II. Timothi 1:8 - Ṉa Alaofua Falu 1923 1949

⁸ Mania osi seenoni asi do na kera faamamanea sulia ṉa Lord kulu, mado ani nau, wane nia na kera suusi nau i la lokafu: ni oe lau boo oki to ana taa la ifana si faaroṉoa lea ana sukwaia tha God;

II. Timothi 1:8 Referans Kwoze

Roma 1:16

Sulaania e ai kwasi seenoni asi faaroṉoa lea tha Christ: uria sukwaia tha God ana marukia neri fani tei na kai fitoo; ṉa Ju totonao, ma ṉa wane i Girisi ni lau boo.

Mako 8:38

Mania ni tei bana na kai seenoni suli nau ma kai seenoni sulia bae laku maalutana unii wane nei na kera oe ma kera abula taa, Kaluwane imole kai seenoni lau boo suli nia, si maṉa na nia kai lae mai ana inotoa Maka nia bia angel abu ki.

II. Timothi 4:5

Ma ni oe oki inoto ana seemu asi do ki sui, oki susuu i la taa la, oki ra ana ra wane ni ṉata la sulia si faaroṉoa lea, oki ili teefau ana ra oe.

Si do na kera fatai nia 12:11

Ma si kera e tatha iana uria abuna ṉa Lama, ma uria si baea ana faamamane la kera; ma kesi liothau ana maṉoda i talaada ka fula ana maea ni mena.

II. Timothi 2:9

Si do eri na nau ku to ana taa la uria ka fula ana kani la, ’uria ta wane ne abula taa; sui bae lana tha God kesi kani fafia.

II. Timothi 1:12

Ma sulia si do eri lau boo ku to ana taa la eki: sui e ai kwasi seenoni; uria nau ku thaitoomana ni nia na nau ku fitoona sui, ma nau ku thaitoomana boo na nia e sukwai fasi kai beta si do nau ku takofale nia ania maakwalia fa boṉi eri.

Efesasi 3:1

Uria si kula eri ni nau tha Polo, wane tha Jesus Christ na kera suusi nau i la lokafu uri kamulua Jenetaele ki, —

Filifae 3:10

Fasi kwa thaitoomana ni nia, ma ṉa sukwaia tatae lana, ma kwa to bi nia ana taa la nia ki, ma kwa mae ana mae la nia;

Luke 9:26

Uria ni tei bana na kai seenoni suli nau ma sulia bae laku, Kaluwane imole kai seenoni lau boo suli nia, si maṉa na nia kai lae mai ana inotoa nia i talaana, ma inotoa ṉa Maka, ma angel abu ki.

II. Timothi 1:16

Ku thathamia ṉa Lord kai tatakomia toa ni maafera tha Onesiforasi: uria si maṉa oro nia adomi nau kwa to lea lau, me ai si seenoni ana nailii thalo nau;

Efesasi 4:1

Mania ni nau, wane ana ṉa Lord na kera suusi nau i la lokafu, ku ṉata kwaitakoi ku soree isamulua muki abula ana abula la ne farana aili la eri na kera aili kamulua mania,

Si do na kera fatai nia 1:9

Nau tha Jone, dooramulua ma wane ku ṉalia lau boo ta si ana to la eri ana taa la bi kamulua ma tooa eri ma si lio ni susuu la na ni atha Jesus Christ, nau ku to ana auua na kera alaṉia ani Patamosi, uria bae lana tha God ma si do na tha Jesus Christ e faamamanea.

Jude 1:24

Ma sui nia ne sukwai fasi kai rau iamulua faisia taofai lamulua la, ma kai faatakwe kamulua muki dodoloa inaofana inotoa nia ana fula lana mai, ana seethathala la ne baita ka tatha,

I. Pita 1:5

Toa na sukwaia tha God ka fono toi kakali kamulua sulia fitooa uria marukia na ka thathai fasi keki fatai nia asi maṉa iisi eri.

II. Timothi 2:3

Mania oki to ana taa la bi nau, mala wane ana firua lea tha Christ Jesus.

I. Thesalonika 3:4

Uria ne mamana, na si maṉa ba mili toto bi kamulua, mili faaroṉo kamulua totonao na kera alu kulu kuka to ana taa la; si do ne mamana naa neri, ma mulu thaitoomana mamana lana.

Filifae 1:7

Ma si do kokoto neri na manataku kai una eri uri kamulua sui, uria na mulu to ana ruruuku, sulaania, ana kani la na kera kani nau ania, ma ana luu lana si do na kera alaṉia si faaroṉoa lea ania, ma ana faaṉado lana, kamulua sui boo mulu ṉalia lau boo ta si ana lea la na ni nau ku ṉalia.

