II. Timothi 2:7 - Ṉa Alaofua Falu 1923 1949

⁷ Oki lalomatoona si do nau ku sorea; uria na ṉa Lord kai falea manata lea la iamu asi do ki sui.

II. Timothi 2:7 Referans Kwoze

Jemesi 1:5

Mada sa ta wane iamulua manata lea la ka ai faisi nia, kai gania atha God, na ka fale baita ifana imole ki sui bana ma ka ai si soreda; ma keki falea ifana.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Luke 24:45

Sui nia e faatooa manatada, fasi keka thaitoomana maalutana kekeda la abu eki;

Jone 14:26

Ma Nia na kai faainamaruki kamulua, tha Spirit Abu, na ṉa Maka toto kai arasia mai ana thataku, nia kai tooa si do ki sui bana isamulua, ma kai faaroṉo kamulua lau asi do eki sui boo na nau ku soree isamulua, muki onotoona.

Jemesi 3:17

Ma liotooa eri ne ita mai ia kai thathaulia totonao, sui kai eno, kai abula thathaore, kai thathamii falea si do na keki gania, kai fuṉu ana tatakomia ma asi foee do lea ki, oli susuua ka ai faisia, olodola la ka ai faisia.

I. Timothi 4:15

Oki seemabe asi do eki; oki alua liomu ana tee si lio ania; fasi si do noki fulatoona kai to fatai ana toa eki sui.

Kolose 1:9

Sulia si kula eri ni kamilia lau boo, ita mai afa boṉi na mili bii roṉoa si do eri, mili foa uri kamulua ta si maṉa si ei ma mili gani, fasi keki faafuṉu kamulua asi lio ana thaitoomana lana si do ne thathamia ana liotooa ni sui bana ma manata lea la atha Spirit,

Jone 16:13

Ma sui lalae ni nia, ṉa Spirit mamana, ka fula naa, nia kai fatai nia tala isamulua asi do ki sui bana ne mamana: uria nia toto si ṉata i talaana; si do eki sui bana na nia kai roṉoa, do eki na kai ṉata sulia: ma nia kai fatai nia si do eki isamulua na toto kai fula.

Luke 21:15

Uria nau kwai falea ta fokee imole bia liotooa ifamulua, na maalimae kamulua ki sui boo toto keki dora ana luu lana ma suusi lana.

Hibaru ki 13:7

Muki onotoona toa eki na kera tatatha inaomulua, na kera ṉata sulia bae lana tha God isamulua; ma muki lio uria fitooa kera muki ade ’uria, uria na muki manatatoona gwauna abula lada.

Hibaru ki 12:3

Mania muki onotoona Wane ne susuu ana oli susuu la baita eri na toa ana abula taa la kera firu ania bi nia, fasi e ai musi feda, i la ruruumulua si mamaketho.

Hibaru ki 7:4

Ma muki onotoona baita lana wane eri, na tha Aberahamo, maka kulu nai nao, e falea taṉafula ifana ana si do ne lagudaki faisia maalimae nia ki.

Hibaru ki 3:1

Mania, doora abu ke ra, na amulua si aili la ita mai i thalo, muki lio uria Aposela ma Aofia ni Foa na kulu faamamanea, tha Christ Jesus neri;

Filifae 4:8

Si do iisi, doora kera, si do ki sui bana ne mamana, si do ki sui bana ne teiṉei, si do ki sui bana ne kokoto, si do ki sui bana ne thathaulia, si do ki sui bana ne lea, si do ki sui bana ana ṉata lea la; mada sa ta si do ne oolo e to bana, mado ta si do na kera taṉoa, muki manatatoona si do eki.

I. Korinitha 12:8

Uria ana tee nonii wane kera falea atha Spirit si ṉata ana liotooa; ma ata wane lau si ṉata ana thaitoomana la, ana tee Spirit eri boo:

Si do Aposela ki kera ilidaki 7:10

Me faamaruki nia faisia taa la eki sui bana ne toto ania, ma ka falea si do kera ala fafia ifana ma liotooa inaofatha Fero ne kiṉa i Ijifita; ma wane eri e alu nia kai inoto fafia Ijifita ma toaa nia sui boo.

Fa Ṉu Abu ki 119:125

Wane ni ra oe na ni nau, falea mai si lio ni thaitoomana lana maalutana si do ki; fasi kwai thaitoomana faamamane la oe ki.

Fa Ṉu Abu ki 119:144

Faamamane la oe ki ka kokoto ka toto bana: oko falea mai si lio ni thaitoomana la maalutana si do ki, kwai bii maruki.

Fa Ṉu Abu ki 119:73

Ana ro aba oe ki o thauwai nau mo ladoa seeku: falea mai liotooa fasi kwai thaitoomana maalutana si ṉataa oe ki.

Fa Ṉu Abu ki 64:9

Ma toa na fanua keki mau, ma keki faaroṉo lalaa asi ra tha God; ana lioda na kai too keki onotoona abula lana.

Jemesi 3:15

Liotooa eri do ne sifo mai ia e ai, do fanua nei iano ni bana, do seena imole, do mala spirit taa ki.

Luke 9:44

Muki alua si ṉata eki i aliṉamulua: uria na Kaluwane imole toto keki falea i abana imole ki.

II. Timothi 2:6

Wane ni ra ana oolee do, nia na kai ani totonao ana foee do eki.

II. Timothi 2:8

Oki manatatoona tha Jesus Christ, Wane ana kwalafa tha Defeta na kera tataea faisia toa mae ki, sulia si faaroṉoa lea nau: