II. Timothi 3:10 - Ṉa Alaofua Falu 1923 1949

¹⁰ Ma ni oe o lae buriaku ana kwaifamanataia nau, ana abula laku, asi do nau ku thathamii ilia, ana fitooa nau, asi lio nau ni doanita tatha la, ana liothau la nau, asi lio ni susuu,

II. Timothi 3:10 Referans Kwoze

I. Timothi 6:11

Ma ni oe, no wane tha God, oko thaka faisia do eki; ma oko tari buriana kokoto la, si lio ni fare baita la atha God, fitooa, liothau la, si lio ni susuu la, abula marabibi la.

Taetasi 2:7

Asi do ki sui bana oki fatai nia ra lea oe ki fasi keki lio uria; ana kwaifamanataia oe oki fatai nia si lio na kesi faataalia, taiṉei la, si lio ne mamana,

I. Timothi 4:6

Mada so faaroṉoa doorakulua ki lau fasi keki onotoona si do eki, oki wane ni ra lea tha Jesus Christ, na kera thare oe asi baea ba ki asi do eki na kulu fitoona, ma ana kwaifamanataia lea eri no ade ṉado sulia:

Filifae 2:22

Ma mulu ilitoona mamana lana wane eri, na, ’uria lau boo wela bia maka nia, e ra bi nau ana ra eri ifana si faaroṉoa lea.

Hibaru ki 13:9

Kesi tole garo ani kamulua ana kwaifamanataia oro eeta ki: sulaania e lea na keki faaṉadoa rurui imole ana lea la; asi do ni ani lana ki e ai, si do ne ai si adomia toa ne oga kera faamau.

Si do Aposela ki kera ilidaki 11:23

Nia lalae mai e fula, me rikia lea la tha God, ka seethathala; ma nia soree isada sui, keki susuu ana ruruuda, keki rau ṉado ana ṉa Lord:

II. Pita 3:11

Mania uria na kera to’oa si do eki sui boo kai thaka kwailiu una eri, nifana maalutana to la ne kokoto muki to ania ana abula lamulua ne abu ma asi lio ni fare baita la atha God,

II. Timothi 4:3

Uria na si maṉa toto kai fula na kesi alamatania keki faaroṉoda asi kwaifamanataia taliṉei eri; ma aliṉada kai mamale, adedea keki ofua toa in kwaifamanatai iada sulia thathami la taa kera ki;

II. Timothi 2:22

Oko thaka lau boo faisia si thathami la taa toa bii baita ki, ma oki tari buriana kokoto la, fitooa, liothau la, enenoa, bia toa na keka ’ai ana thatana ṉa Lord ana ruruuda ne thathaulia.

I. Thesalonika 1:5

Uria na si faaroṉoa lea kamilia e ai si fula isamulua ana talitoona si baea, ana sukwaia ni lau boo, ma atha Spirit Abu, ma asi do ne fatai lalaa ana mamana lana; talafana na mulu thaitoomana to lamilia i maalutamulua na mili toto ania uri kamulua.

II. Korinitha 1:17

Mania si maṉa na manataku e una eri, ku toto ana ro si lio? mado si do eki na nau ku thathamii ilia, ku thathamia sulia seena imole, fasi akua ro si ṉata, iu, iu, ma e ai, e ai?

Roma 16:17

Sui ku ṉata kwaitakoi, kwa soree isamulua, doora kera, lio, fasi muki thaitoomana toa eki na to la ana tafulu si lio ma si do ni faataofai lana imole ki ita mai ani kera, si do ne ai si totoo bia kwaifamanataia eri na mulu ṉalia naa: ma muki akele faisida.

Si do Aposela ki kera ilidaki 26:4

Abula laku ita mai i faekwa laku, Ju ki sui bana kera thaitoomana, lalae mai nau kwa baita i maalutana toa nau ki, ma i Jerusalema:

Si do Aposela ki kera ilidaki 20:18

Ma lalae kera fula isana, nia soree isada, Ni kamulua mulu tala thaitoomana, ita mai afa boṉi totonao na nau ku uri si theegano i Asia na ba, to la na nau ku toto ofu ania bi kamulua ta fa boṉi si ei,

Si do Aposela ki kera ilidaki 2:42

Ma kera seemabe ṉado uria roṉo lana kwaifamanatai lana aposela ki ma ana kwaimani lea la bida, ana ni lana berede eri ma ana foa la eki.

Luke 1:3

E lea ana manataku lau boo, uria nau ku mamanata sulia si do eki sui boo ka too ita mai i thafali lana, kwai kekeda kau isamu sulia lae lana, Thiofilasi, wane no inoto ka tatha;

I. Timothi 1:3

’Uria ku faaroṉo oe oki to i Efesasi, si maṉa ba ku lae uri Masedonia, fasi oki ṉata fifi isana tei wane kesi totooa lau ta kwaifamanataia eeta,

Efesasi 4:14

Fasi ni kulu kusi wela faekwa lau, toa na atona bana ta thauthau ka isuda ka toto bana, ma thauthau eki na ṉa kwaifamanataia eeta ki ana kaura lana imole, do ni lole la, sulia manata taa lada, ana tole garo la iakulua;

Filifae 2:20

Sulaania e ai akua ta wane na lione totoo bia lioku, na kai tala oga nia mamana boo uria to lamulua.

II. Timothi 4:2

Oko ṉata sulia si baea eri; oki fifarao uria asi maṉa na kera maakwalia, ma asi maṉa na kesi maakwalia lau boo: oki faaseenoni kera, oki soreda, oki ṉata isada, asi lio ni doanita tatha la ma ana kwaifamanataia.

II. Timothi 4:7

Nau ku firu naa ana firua lea eri, nau ku fita sui naa, nau ku rau asi do eki na kulu fitoona: