II. Timothi 2:12 - Ṉa Alaofua Falu 1923 1949

¹² Mada sa kuka susuu, toto kuki inoto lau boo bi nia: mada sa kuka sorea kulu dora bakulua iana, nia toto kai sorea e dora lau bana iakulua:

II. Timothi 2:12 Referans Kwoze

Roma 8:17

Ma mada sa kulu wela nia ki, kuki ṉalia lau boo ta si asi do nia ki; kuki ṉalia ta si asi do tha God ki, ma kuki ṉalia ofu bia tha Christ; mada sa kuki to ana taa la ofu bi nia, fasi keki faainoto kulu ofu lau boo bi nia.

Mathui 10:33

Ma ni tei bana na kai sorea e dora ani nau inaofana imole, ni nau lau boo toto kwai sorea ku dora ani nia inaofana Maka nau ne ni mei thalo.

Si do na kera fatai nia 20:4

Ma nau ku rikia do ni ono la ana inotoa ki, ma kera ono ania, ma kera alua toa eki kiku wane ni kotu ki: ma nau ku rikia anona toa eki na kera sigilia gwaudalua uria si do na kilu faamamanea sulia tha Jesus, ma uria bae lana tha God, ma toa eki ne ai kesi faabaita do maruki eri ne kwasi, mado nuna, ma kesi alamatanida keki gera si do nia eri i maa darada ma i abada; ma kiku maruki lau, kiku inoto ka tatha bia tha Christ sulia tee tooni fa ṉali.

Si do na kera fatai nia 20:6

Lea iana, ma nia kai abu, wane na kai fulatoona si do nia ki ana tatae la totonao eri: toa na ruana fa maea ba e ai si sukwai fafida; keki toa ni foa ki ifatha God ma ifatha Christ, ma keki inoto ka tatha bi nia sulia tee tooni fa ṉali.

Luke 12:9

Ma wane na kai sorea e dora ani nau inaofana imole, toto keki sorea kera dora ani nia inaofana angel tha God ki.

Si do na kera fatai nia 5:10

Mo aluda keka toa ana tooa tha God ma toa ni foa ki; ma keki inoto ana tatha la inaona toa na fanua nei iano.

Luke 9:26

Uria ni tei bana na kai seenoni suli nau ma sulia bae laku, Kaluwane imole kai seenoni lau boo suli nia, si maṉa na nia kai lae mai ana inotoa nia i talaana, ma inotoa ṉa Maka, ma angel abu ki.

Si do na kera fatai nia 2:13

Nau ku thaitoomana si ra oe ki, ma si kula no to mai iei, fuila do ni ono la tha Satan ana inotoa nia neri: mo rau ṉado ana thataku, ma osi sorea o dora bamua asi do eki no fitoona suli nau, asi maṉa ba mena na tha Adipasi e to u, wane nau ana faamamane lana si do ne thaitoomana suli nau, ma wane fitoo nau, na kera thauṉia i maalutamulua, asi kula na tha Satan ka to mai iei.

Si do na kera fatai nia 1:9

Nau tha Jone, dooramulua ma wane ku ṉalia lau boo ta si ana to la eri ana taa la bi kamulua ma tooa eri ma si lio ni susuu la na ni atha Jesus Christ, nau ku to ana auua na kera alaṉia ani Patamosi, uria bae lana tha God ma si do na tha Jesus Christ e faamamanea.

Jude 1:4

Sulaania tei wane kera maladala mai, toa na kera kekeda sulida dini u mai inao na keki kwaeda boo fafia si do eri, wane na kera fare faekwa atha God, na kera bulasi garo ana lea la tha God ana daidei la, ma kera sorea kera dora bada atha Lord God na tee nia boo, ma tha Jesus Christ na Lord kulu.

Filifae 1:28

Ma maalimae ki e ai dodoloa keki faamau kamulua: si do na kai fatai nia si kula eri isada na kera faaaana maṉoda, ma do ita mai atha God, na kai fatai nia marukia kamulua;

Mako 8:38

Mania ni tei bana na kai seenoni suli nau ma kai seenoni sulia bae laku maalutana unii wane nei na kera oe ma kera abula taa, Kaluwane imole kai seenoni lau boo suli nia, si maṉa na nia kai lae mai ana inotoa Maka nia bia angel abu ki.

Mathui 26:35

Tha Pita ka soree isana, So mae la ni mena kera to’oa kwai mae bi oe, nau sa kwa sorea kwa dora iamu e ai. Toa ne toleda sui kera ṉata una eri lau boo.

Si do na kera fatai nia 3:8

Nau ku thaitoomana si ra oe ki: rikia fasi, nau ku alua tee maa inaofamu na kera ifinia, ne ai ta wane si talaana fono lana, uria na kasi sukwaia faekwa ni isamu, mo roo sulia bae laku, me ai osi sorea o dora bamua ana thataku.

Si do Aposela ki kera ilidaki 14:22

Keko faaṉadoa ruruuna toa na tha Jesus e toleda, keko soree isada keki to ṉado asi do eki na kulu fitoona, keko faaroṉoda na kuki to e ai si ei boo ana taa la oro ki fasi kuki kotho ana tooa tha God.

Mako 10:33

Ka una eri, Rikia fasi, kuki tae uri Jerusalema; ma Kaluwane imole keki falea ifana wane inoto ni foa ki ma wane ni kekeda ki; ma keki sorea nia kai mae, ma keka fale nia ifana Jenetaele ki:

Mathui 26:75

Ma tha Pita ka onotoona bae lana tha Jesus ne soree isana na ba, Maṉa kukua e ai si ’ei u, ni oe ulu fa sore lana oki sorea o dora bamu iaku. Ma nia kotho i maa, ka aṉiṉi ka tatai.

Si do na kera fatai nia 1:6

Me alu kulu kuki toa ana tooa nia, kuki wane ni foa ki ifatha God na Maka nia; keki fare inoto ani nia ma keki taṉoa tooa nia toto si sui. Emeni.

Luke 22:29

Ma nau ku talua ta tooa ifamulua, ’uria lau boo na Maka nau e talua ifaku,

Luke 22:30

Fasi muki faṉa ma muki kuu isana tatafe nau ana tooa nau; ma muki ono ana do ni ono la ki ana inotoa, muki wane ni kotu ki ifana tafulu kulee toa ma ro kulee toa Isirela.

Roma 5:17

Sulaania mada sa, ana ade garo lana tee wane boo, ṉa maea e inoto uria tee nonii wane eri; e kwaiakaori ka tatha na toa eki na keki ṉali baita ana lea la ma kokoto la eri na kera tona falea, keki inoto ana marukia uria tee wane boo, tha Jesus Christ.

I. Timothi 5:8

Ma mada sa ta wane e ai si beta sulia toa nia ki, ma toa ana maafera nia u boo, wane eri e sorea e dora bana asi do eki na kulu fitoona, ma ka taa ka tatha ana wane ne fitala bana.

Si do na kera fatai nia 3:10

Uria no ade sulia bae laku asi lio ni susuu la nau, ni nau kwai beta oe lau boo faisia si kadee maṉa ana ilitooa, na toto kai fula fafia fanua nei iano ni sui bana, fasi kai ilitoona toa nai fanua nei iano.

Si do na kera fatai nia 3:21

Wane na si nia kai tatha, nau kwai falea si kula eri ifana kai ono bi nau ana do ni ono la nau ana inotoa, ’uria lau boo si nau e tatha, ma ni nau ku ono bia Maka nau ana do ni ono la nia ana inotoa.