II. Timothi 2:25 - Ṉa Alaofua Falu 1923 1949

²⁵ Kai abula marabibi si maṉa na kai faakokotoa toa na kera maalimae ani nia; fasi mado e ai tha God kai falea manata akele la ifada uria thaitoomana lana mamana la eri,

II. Timothi 2:25 Referans Kwoze

Galesia 6:1

Doora kera, mada sa kera fulatoona mena ta wane ana abula garo la, kamulua na toa tha Spirit ki, muki oli fafia wane una eri ana si lio ana abula marabibi la; si maṉa noki lio uri oe i talaamu, ada keka bae aliṉamu lau boo.

Si do Aposela ki kera ilidaki 11:18

Ma si maṉa na kera roṉoa si do eki, keka bona bada, sui kera taṉoa tha God, keka una eri, O ma Jenetaele ki lau boo tha God e falea manata akele la ifada uria marukia.

I. Timothi 2:4

Sulia nia thathamia sa imole ni sui keki maruki, ma keki fulatoona thaitoomana lana mamana la eri.

I. Pita 3:15

Muki faaabua tha Lord God i ruruumulua: ma muki fifarao ṉado uria luu lana atona bana ta wane na kai soetoomulua uria maalutana manatatoo ṉado la na ni ani kamulua, sui muki luua ana abula marabibi la ma ana mau la:

I. Jone 5:16

Mada sa ta wane rikia doorana kai abula taa ana abula taa la na kesi maelia, wane eri kai gani, ma tha God kai falea marukia iana ifana toa na kesi abula taa ana abula taa la na keki maelia. Abula taa la na keki maelia ka to bana: sulia si do eri e ai na nau ku sorea nia kai gani.

Si do Aposela ki kera ilidaki 8:22

Mania oki akeletania manatamu faisia taa la oe neri, ma oki foa atha God, fasi mado e ai si do no manataia i ruruumu keka manata lubea.

II. Timothi 3:7

Na kera tooa ṉado si do ki isada, sui kesi talaana thaitoomana lana mamana la eri.

Mathui 11:29

Kwaua ioke nau, alua fafi kamulua, ma muka ili uria si do kwai tooa; uria nau ku abula marabibi ma ku kelawanea i ruruuku: ma muki fulatoona mamaloa uria maṉomulua.

Jemesi 1:17

Si do lea ki sui bana na keka tona falea, ma si do ki sui bana na keka falea ne sukwai ka tatha, ka too mai ia, ma ka sifo mai ana ṉa Maka ana laafa ki, ne ai dodoloa si tatala, me ai ta nunui do si thu fafi nia uria bulasi lana.

Taetasi 1:1

Polo, wane ni ra tha God, ma aposela tha Jesus Christ, sulaania si do eki na toa na tha God e filida kera fitoona, ma thaitoomana lana mamana la eri asi lio ni fare baita la atha God,

Si do Aposela ki kera ilidaki 20:21

Ku faamamanea isana Ju ki ma toa i Girisi lau boo si do nau ku thaitoomana sulia manata akele la uria tha God, ma fitooa uria Lord kulu tha Jesus Christ.

Si do Aposela ki kera ilidaki 5:31

Ni nia tha God e faabaita ana aba aola nia, Wane Inoto ma Wane ni Kwaifaamaruki, fasi kai falea manata akele la ana Isirela, ma manata lube la ana abula taa la ki.

Si do Aposela ki kera ilidaki 2:38

Ma tha Pita e soree isada, Muki akeletania manatamulua, ma keki babataesi kamulua, ta wane iamulua si ei, ana thatana tha Jesus Christ uria doanita la ana abula taa la kamulua ki; ma muki bii ṉalia si do na kera tona falea na tha Spirit Abu.

Jone 5:34

Ma faamamane la na kera faamamanea suli nau si do ana imole e ai: una ena mena nau ku sorea si do nei ki fasi muki maruki.

Mako 1:15

Ka una eri, Si maṉa ba ka mamana naa, ma tooa tha God e ni karaṉi naa: muki akeletania manatamulua, ma muki fitoona si faaroṉoa lea eri.

Taetasi 3:2

Kesi ṉaṉata taa seena ta wane, kesi thathathamii oli susuu, keki abula thathaore, keki abula marabibi uria wane ki sui boo.

I. Timothi 6:11

Ma ni oe, no wane tha God, oko thaka faisia do eki; ma oko tari buriana kokoto la, si lio ni fare baita la atha God, fitooa, liothau la, si lio ni susuu la, abula marabibi la.

Si do Aposela ki kera ilidaki 5:21

Ma si maṉa na kera roṉoa, keka kotho i la biu eri si maṉa fanua e thafalii dani, keka kwaifamanatai. Sui aofia ni foa e lae mai, bia toa na kera to isana, ka ailia mai ofu la eri, ma figu la eri sui bana ana wane inoto kwalafa tha Isirela ki, ka kwaiarasi uri lokafu sa keka toleda mai.

Mathui 21:32

Uria tha Jone e fula isamulua ana tala ni kokoto la, me ai musi faamamanea: wane eki na kera ṉalia takisi ki bia sesele eki kera faamamanea: ma ni kamulua, si maṉa na mulu rikia, iburiana mena musi akeletania manatamulua, fasi mado e ai muki faamamanea.