II. Timothi 3:12 - Ṉa Alaofua Falu 1923 1949

¹² Iu, ma toa eki sui boo na keki thathamii to asi lio ni fare baita la atha God atha Christ Jesus, keki fulatoona tona ilamatai lada la.

II. Timothi 3:12 Referans Kwoze

I. Pita 3:14

Ma mada sa muka to ana taa la uria kokoto la, kai lea iamulua: ma musi mamau ana mau lada, mado i la ruruumulua si tataa;

Si do Aposela ki kera ilidaki 14:22

Keko faaṉadoa ruruuna toa na tha Jesus e toleda, keko soree isada keki to ṉado asi do eki na kulu fitoona, keko faaroṉoda na kuki to e ai si ei boo ana taa la oro ki fasi kuki kotho ana tooa tha God.

Mathui 16:24

Sui tha Jesus ka soree isana toa nia ne toleda, Mada sa ta wane kai thathamii lae iburiaku, nia kai sorea nia dora ani nia i talaana, kai ṉalia ’ai rarafolo nia, ma kai lae iburiaku.

Jone 16:2

Keki arasi kamulua muka lae faisia biu ni ofu la ki: iu, si kadee maṉa lalae kai fula, na ni tei bana na kai thauṉi kamulua manatana do sa kai ra ifatha God.

Jone 16:33

Si do nei ki ku soree isamulua, fasi amulua enenoa ani nau. Ana fanua nei iano taa la kai thauṉi kamulua: sui kai lea bana iamulua; si nau e tatha naa fafia fanua nei iano.

Mako 10:30

Nia kai ṉalia tee talaṉee do asi maṉa eri fuliṉana do ne akwasidaki, ana maafera ki, ma doorana kera, ma waiwaena ki, ma thainana kera, ma wela ki, ma oole ki, bia tona ilamatai la ki; ma asi kada na ni u kai ṉalia marukia tatha.

Taetasi 2:12

Do ne faamanatai kulu, fasi kuka tofea si lio ni fare faekwa la atha God ma si thathami la taa kada nei ki, ma kuki abula seeeno ma kokoto ma asi lio ni fare baita la atha God asi maṉa eri;

II. Pita 3:11

Mania uria na kera to’oa si do eki sui boo kai thaka kwailiu una eri, nifana maalutana to la ne kokoto muki to ania ana abula lamulua ne abu ma asi lio ni fare baita la atha God,

I. Korinitha 15:19

Mada sa ana talitoona to lakulua i fanua nei iano kulu manatatoo ṉado uria si do lea ki atha Christ, do na kera tatakomi kulu ka tatha ana imole ki sui bana.

Si do na kera fatai nia 12:4

Ma nia ka ara ula balii bubulu ana bubulu lo i thalo ki ana kikiuna, me naṉa anida uri fanua nei iano: ma baekwa eri ka takwe inaofana kini eri na karaṉia kai tharewela, fasi lalae e tharea e sui, nia kai akabusua wela nia.

Si do na kera fatai nia 7:14

Ma nau kwa soree isana, Wane inoto ae, o thaitoomana. Ma nia ka soree isaku, Toa na kera toto ana unii taa la baita eri nai nida, ma kera taua tooni kera ki, ma keka faakwakwaoa ana abuna ṉa Lama.

Taetasi 1:1

Polo, wane ni ra tha God, ma aposela tha Jesus Christ, sulaania si do eki na toa na tha God e filida kera fitoona, ma thaitoomana lana mamana la eri asi lio ni fare baita la atha God,

I. Timothi 6:3

Mada sa ta wane ka kwaifamanatai ata kwaifamanatai eeta, me ai si ala fafia si baea taliṉei, bae lana na Lord kulu tha Jesus Christ, ma kwaifamanataia eri ne sulia si lio ni fare baita la atha God;

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

I. Timothi 2:2

Uria kiṉa ki ma toa gwauwai ki sui boo; fasi to lakulua kai aroro ma kai eno asi lio ni fare baita la atha God asi do ki sui bana, ma kuki to taiṉei.

II. Korinitha 1:12

Uria na si do mili faabaita kamilia ania nania, si do na wane i ruruumilia ka sorea sulia si do nia thaitoomana, na asi lio ne abu ma thathaulia atha God, ana liotooa seena imole e ai, ana lea la tha God, mili abula i fanua nei iano, ma mili ilia ka tatha inaofamulua.

Jone 17:14

Nau ku falea bae lamu iada; ma fanua nei iano e rikida ka taa, sulaania ni kera do fanua nei iano e ai, ’uria lau boo ni nau ṉa do fanua nei iano e ai.

Mathui 23:34

Mania, rikia fasi, kwai arasia mai porofeta ki isamulua, bia toa liode too, ma wane ni kekeda ki: tei wane iada muki thauṉia ma muka fota fafida ana ’ai rarafolo; ma tei wane iada muka kwae tataria ana sulida i la biu ni ofu la kamulua ki, ma toto muka tona ilamatanida too ana tee toaa susu, lae ka fula ata toaa susu:

II. Korinitha 4:9

Kera tari kamilia, ma kesi akwasi kamilia iada; kera u ani kamilia i theegano, ma kesi thauṉi kamilia;