II. Timothi 1:12 - Ṉa Alaofua Falu 1923 1949

¹² Ma sulia si do eri lau boo ku to ana taa la eki: sui e ai kwasi seenoni; uria nau ku thaitoomana ni nia na nau ku fitoona sui, ma nau ku thaitoomana boo na nia e sukwai fasi kai beta si do nau ku takofale nia ania maakwalia fa boṉi eri.

II. Timothi 1:12 Referans Kwoze

II. Timothi 1:8

Mania osi seenoni asi do na kera faamamanea sulia ṉa Lord kulu, mado ani nau, wane nia na kera suusi nau i la lokafu: ni oe lau boo oki to ana taa la ifana si faaroṉoa lea ana sukwaia tha God;

Jude 1:24

Ma sui nia ne sukwai fasi kai rau iamulua faisia taofai lamulua la, ma kai faatakwe kamulua muki dodoloa inaofana inotoa nia ana fula lana mai, ana seethathala la ne baita ka tatha,

I. Pita 4:19

Mania toa eki na kera to ana taa la sulia si do na tha God e thathamia, keki takofalea maṉoda ana abula lea la ani nia ne thauwai kera ma ka mamana.

II. Timothi 4:8

Ita asi maṉa eri ka lae alaa, kera alua naa do ni eregwau la ana kokoto la maakwali nau, na ṉa Lord, na Wane ni Kotu kokoto, kai falea ifaku afa boṉi eri: ma talifili nau e ai, kai falea lau boo ifana toa eki sui boo na kera liothau ana maṉo lana mai.

Hibaru ki 7:25

Mania e sukwai lau boo kai faamaruki teefau ana toa na keka idu karaṉia tha God ani nia, uria ne maruki ṉado bana fasi kai lae isana urida.

I. Timothi 6:20

Timothi ae, oko fono toi kakalia si do na keka takofale oe ania, oki keto faisia ṉata la ne fakoka ne eeta faisia tha God bia kwaisuusi la ana ṉa manata lea la na kera alaṉi garo ania;

Roma 1:16

Sulaania e ai kwasi seenoni asi faaroṉoa lea tha Christ: uria sukwaia tha God ana marukia neri fani tei na kai fitoo; ṉa Ju totonao, ma ṉa wane i Girisi ni lau boo.

Mathui 24:36

Ma fa boṉi eri ma kadee maṉa eri e ai ta wane si thaitoomana, angel ki i thalo mena ka ai, bia Kaluwane eri mena ka ai lau boo, talitoona boo ṉa Maka e thaitoomana.

I. Pita 1:5

Toa na sukwaia tha God ka fono toi kakali kamulua sulia fitooa uria marukia na ka thathai fasi keki fatai nia asi maṉa iisi eri.

Fa Ṉu Abu ki 25:2

God nau ae, nau ku takofale nau iamu, ada maaku ka asia; ada maalimae nau ki keka seethathala ana sii tatha la fafi nau.

II. Timothi 1:18

(Ku thathamia ṉa Lord kai falea si kula eri ifana na nia kai rofetoona tatakomia ṉa Lord afa boni eri); ma fita si do nia e ra ania ifaku i Efesasi, o thaitoomana lea.

Filifae 3:21

Na kai taala seedo eri ana thafee to faekwa lakulua, kai lioe seedo ana inotoa nia, sulia sukwaia na nia sukwai ania ma kai talaana alu lana si do ki sui bana kai roo suli nia.

Fa Ṉu Abu ki 9:10

Ma toa eki na kera thaitoomana thatamu keki takofale kera iamu; uria na ni oe, tha Jihova, osi akwasi kera ta si maṉa, toa eki na kera rofe buriamu.

II. Timothi 2:9

Si do eri na nau ku to ana taa la uria ka fula ana kani la, ’uria ta wane ne abula taa; sui bae lana tha God kesi kani fafia.

Filifae 3:10

Fasi kwa thaitoomana ni nia, ma ṉa sukwaia tatae lana, ma kwa to bi nia ana taa la nia ki, ma kwa mae ana mae la nia;

Filifae 3:8

Iu, me mamana manataku e sorea na si do ki sui bana e ilia na ku toto ana rofe la sulaania thaitoomana lana tha Christ Jesus na Lord nau e lelea ka tatha: Wane na ku faaaana si do ki sui bana inunufana, ma ku manatatoona na ka ’uria si do na kera naṉa ania i la taerau, fasi kwai toda tha Christ,

I. Korinitha 3:13

Kamulua sui, ta wane si ei boo, keki fatai nia si ra kamulua: uria na fa boṉi eri kai fatai nia, sulaania keki fatai nia fa boṉi eri ana era; ma era eri i talaana kai ilitoona ra ta wane sa ka lea mado e ai.

Jone 17:15

Nau e ai kwasi gani oe oki ṉalida faisia fanua nei iano, ku gani oe oki beta sulida faisi nia ne taa.

Mathui 12:21

Ma Jenetaele ki toto keki manatatoo ṉado uria si do ne lea ana thatana.

Fa Ṉu Abu ki 31:5

Ku takofalea spirit nau i abamu: o tae naa faisi nau, Jihova, God ana mamana la ae.

