III. Jone 1:6 - Ṉa Alaofua Falu 1923 1949

⁶ Na kera faamamanea si do kera thaitoomana sulia liothau la oe isana ṉa figua: toa noki abula lea si maṉa noki adomida kau sulia laea kera ana adomi la ne farana tha God:

III. Jone 1:6 Referans Kwoze

I. Thesalonika 2:12

Fasi muka abula asi abula la ne farana tha God, ne aili kamulua uria tooa nia ma inotoa nia.

Taetasi 3:13

Oki seemabe ana adomi lana kau tha Sinasi, wane ni kwaifamanatai ana ṉa lo, ma tha Apolosi sulia laea kera, fasi e ai kesi rofea ta si do.

Si do Aposela ki kera ilidaki 15:3

Mania figua eri e adomida ana lae lada kau, sui keka tatha i Fenisi ma i Sameria, keka faaroṉo ana akele la na Jenetaele ki kera akele buri ania: ma kera adea na baree wai doorana eki sui boo keka seethathala faamau.

I. Pita 2:20

Sulaania si ta na keki faabaita kamulua fafia, mada sa, si maṉa na muka abula taa, ma keka kumu kamulua, muki susuu ania ana enenoa? ma mada sa, si maṉa na muki abula lea, ma keka bii kwae kamulua, muki susuu ania ana enenoa, si do na tha God kai ala fafia neri.

Kolose 1:10

Fasi muki abula ana abula la ne farana ṉa Lord asi do ki sui bana na kai faalea nia, muki fuṉu ana foee do asi ra ki sui bana ne lea, ma muki baita alaa ana thaitoomana lana tha God;

Filifae 4:14

Una ena mena, mulu abula lea asi kula eri, na mulu kwaimani lea bi nau ana adomi laku la ana taa la na nau ku to ania.

II. Korinitha 1:16

Ma faisi kamulua sa kwa tatha uri Masedonia, ma sui faisia Masedonia kwa oli lau kau isamulua; ma sa kamulua muka adomi nau ana lae laku kau uri Judia.

Roma 15:24

Atona bana ta si maṉa na nau kwai lae uri Sipena, kwai lae kau isamulua: uria nau ku thathamia kwai riki kamulua si maṉa nau kwai lae, nau kwai to totonao ka suka ni tau isamulua, sui muki bii adomi nau ana lae laku kau uria fanua eri:

Si do Aposela ki kera ilidaki 21:5

Ma toto fa boṉi eki e sui, mili lae faisida, mika lae lau bamilia; ma kera sui, bia kwaida ma wela kera ki, keka adomi kamilia ana lae lamilia kau, ka fula asi kula na mili kotho faisia toaa susu eri: ma mili boururu sula one, mika foa.

III. Jone 1:12

Tha Demetiriasi ana faamamane lana toa eri sui boo na kera thaitoomana, ma faamamane lana mamana la eri talani nia: iu, kamilia lau boo mili faamamanea si do mili thaitoomana; ma mulu thaitoomana faamamane la kamilia e mamana.

Si do Aposela ki kera ilidaki 15:29

Muki to faisia do ni foa la na kera faledaki ana god eeta ki, ma faisia abuna do ki, ma faisia seena do kera lioa ki, ma faisia oe la; mada sa muki beta suli kamulua faisia si do eki, kai lea iamulua. Muka toto kau.

GENESIS 4:7

Mado so abula lea, keki ala fafi oe, mado? mada sa abula lamu e a’i si lea, do ifana abula taa la ka teo bana i maana olofolo. Ma do eri kai thathami oe, ma oki inoto iana.