II. Timothi 2:22 - Ṉa Alaofua Falu 1923 1949

²² Oko thaka lau boo faisia si thathami la taa toa bii baita ki, ma oki tari buriana kokoto la, fitooa, liothau la, enenoa, bia toa na keka ’ai ana thatana ṉa Lord ana ruruuda ne thathaulia.

II. Timothi 2:22 Referans Kwoze

I. Pita 2:11

Toa liliothaua nau ki, ku ṉata kwaitakoi, ku soree isamulua mala toa na muka makafa to bamulua ma toa kwaita ki, muki to faisia si thathami la taa ki seena imole, na ka firu bia maṉoka;

I. Pita 3:11

Ma kia akele faisia si do taa, kai ilia si do ne lea; Kai rofe uria enenoa, ma kai tari buriana.

I. Korinitha 6:18

Muki thaka faisia oe la. Abula taa la ki sui boo na wane kai abula taa ania ka to mai i thara faisia seena; ma nia na kai oe kai abula taa iana seena i talaana.

I. Timothi 6:11

Ma ni oe, no wane tha God, oko thaka faisia do eki; ma oko tari buriana kokoto la, si lio ni fare baita la atha God, fitooa, liothau la, si lio ni susuu la, abula marabibi la.

Fa Ṉu Abu ki 119:9

Nifana ade lana fasi wane bii baita kai taua lae lana kai faalu? ana beta lea la sulia lae la eri sulia bae lamu.

Hibaru ki 12:14

Muki rofe iburiana enenoa bia wane ki sui bana, ma si lio ne abu, na mada sa si lio eri ka ai faisia, ta wane sa ka rikia ṉa Lord e ai:

I. Timothi 4:12

Osi alamatania ta wane si fare faekwa iamu uria no wane o bii baita; abula lamu kai dodoloa fasi toa na kera fitoo keki lio uria, ana ṉata lamu, ana abula lamu, ana liothau la, atha Spirit, ana fitoo lamu, ana manatamu kai thathaulia.

I. Korinitha 10:14

Mania, toa liliothaua nau ki, muki thaka faisia foa la ana god eeta ki.

I. Timothi 1:5

Ma gwauna si ṉata fifi eri na ṉa loithau la ne ita ana rurui imole ne thathaulia ma asi lio ne lea ma fitooa na kesi lole ania:

III. Jone 1:11

Wane liliothaua nau, osi adede ’uria si ade la no rikia ne taa, oki ade ’uria ade la no rikia ne lea. Wane na ka abula lea, do tha God nania: wane na ka abula taa e ai si rikia boo tha God.

I. Korinitha 1:10

Sui nau ku ṉata kwaitakoi isamulua, doora kera, ku soree isamulua ana thatana Lord kulu tha Jesus Christ, kamulua sui muki ṉata asi ṉata la ne totoo, musi to ana tafulu si lio; ma keki oolo kamulua muki to ofu ana tee si lio ma ana tee si manata la.

Roma 14:19

Mania kuki tari buriana si do ana enenoa ki, ma si do na kuki faasukwai kulu kwailiu ania.

I. Korinitha 14:1

Muki rofe buriana liothau la; una ena mena, muki thathamia faamau si do tha Spirit ki, ma muki thathamia ka tatha ṉata la mala porofeta.

I. Korinitha 1:2

Isana figua tha God nai Korinitha, toa na kera faaabu kamulua atha Christ Jesus, na kera aili kamulua muki toa abu, bia toa eki sui boo i fanua ni sui bana na kera ’ai thatana tha Jesus Christ, ne Lord kera ma Lord kulu lau boo:

Roma 14:17

Sulaania tooa tha God e ai si ni ana faṉa la ma kuu la, ana kokoto la ma enenoa ma seethathala la atha Spirit Abu.

Si do Aposela ki kera ilidaki 9:14

Ma i fanua nai wane inoto ni foa ki kera faasukwai nia fasi kai kania toa eki sui bana na kera ’ai ana thatamu.

I. Timothi 2:8

Mania ku thathamia wane ki keki foa ta kula si ei, keki tafoa abada ka dodoloa, rakeiria ma oli susuu la ki kei ei faisida.

I. Timothi 1:14

Ma lea la Lord kulu e oro ka tatha bia fitooa ma liothau la na ni atha Christ Jesus.

Fa Ṉu Abu ki 17:1

Oko roṉoa si do ne kokoto, Jihova ’ae, manatatoona fasi aṉi laku; oko fafuroṉoa foa la nau ne a’i si kotho i ṉidui imole ni lole la.

Si do Aposela ki kera ilidaki 7:59

Ma kera ufauna tha Sitifini, si maṉa ne ’ai thatana ṉa Lord, ma ka una eri, Lord Jesus, oki ṉalia spirit nau.