ta wane uria si do nia ki, ma muki akwasi nau kwai to tee nau: ma sui e ai kwasi to tee nau, uria na ṉa Maka kai to bana isaku.

Mako 14:50

Ma kera sui keka akwasi nia, keka thaka.

I. Pita 3:15

Muki faaabua tha Lord God i ruruumulua: ma muki fifarao ṉado uria luu lana atona bana ta wane na kai soetoomulua uria maalutana manatatoo ṉado la na ni ani kamulua, sui muki luua ana abula marabibi la ma ana mau la:

II. Timothi 4:10

Uria na tha Dimasi e akwasi nau, sulaania nia thathamia si do kada nei ki, e lae uri Thesalonika; tha Keresenasi uri Galesia, tha Taetasi uri Dalamesia.

II. Timothi 1:15

Si do eri o thaitoomana, na toa ba sui na kera ni Asia kera akele buri faisi nau; na ro wane iada na tha Faejelasi ma tha Hamojenesi.

Filifae 1:17

Ma toa fu kera ilia ana liothau la, uria na kera thaitoomana na kera alu nau fasi kwa tofe faisia si do taa na kera sorea sulia si faaroṉoa lea.

Filifae 1:7

Ma si do kokoto neri na manataku kai una eri uri kamulua sui, uria na mulu to ana ruruuku, sulaania, ana kani la na kera kani nau ania, ma ana luu lana si do na kera alaṉia si faaroṉoa lea ania, ma ana faaṉado lana, kamulua sui boo mulu ṉalia lau boo ta si ana lea la na ni nau ku ṉalia.

II. Korinitha 7:11

Uria rikia fasi, si do eri boo, na kera faaliodila kamulua ana liodila na tha God e falea, e ilia na mulu aṉasi faamau, iu, mulu sorea mulu dodoloa, iu, e taa faamau iamulua sulia do eri, iu, mulu mau faamau, iu, mulu thathamia faamau do lea ki, iu, mulu seemabe faamau, iu, mulu duua do eri! Asi do ki sui bana mulu fatai kamulua mulu dodoloa asi do eri.

I. Korinitha 9:3

Si do nau ku duua ana toa na kera ilitooku nai nia.

Si do Aposela ki kera ilidaki 25:16

Ma ni nau ku luuda, Toa i Roma biraṉada e ai na alamatai lana ta wane, si maṉa na wane eri na kera alaṉia asi do ki e ai si lio totonao i maana toa na kera alaṉi nia, ma kesi alamatania kai ṉata fasi kai suusia faisi nia si do taa eri na kera alaṉi nia ania.

Si do Aposela ki kera ilidaki 22:1

Doora kera ma maka kera, muki roṉo nau si maṉa eri ni nau kwai ṉata isamulua, kwai talumatania si do taa eri faisi nau.

Luke 12:11

Ma lalae keki talai kamulua isana biu ni ofu la ki, ma wane inoto ki, ma toa gwauwai ki, musi laloma fufuli uria ṉata la na toto muki ṉata ania ma si do na muki luuda ania, mado si do na muki sorea:

I. Korinitha 13:5

E ai si abula ana abula la ne ai si farana, e ai si rofea si do nia ki i talaana, e ai si rakeiri si maṉa na kera faaomea, manatana si teo asi do taa na kera ilia;

II. Timothi 4:15

Wane noki beta lau boo suli oe faisia; uria ne maalimae faamau ana bae lamilia.