II. Jone 1:1 - Ṉa Alaofua Falu 1923 1949

¹ Wane ulunao isana gwaulii ei na tha God e filia, ma isana baree wela nia ki, na nau ku liothau mamana boo ani kera; ma talifili nau e ai, toa eki sui boo na kera thaitoomana mamana la eri;

II. Jone 1:1 Referans Kwoze

I. Jone 3:18

Kala wela ki, kusi liothau ana toa ana bae lakulua, mado ana meakulua; ana abula lakulua bana ma ana mamana la.

I. Timothi 2:4

Sulia nia thathamia sa imole ni sui keki maruki, ma keki fulatoona thaitoomana lana mamana la eri.

Jone 8:32

Ma muki thaitoomana mamana la, ma mamana la eri kai adea na muki tonee to.

II. Jone 1:5

Ma si maṉa eri ku ṉata kwaitakoi, ku soree isamu, gwaulii ei, ’uria sa ku keda kau si ṉata fifi falu isamu e ai, si do ne to isakulua ita ana thafali la mai, na kuki liothau kwailiu ani kulu.

I. Pita 5:1

Wane ulunao ki i maalutamulua ku soree isada, ni nau wane ana ulunao la ni lau boo bi kera, na ku faamamanea si do nau ku rikia naa ana taa la tha Christ e toto ania, ma kwai ṉalia lau boo ta si ana inotoa eri na toto keki fatai nia:

II. Jone 1:13

Baree wela dooramu, kini na tha God e fili nia, kera thathamia kwai ṉata isamu ’uria sa ni kera keki ṉata. Emeni.

I. Jone 2:21

Nau e ai kwasi kekeda kau isamulua sulaania musi thaitoomana mamana la eri, sulaania mulu thaitoomana boo, ma sulaania lole la do ana mamana la eri e ai.

I. Pita 1:2

Na kera fili kamulua sulia si do na tha God na Maka e thaitoomana totonao, ana faaabu lamulua la atha Spirit, uria ade la sulia ṉata lana ma uria taṉasi lamulua la ana abuna tha Jesus Christ: Lea la ma enenoa kai oro alaa iamulua.

Hibaru ki 10:26

Uria na mada sa nanatakulua ka thathamii abula taa buriana na kulu ṉalia bonaa thaitoomana lana mamana la eri, e ai lau ta do ni foa la na ka tae faisia abula taa la ki,

Galesia 5:7

Mulu fifita ni lea la; ni tei ne suusi kamulua faisia fasi musi ade sulia mamana la eri?

Galesia 3:1

Toa oewanea nai Galesia, ni tei e faagaroa manatamulua ana spirit taa, fasi musi ade sulia mamana la eri, kamulua na kera fatai nia tha Jesus Christ ne to lalaa sulia ’ai rarafolo ba inaofana maamulua?

Galesia 2:14

Ma si maṉa nau ku rikia na kesi abula kokoto sulia mamana la eri na ni asi faaroṉoa lea, ku soree isatha Pita inaofana toa eki sui boo, Mada sa ni oe, no Ju, o ade sulia ade lana Jenetaele ki, ma sulia ade lana Ju ki ka ai, uria ta no suuwai nia Jenetaele ki keki ade sulia ade lana Ju ki?

Galesia 2:5

Ma toa eki e ai dodoloa mili roo sulida sulia tee si kadee maṉa mena; fasi mamana la eri na ni asi faaroṉoa lea kai to ṉado isamulua.

Kolose 1:5

Sulaania si do lea eri na mulu manatatoo ṉado uria na kera alua maakwali kamulua i thalo lo, si do eri na mulu roṉoa mai inao asi baea sulia mamana la eri na si faaroṉoa lea,

Luke 1:3

E lea ana manataku lau boo, uria nau ku mamanata sulia si do eki sui boo ka too ita mai i thafali lana, kwai kekeda kau isamu sulia lae lana, Thiofilasi, wane no inoto ka tatha;

Si do Aposela ki kera ilidaki 11:30

Si do na kera ilia boo, keka falea kau isana toa ulunao ki ana abana tha Banabasi ma tha Solo.

Roma 16:13

Muki ṉata una eri isatha Rufasi, wane na kera fili nia ana ṉa Lord, ma thainana na thainaku lau boo.

I. Pita 5:13

Kini ba i Babilone, na kera filia bi kamulua, e thathamia kwai ṉata isamulua ’uria sa ni nia kai ṉata; ma kaluwane nau na tha Makasi lau boo.

III. Jone 1:1

Wane ulunao isatha Gaiasi, wane lilothaua nau, na nau ku liothau mamana boo ani nia.