II. Timothi 2:15 - Ṉa Alaofua Falu 1923 1949

¹⁵ Oki aṉasi fasi oki fatai oe isatha God wane na nia kai ala fafi oe, wane ni ra na maamu si asia uria ra oe, noki ukali lea asi baea mamana eri.

II. Timothi 2:15 Referans Kwoze

I. Thesalonika 2:4

Ma talafana tha God e ala fafi kamilia fasi ka takofale kamilia asi faaroṉoa lea, alafana na mili ṉata; ’uria sa miki faalea imole ki e ai, tha God ne ilitoona ruruumilia.

II. Pita 1:10

Mania, doora kera, muki seemabe ka tatha fasi muki adea aili lamulua la eri ma fili lamulua la kai mamana: sulaania mada sa muki ilia si do eki, sa muka taofai kamulua ana ta si maṉa e ai:

I. Timothi 4:6

Mada so faaroṉoa doorakulua ki lau fasi keki onotoona si do eki, oki wane ni ra lea tha Jesus Christ, na kera thare oe asi baea ba ki asi do eki na kulu fitoona, ma ana kwaifamanataia lea eri no ade ṉado sulia:

II. Korinitha 10:18

Uria na sa keka ala fafia wane na kai tala ṉata suli nia i talaana e ai, wane na ṉa Lord kai ṉata sulia.

II. Korinitha 5:9

Mania miki aṉasi lau boo, fasi, si maṉa na miki to bamilia isana mado miki to mai i thara faisia, kai lea iana uri kamilia.

II. Korinitha 4:2

Mili ekwa ania si do thaufuni ki ana seenonia, e ai misi abula ni lole la, misi dola bae lana tha God bia do eeta; ana fatai lana si do ne mamana mili ilia na liona toa eri sui boo kai ala fafi kamilia inaofatha God.

II. Pita 3:14

Mania, toa liliothaua nau ki, uria na mulu maakwalia si do eki, muki seemabe fasi keki fulatoomulua ana enenoa, muki dodoloa ma maana si rikia ta si do taa ani kamulua.

Galesia 1:10

Sulaania wane ki neri na nau ku thathamia keki ala fafi nau, mado tha God? mado wane ki neri na nau ku thathamii faalea kera? mada sa ku faalea wane ki ka fula asi maṉa eri, nau wane ni ra tha Christ e ai.

II. Pita 1:15

Iu, nau kwai seemabe fasi, lalae ku lae nakua, muki thaitoomana onotoona lana si do eki ta si maṉa si ei.

Efesasi 1:13

Nia na ni kamulua lau boo, buriana na mulu roṉoa si baea ana mamana la eri, si faaroṉoa lea ana marukia kamulua, — nia na, si maṉa na mulu fitoona, kera faaṉado kamulua lau boo ani nia atha Spirit Abu ana alaṉaia eri,

I. Thesalonika 5:14

Ma miki soree isamulua, doora kera, muki faamanataia toa na kera abula kekeo, muki faainamarukia toa ruruude mau, muki rausualia toa na kera feda ki, muki doanita ka tau ana toa eki sui boo.

II. Korinitha 3:6

Ne faasukwai kamilia lau boo fasi mika toa ni ra ki ana alaofua falu; ana si do eri na kera keda e ai, atha Spirit: uria si do eri na kera keda kai thauwane, ma tha Spirit kai kwaifaamaruki.

Roma 14:18

Uria wane na kai ra ifatha Christ asi do eki kai faalea tha God, ma wane ki keki ala fafi nia.

Hibaru ki 4:11

Mania kuki aṉasi fasi kuki fulatoona mamaloa eri, fasi e ai ta wane si asi nia ’uria ade la eri ana fitala la.

Jemesi 1:18

Asi do nia tala thathamia e kwalafi kulu asi baea ana mamana la, fasi kuki ’uria foee do totonao ki asi do ne thauwanidaki.

I. Korinitha 2:6

Ma sui mili ṉata mala wane na lione too i maalutana toa na kera manata naa: sui ana liotooa i kada nei e ai, ma ana liotooa toa inoto ki i kada nei, na toto keki sui, ka ai lau boo:

Si do Aposela ki kera ilidaki 2:22

Kamulua wane Isirela ki, muki roṉoa si baea eri: Tha Jesus, Wane i Nasaretha, Wane na tha God e ala fafia inaofamulua asi ra baita ki ma do ni kwele la ania ki ma bala si do ki, na tha God e ilia ana abana i maalutamulua, ’uria si do na mulu tala thaitoomana;

Si do Aposela ki kera ilidaki 20:27

Sulaania e ai kwasi mau ana faaroṉo lamulua la sulia si do eki sui bana na tha God e manataia.

Mathui 13:52

Ma nia ka soree isada, Mania wane eri ana wane ni kekeda ki na kera tolea ana tooa i thalo e ’uria ta wane gwauwai ana biu, ne ṉalia mai si do falu ki bia do u ki naa ana ogogonia nia.

Roma 16:10

Muki ṉata una eri isatha Apelesi, wane na kera ala fafi nia atha Christ. Muki ṉata isana toa nai maafera tha Aritobiulasi.

Luke 12:42

Ma ṉa Lord ka sorea, Mania nifenia wane eri na kera takofalea asi do ki, ne mamana ma liona ka too, na wane inoto nia kai alu nia kai gwauwai ana toa na biu nia, fasi kai falea moriṉa kera asi maṉa ni fale lana?

Mako 4:33

Ma tarifula oro una eri ki nia ka tarifula ania isada sulia si baea eri, asi ṉata la na keka roṉoa maalutana:

Roma 6:13

Bia musi falea si do na ana seemulua ki ifana abula taa la ana do ni ra la ki asi lio ne ai si kokoto; muki fale kamulua ifatha God, ’uria toa na muka maruki faisia toa mae ki, ma si do na ana seemulua ki na do ni ra la ki ana kokoto la ifatha God.

Jemesi 1:12

Lea iana, wane na kai susuu ana ilitooa: uria na lalae kera thaitoomana naa kokoto lana, nia kai bii ṉalia do ni eregwau la ana marukia, na ṉa Lord e alaṉai nia ana toa na keka liothau ani nia.