II. Timothi 3:6 - Ṉa Alaofua Falu 1923 1949

⁶ Uria na toa una eki kera maladala mai i maafera ki, keki gafoa kini oeaia ki na abula taa la ki ka kulua fafi kera, na kera tole garo anida ana thathami la taa oro ki,

II. Timothi 3:6 Referans Kwoze

Jude 1:4

Sulaania tei wane kera maladala mai, toa na kera kekeda sulida dini u mai inao na keki kwaeda boo fafia si do eri, wane na kera fare faekwa atha God, na kera bulasi garo ana lea la tha God ana daidei la, ma kera sorea kera dora bada atha Lord God na tee nia boo, ma tha Jesus Christ na Lord kulu.

II. Pita 3:17

Mania ni kamulua, toa liliothaua nau ki, uria na mulu thaitoomana si do eki totonao, muki fia ada mado e ai keki tole garo ani kamulua ana ade garo la toa taa eki, ma muki asi kamulua faisia si lio ni takwe ṉado la kamulua.

Taetasi 3:3

Uria ni kulu lau boo inao mai kulu oewanea, kulu adede faisia si ṉata, kera lole kulu, kulu ra ifana si thathami la taa tataka ki ma si do oro ki ne faalea kulu, kulu toto asi lio ne taa ma ana uga la, kulu do kera mamagu ania, kulu riki kulu kwailiu ka taa.

Jude 1:18

Na kera soree isamulua na ba, Asi maṉa iisi toa ni onioṉa la keki fula, na keki abula sulia si thathami la taa kera ki asi lio ni fare faekwa la atha God.

Taetasi 1:11

Toa noki faabona kera e ai si ei boo; wane ki na kera tole garo ana baree wela ki sui, uria na kera tooa si do ne ai si kokoto ki, uria malefo ne faataali kia.

Jude 1:16

Wane na kera uubulu taa ki neri, wane na kera kanabaebae, kera abula sulia si thathami la taa kera ki (ma kera sorea si do roṉo lana ka baita faamau ana fokoda), ma uria na kera thathamia todado la, kera rikia imole ki e ai kesi totoo.

II. Pita 2:18

Sulaania, ana bae lada roṉo lana ka baita faamau me fakoka, uria si do na seena imole e thathamidaki, ma ana daidei la, kera gafoa imole eki na keki thaka na mai faisia toa ana ade garo la;

I. Korinitha 12:2

Mulu thaitoomana si maṉa ba na mulu Jenetaele ki, kera tole garo ani kamulua ana god eeta ba ki na fokode ato, ifei na kera thathamii tole kamulua uri iei.

Mako 4:19

Ma manata baita la asi do kada nei ki, bia kaura lana inotoa ki, ma thathami lana do eeta ki kai kotho mai, kai suusia si baea eri, ka ai si fuṉu.

Mathui 23:13

Taa la kai thauṉi kamulua, wane ni kekeda ki ma Farisi ki, toa na muki olodola! uria na mulu fonoa tooa i thalo faisia imole: kamulua e ai musi kotho iei, ma toa na sa keki kotho mena e ai musi alamatanida kesi kotho iei.

I. Timothi 6:9

Ma toa na keki thathamii rikii do keki asi kera ana bae aliṉa la ma aikwai ma ana thathami lana do oro ne oewanea ma ka faataali kera, si do na kai ilia wane ki keki lola asi do na kai labatai teefau anida ma kai faaaana maṉoda.

Mathui 11:28

Lae mai isaku, kamulua sui, toa na muki ulafu ma muki ṉali kulua, ma nau kwai falea mamaloa ifamulua.

Fa Ṉu Abu ki 38:4

Uria na abula laku asi do na kera lufidaki e olo mai fafia gwauku: ’uria si do ṉali lane kulua, e kulua ka tatha asi do kwai talaana ṉali lana.

Mathui 4:24

Ma thatana ka talofia i Siria sui: ma keka talaia mai toa eki sui bana na kera matai isana, toa na mataia oro ki e thauṉida ma seede fi, toa spirit taa ki ni anida, ma toa na futamae e thauṉida, ma toa afemae e thauṉida; ma nia ka faamarukida.

I. Timothi 5:6

Ma ai ne to ni manatai lana bana nau ni lea la e mae naa, boro ka maruki mena.

Mathui 23:14

Taa la kai thauṉi kamulua, wane ni kekeda ki ma Farisi ki, toa na muki olodola! uria na muki lagua si do nai maafera gwa oru ki, ma muki lole ana foa la tau: mania toto muki fulatoona kwae la ne baita ka tatha.