II. Jone 1:9 - Ṉa Alaofua Falu 1923 1949

⁹ Ni tei bana na ka lae tatha me ai si to ana kwaifamanatai la tha Christ, tha God ka ai faisi nia: wane na ka to ana kwaifamanatai la tha Christ, ana ṉa Maka bia ṉa Kaluwane lau boo.

II. Jone 1:9 Referans Kwoze

Kolose 3:16

Bae lana tha Christ kai to kai oro i la ruruumulua ana liotooa ni sui bana; muki kwaifamanatai ma muki faamanatai kamulua ana ṉu ki, ana ṉu ana taṉo la ki ma ṉu tha Spirit ki, muki ṉu ana lea la i la ruruumulua ifana ṉa Lord.

I. Jone 1:3

Si do eri boo na mili rikia ma mili roṉoa mika faaroṉo kamulua ania, fasi ni kamulua lau boo muki to ni kwaimani lea la bi kamilia: iu, ma kwaimani lea la kamilia eri do bia ṉa Maka, ma bia Kaluwane nia na tha Jesus Christ:

Si do Aposela ki kera ilidaki 2:42

Ma kera seemabe ṉado uria roṉo lana kwaifamanatai lana aposela ki ma ana kwaimani lea la bida, ana ni lana berede eri ma ana foa la eki.

Taetasi 2:10

Kesi abula dodora, ma keki fatai nia ṉado mamana lada ne lea; fasi keki ilia na keka taṉoa kwaifamanataia tha God ne faamaruki kulu asi do ki sui bana.

Jone 15:6

Mada sa ta wane e ai si to ṉado ani nau, kera naṉa ani nia ’uria ta tharee do, kai dele bonaa; ma kera ofuda, keki u anida i la era, ma kai akofida.

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Jone 5:23

Fasi toa ni sui bana keki fare baita ana ṉa Kaluwane, talafana lau boo na keki fare baita ana ṉa Maka. Wane ne ai si fare baita ana ṉa Kaluwane, e ai si fare baita ana ṉa Maka ne arasi nia mai.

Luke 10:22

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Hibaru ki 6:1

Mania kuki akwasia si ṉata ana thafali lana kwaifamanataia tha Christ, ma kuki lae tatha asi do ne talaana wane ne manata naa; ma kusi alua lau gwa fau totonao ki na ṉa manata akele la faisia si ra wane ne mae ki, ma fitooa uria tha God,

Hibaru ki 3:14

Uria na akulua ta si asi do tha Christ ki, mada sa kuki rau ṉado ana seeraa la na kulu seeraa ania totonao, kai ṉado maakwalia ṉa susui la:

Mathui 11:27

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Jone 8:31

Mania tha Jesus ka soree isana Ju eki na kera fitoona naa, Mada sa muka to ṉado i bae laku, kamulua toa nau kwai tole kamulua mamana boo;

III. Jone 1:9

Ku keda naa ṉadee si do isana figua eri: ma sui tha Diotirifisi, ne thathamia kai inoto ka tatha i maalutada, e ai si thathagoni kamilia.