Efesasi 3:13

Mania nau ku soree isamulua musi fefeda sulia taa la eki na nau ku to ania uri kamulua, do na kai faabaita kamulua neri,

Roma 16:25

Sui nia ne sukwai ana faaṉado lamulua la sulia si faaroṉoa lea nau ma ṉata la eri sulia tha Jesus Christ, sulia si do eri na kera fatai nia ne toto thaufuni ita mai asi maṉa u asia mai inao ne ai si sui,

I. Jone 4:14

Ma kulu rikia naa ma kuka faamamanea si do kulu thaitoomana na ṉa Maka e arasia mai ṉa Kaluwane na Wane ana faamaruki lana fanua nei iano.

II. Timothi 4:17

Ma sui ṉa Lord e takwe isaku, ma ka faasukwai nau; fasi suli nau si ṉata eri keki faaroṉo teefau ania, ma fasi Jenetaele ki sui boo keki roṉoi: ma kera lau nau faisia fokona laeona.

Filifae 4:13

Ku talaana ili lana si do ki sui bana atha Christ na ka faasukwai nau mai.

Roma 9:33

’Uria si do na kera keda, Rikia fasi, kwai alua i Saeno fau ana faataofai lana imole ma gwa kale ni lakwadora la ania: Ma wane na kai fitoona, sa keka faaseenoni iana e ai.

Si do Aposela ki kera ilidaki 5:41

Mania kera lae faisia ofu la eri ana seethathala la, uria na manatana tha God e thaitoomana na kera farana to la ana fare faekwa la uria Thatana.

Si do na kera fatai nia 19:10

Ma nau ku aru isana aaena sa kwai faabaita nia. Ma nia ka soree isaku, Ada oko ilia: nau ku ra ifatha God ’uri oe lau boo ma dooramu kera na kera rau asi do na kera faamamanea sulia tha Jesus: oki faabaita tha God: uria na ṉa faamamane la sulia tha Jesus na ṉa Spirit ne ni ana porofeta ba ki.

Si do na kera fatai nia 1:2

Ne faamamanea si do ne thaitoomana sulia baelana tha God, ma sulia si do na tha Jesus Christ e faamamanea, si do eki sui bana ne rikia.

I. Korinitha 1:6

’Uria lau boo kera faaṉadoa ani kamulua si do na kera faamamanea sulia tha Christ:

Jone 19:35

Ma wane eri ne rikia e faamamanea si do ne thaitoomana, ma si do nia faamamanea e mamana: ma nia thaitoomana ne ṉata mamana, fasi ni kamulua muki fitoo.

Fa Ṉu Abu ki 119:46

Kwai uunu lau boo sulia faamamane la oe ki inaofana kina ki; maaku ka a’i si asia.

Kolose 1:24

Nau na ku seethathala i maalutana taa la eki na nau ku to ania uri kamulua, ma kwai faafuṉua ana seeku si do ne ai si fuṉu u ana taa la eki na tha Christ e to ania uria seena, na ṉa figua;

Efesasi 4:17

Mania si do eri ku sorea, ma ku faamamanea si do nau ku thaitoomana sulia ana ṉa Lord, Musi abubula lau ’uria abula lana Jenetaele ki, sulia manatada ne fakoka,

II. Korinitha 6:7

Asi baea ana mamana la, ana sukwaia tha God; ana rauma kokoto la ana aba aola ma ana aba mauli,

Roma 8:36

’Uria si do na kera keda, Uri oe kera thauṉi kamilia ta si kadee maṉa si ei; Manatada na kamilia aini sifi uria thauṉi lamilia la.

Jone 15:27

Ma ni kamulua lau boo muki faamamanea si do na muka thaitoomana, uria na mulu to bi nau ka too mai ana thafali la.

Fa Ṉu Abu ki 19:7

Ṉa lo tha Jihova e lea teefau, ka alu lea lau bana ana maṉona imole: faamamane la tha Jihova ki e mamana ka toto bana, ka adea liona wane ne a’i si manatatoona taa la ka too.

I. Timothi 2:6

Ne fale nia ana tae la faisia toa ni sui; si do na toa na kera thaitoomana keki ṉata sulia asi maṉa nia bonaa;

Kolose 1:11

Keki faasukwai kamulua ana sukwaia faamau, sulia rigita la inoto nia, uria si lio ni susuu ṉado la ma uria si lio ni doanita tatha la bia seethathala la;

II. Timothi 1:10

Sui kera fatai nia si maṉa eri ana maṉo lana mai Wane ne faamaruki kulu na tha Jesus Christ, ne faaaia ṉa maea, me fatai lalaa ana ṉa marukia bia si do na toto si fufuraa asi faaroṉoa lea eri,

II. Timothi 2:8

Oki manatatoona tha Jesus Christ, Wane ana kwalafa tha Defeta na kera tataea faisia toa mae ki, sulia si faaroṉoa lea nau: