II. Timothi 1:10 - Ṉa Alaofua Falu 1923 1949

¹⁰ Sui kera fatai nia si maṉa eri ana maṉo lana mai Wane ne faamaruki kulu na tha Jesus Christ, ne faaaia ṉa maea, me fatai lalaa ana ṉa marukia bia si do na toto si fufuraa asi faaroṉoa lea eri,

II. Timothi 1:10 Referans Kwoze

I. Jone 1:2

(Uria na kera fatai nia ṉa marukia, ma mili rikia, ma mika faamamanea si do na mili thaitoomana sulia, ma mika faaroṉo kamulua ana ṉa marukia tatha, ne toto isana ṉa Maka, sui keka fatai nia isamilia);

Roma 16:26

Ma sui kera fatai nia si maṉa eri, ma sulia si ṉata fifi tha God ne to tatha, kera ’ai taloṉania isana kulee toa eki sui bana, ana kekeda la porofeta ba ki, uria ade la sulia ana fitooa;

II. Pita 3:18

Ma muki sukwai alaa ana lea la ma thaitoomana lana Lord kulu ne faamaruki kulu, tha Jesus Christ. Keki fare inoto ani nia si maṉa eri ma toto si sui. Emeni.

Taetasi 2:11

Uria na lea la tha God, ne ṉalia mai marukia, e maṉo mai ifana imole ki sui,

I. Korinitha 15:26

Maalimae iisi na nia toto kai faaaia na maea.

Roma 2:7

Ifana toa eki na kera rofe, asi lio ni susuu ṉado ana ili lana lea la, uria inotoa ma fare baita la ma si do na toto si fufura, kai falea marukia tatha:

II. Timothi 1:1

Polo, aposela tha Jesus Christ asi do na tha God e thathamia, ana alaṉaia eri na ṉa marukia na ni atha Christ Jesus,

Efesasi 1:9

Uria ne fatai nia si do ne toto thaufuni isakulua asi do nia thathamia, sulia si thathami la lea nia ne onotoona ani nia

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Si do na kera fatai nia 22:17

Ma tha Spirit ma ṉa kini seelea keko sorea, Oki lae mai. Ma wane na kai roṉoa, kai sorea, Oki lae mai. Ma wane na lione lalaṉa, kai lae mai: ma ni tei bana ne thathamia, kai tonee ṉalia si kafo ana marukia.

Si do na kera fatai nia 22:14

Lea iada, toa na kikui taua tooni kilua ki, fasi keki falea sukwaia ifadalua kikui ṉalia ’ai ana marukia, ma kikui kotho ana mae thaka eki uri la toaa susu.

Si do na kera fatai nia 18:1

Buriana si do eki nau ku rikia tee angel eeta lau ne sifo na mai faisia ṉa thalo, ana gwauwai la baita; ma laa lana inotoa nia ka laafia fanua nei iano.

Si do na kera fatai nia 2:7

Wane na ana aliṉa, kai roṉoa si do na tha Spirit kai soree isana figua ki. Wane na si nia kai tatha, kwai falea si kula eri ifana kai ania foana ’ai ana marukia, na ni maalutana fanua lea tha God.

II. Pita 3:2

Fasi muka onotoona si baea ba ki na porofeta abu eki kera ṉata sulia dini u mai inao, ma si ṉata fifi ṉa Lord na Wane ni Kwaifaamaruki ana aposela kamulua ki:

II. Pita 2:20

Uria na mada sa, ana thaitoomana lana tha Lord Jesus Christ na Wane ni Kwaifaamaruki, kera thaka naa faisia si do ana fanua nei iano ki na kai faataali kia, ma sui kera katu lau ania iburi ma do eki si nia ka tatha ani kera, to lada iburi kai taa ka tatha ana to lada totonao.

II. Pita 1:11

Uria asi kula eri keki ifinia maa ka baita uri kamulua muki kotho ana tooa na kai to tatha, tooa Lord kulu ne faamaruki kulu tha Jesus Christ.

II. Pita 1:3

Uria na sukwaia nia, na ṉa sukwaia tha God, e alamatania si do ki sui bana ifakulua ana marukia ma asi lio ni fare baita la atha God, ana thaitoomana lana ni nia ne aili kulu mai ana inotoa ma kokoto la;

Hibaru ki 10:32

Ma muki onotoona fa boni ba inao ki, si maṉa na, buriana mulu to naa i la lalaa la, mulu susuu na ba ana firu la baita bia taa la na mulu toto anidaki;

Taetasi 3:4

Ma sui si maṉa na ade lea lana tha God ne faamaruki kulu, ma liothau la nia uria imole ki, e fula mai,

Taetasi 2:13

Kuki maakwalia ṉado si do na kera taṉoa na kulu manatatoo ṉado uria na ṉa fatai lana inotoa God baita kulu ne faamaruki kulu, tha Jesus Christ neri;

II. Thesalonika 2:8

Maṉa na keki bii fatai nia wane eri na kai ilia si do kera lufia, wane na ṉa Lord kai thauṉia asi maṉo ana fokona, ma kai faaaia ana fatai lana ana fula lana mai;

Efesasi 1:18

Keki ifinia maana wane nai ruruumulua, fasi muki thaitoomana si do eri ne manatatoo ṉado uria si maṉa ne aili kulu mai, ma si do eki na nia kai rikii do ania uria faainoto lana la na nia kai fulatoona ana toa abu eki,

Galesia 5:4

Kera alu eeta ani kamulua faisia tha Christ, kamulua sui boo na mulu thathamia keki ala fafia kokoto la kamulua sulia ṉa lo; mulu asi kamulua faisia lea la eri.

II. Korinitha 5:4

Sulaania ni kamilia na mili to ana biui maku nei mili kwai baita, uria na do kulua e to fafi kamilia; uria na mili thathamii tanusia tooni kamilia e ai, uria na miki thathamia keki alua lau ta tooni fafi kamilia, fasi do eri na toto kai mae keka thuthumai nia ana marukia.

I. Korinitha 4:5

Mania musi ṉata mala wane ni kotu sulia atona bana ta si do, si maṉa ana ili lana e ai u; to si amulua maakwalia ṉa Lord kai fula, na kai fatai lalaa asi do thaufuni ki ana maerodo, ma kai fatai nia si manata la ne toto i rurui imole ki; ma asi maṉa eri tha God kai taṉo kulu, ta wane, sui ta wane.

Roma 6:6

Uria na kulu thaitoomana si do eri neri, wane totonao kulu kera fota fafia ofu bi nia, fasi keki faaaia seedo eri ana abula taa la, fasi ita asi maṉa eri kesi suuwai kulu kuki roo lau sulia abula taa la;

Roma 3:31

Sui kulu faaaia ṉa lo ana fitooa? Si do ka ai neri: e ai, kulu faaṉadoa ṉa lo.

Si do Aposela ki kera ilidaki 13:23

Ana kwalafana wane eri tha God, sulia alaṉaia ba, e talaia mai Wane ni Kwaifaamaruki isana Isirela, tha Jesus neri;

Si do Aposela ki kera ilidaki 5:31

Ni nia tha God e faabaita ana aba aola nia, Wane Inoto ma Wane ni Kwaifaamaruki, fasi kai falea manata akele la ana Isirela, ma manata lube la ana abula taa la ki.

Jone 20:31

Ma si do nei ki kera keda, fasi muki fitoona tha Jesus ṉa Christ, Kaluwane tha God; ma uria na mulu fitoo, muki maruki ana thatana.

Jone 5:40

Ma mulu lalakwee lae mai isaku, fasi muki maruki.

Jone 4:42

Ma keka soree isana kini eri, Si maṉa eri miki fitoona sui, sulaania bae lamu e ai: uria ni kamilia mili roṉoa bae lana i talaamilia, mika thaitoomana na nia Christ ba mamana boo, Wane na kai faamarukia toa na fanua nei iano.

Jone 1:9

Lalaa la mamana eri, ne laafia wane ki sui bana, kai lae mai uria fanua nei iano.

Luke 13:7

Ma nia ka soree isana wane ni ra ana oolee faene nia, Rikia fasi, ulu fa ṉali eki nau ku fula ku rofea foee do ana thakwari nei, ma kwasi rikia ta do: kasia; uria ta na kai faathaefera ṉa gano eri?

Luke 11:36

Mania mada sa seemu sui boo kai laa teefau, ta si kula si rorodoa, kai laa teefau bonaa ta si kula si ei, ’uria si maṉa na laeta kai laa isamu ana laa lana na ka faarora maana imole.

Luke 2:11

Uria amulua tee Wane ni Faamaruki la e futa ibare i la toaa susu tha Defeta, nia ṉa Christ na Lord.

I. Jone 4:14

Ma kulu rikia naa ma kuka faamamanea si do kulu thaitoomana na ṉa Maka e arasia mai ṉa Kaluwane na Wane ana faamaruki lana fanua nei iano.

II. Pita 1:1

Saimona Pita, wane ni ra tha Jesus Christ ma aposela nia, isana toa eki na kera fulatoona fitooa ne ’uria fitooa inoto kamilia eri na ni ana kokoto la God kulu ne faamaruki kulu, tha Jesus Christ:

Si do na kera fatai nia 20:14

Ma keka naṉa ana maea ma fanua‐toa‐mae‐ki asi kula eri ne ’uria gwa kafo baita me fuṉu ana era. Ruana fa maea neri.

II. Timothi 1:8

Mania osi seenoni asi do na kera faamamanea sulia ṉa Lord kulu, mado ani nau, wane nia na kera suusi nau i la lokafu: ni oe lau boo oki to ana taa la ifana si faaroṉoa lea ana sukwaia tha God;

II. Timothi 4:1

Mania nau ku faaroṉo oe inaofatha God, ma inaofatha Lord Jesus Christ, na Wane ni Kotu ana toa maruki ma toa mae ki, bia ana maṉo lana mai ma tooa nia;

II. Timothi 4:8

Ita asi maṉa eri ka lae alaa, kera alua naa do ni eregwau la ana kokoto la maakwali nau, na ṉa Lord, na Wane ni Kotu kokoto, kai falea ifaku afa boṉi eri: ma talifili nau e ai, kai falea lau boo ifana toa eki sui boo na kera liothau ana maṉo lana mai.