Roma 9:33

’Uria si do na kera keda, Rikia fasi, kwai alua i Saeno fau ana faataofai lana imole ma gwa kale ni lakwadora la ania: Ma wane na kai fitoona, sa keka faaseenoni iana e ai.

I. Pita 4:16

Ma mada sa ta wane kai to ana taa la uria nia Christian, seena si noni ania; kai faainotoa tha God ana thata eri.

Hibaru ki 12:2

Kuki lio uria tha Jesus na fitooa kulu ita mai ani nia, ma nia na kai faasukwai teefau ania, Wane ne susuu uria seethathala la eri na kera alua inaofana ana ’ai rarafolo, me fare faekwa asi do ni faaseenoni la eri, sui ka ono ibali aba aola ana do ni ono la ana inotoa tha God.

Hibaru ki 2:18

Uria na sulaania ni nia e toto ana taa la si maṉa na kera bae aliṉana, nia talaana adomi lana toa na kera bae aliṉada.

I. Thesalonika 2:16

Uria na kera lufi kamilia faisia ṉata la isana Jenetaele ki uria faamaruki lada; do ne adea na abula taa la kera ki ka baita alaa: ma rakeiria eri ne baita ka tatha e fula bonaa fafida.

Filifae 1:20

Sulia si do eri na nau ku maakwalia ṉado ma kwai manatatoo ṉado uria, na kesi faaseenoni nau ana ta si do, ana seeraa la faamau, talafana ṉado, alafana lau boo si maṉa eri keki faabaita tha Christ ana seeku, ana marukia nau, mado ana mae laku.

Si do Aposela ki kera ilidaki 21:13

Sui tha Polo e luu kamilia, Ta na muki ilia, na muki aṉi ma muki adea lioku kai dila faamau? sulaania nau ku fifarao talitoona fasi keki kani fafi nau e ai, fasi kwai mae lau boo i Jerusalema uria thatana tha Lord Jesus.

Si do Aposela ki kera ilidaki 13:50

Ma sui Ju ki kera faasurake ana kini inoto na kera faabaita tha God ki, ma wane inoto ki ana toaa susu eri, keka areda uria tona ilamatai lana tha Polo ma tha Banabasi, keka taridaroa i thara faisia oli lana fanua kera.

Si do Aposela ki kera ilidaki 13:46

Ma tha Polo bia tha Banabasi kero ṉata seeraa, keko sorea, Do kera ilia e ai si ei boo, keka faaroṉo kamulua totonao ana bae lana tha God. Ma sui uria na mulu usutania faisi kamulua, manatamulua na musi farana marukia tatha, lio fasi, meki akele uria Jenetaele ki.

Si do Aposela ki kera ilidaki 9:16

Uria ni nau kwai fatai nia do baita oro isana na kai thauṉi nia e ai si ei boo inunufana thataku.

Si do Aposela ki kera ilidaki 7:59

Ma kera ufauna tha Sitifini, si maṉa ne ’ai thatana ṉa Lord, ma ka una eri, Lord Jesus, oki ṉalia spirit nau.

Jone 6:44

E ai ta wane si sukwai fasi kai lae mai isaku, mada sa ṉa Maka ne arasi nau mai e ai si adea kai lae mai: ma nau kwai tataea wane eri afa boṉi iisi.

Luke 23:46

Ma si maṉa na tha Jesus e ’ai ana ’ai la baita, nia ka sorea, Maka ae, ku takofalea spirit nau i abamu: ma iburiana ne sorea si do eri, nia ka mae.

Fa Ṉu Abu ki 56:9

Afa boṉi eri na ni nau kwai ’ai kau, maalimae nau ki keki bii oli buri: tha God kai adomi nau; si do ku thaitoomana boo neri.

I. Thesalonika 5:4

Ma ni kamulua, doora kera, musi to i la rodo, fasi fa boṉi eri kai fulatoomulua ’uria wane na kai bili:

Luke 10:12

Nau ku soree isamulua, Si do taa na kai uria i Sodomo afa boṉi eri, kai faekwa asi do na kai uria toaa susu eri.

Mathui 7:22

Toto toa oro keki soree isaku afa boṉi eri, Lord, Lord, ta na sa ni kamilia mili ṉaṉata mala porofeta ana thatamu na ba, ma mili arasia spirit taa ki ana thatamu, bia mili ilia ra oro ana sukwaia ki ana thatamu, mado?

I. Korinitha 1:8

Na kai faaṉado kamulua lau boo ka fula ana susui la, muki dodoloa afa boṉi eri na Lord kulu tha Jesus Christ.

II. Timothi 1:14

Do lea ba na kera takofale oe ania oki beta atha Spirit Abu na ni ani kulu.

II. Timothi 1:16

Ku thathamia ṉa Lord kai tatakomia toa ni maafera tha Onesiforasi: uria si maṉa oro nia adomi nau kwa to lea lau, me ai si seenoni ana nailii thalo nau;

Taetasi 3:8

Si ṉata eri e mamana, ma nau ku thathamia oki ṉata seeraa sulia si do eki fasi toa na kera fitoona tha God keki beta suli kera fasi keki seemabe asi ra lea ki. Si do lea ki neri na kai adomia imole ki: