GENESIS 8:20 - Ṉa Alaofua Falu 1923 1949

²⁰ Ma tha Noa ka thauwai nia fulii era ni foa la ifatha Jihova; ka ṉalia tei do ana do maruki eki sui bana na kera faalu, ma tei thaaro ana thaaro eki sui bana na kera faalu, ka falea do ni afufu ki fafia fulii era ni foa la eri.

GENESIS 8:20 Referans Kwoze

Roma 12:1

Mania ku ṉata kwaitakoi, ku soree isamulua, doora kera, uria si do ba ki na tha God e tatakomi kulu ania, muki falea seemulua na do ni foa la ne maruki, do abu, na tha God kai ala fafia, si ra na manatamulua kai sorea e kokoto neri.

GENESIS 22:9

Ma lalae kero fulatoona naa si kula eri na tha God e faaroṉo nia mania, tha Aberahamo ka bii thauwai nia fulii era ni foa la iei, ka tharaṉania ifii ’ei, ka kani fafia kaluwane nia na tha Aesiki, sui ka reriṉania fafia fulii era ni foa la i fafona si ’ei eki.

I. Pita 2:9

Ma ni kamulua ina lana toa na kera filidaki, kiṉa ki na muka toa ni foa la, kulee toa abu, toa ifatha God i talaana, fasi muki fatai nia lea lana ni nia ne aili kamulua mai faisia maerodo ana lalaa lana na kera kwele ania:

I. Pita 2:5

Ni kamulua lau boo, mala fau maruki‐ki, keki ofu kamulua muki tae ana biu tha Spirit, fasi muki toa ni foa la abu ki, na muki falea do ni foa la tha Spirit ki, na tha God kai ala fafia atha Jesus Christ.

Hibaru ki 13:10

Akulua fulii era ni foa, na kera lufia toa ba ki na keka ra ana biui maku ba, kesi faṉa iei.

GENESIS 35:7

Ma nia ka thauwai nia fulii era ni foa la iei, ka alaṉia thatana fanua eri ana Ele‐bethele: uria na tha God e fula fatai isana i la fanua eri, si maṉa ba ne thaka faisia maana thoona.

GENESIS 35:1

Ma tha God ka soree isatha Jekofo, Tatae fasi, oko tae uri Bethele, oko to iei: oko thauwai nia fulii era ni foa la iei ifatha God ne fula fatai isamu na ba si maṉa ba no thaka faisia maana thoomu na tha Iso.

GENESIS 33:20

Ma nia ka thauwai nia fulii era ni foa la iei, ka alaṉia thatana ana Eleloe‐Isirela.

GENESIS 26:25

Ma nia ka thauwai nia fulii era ni foa la iei, ka ’ai thatana tha Jihova, ka kasia biui‐maku nia iei: ma asi kula eri wane ni ra tha Aesiki ki keka ’ilia malaui kafo.

GENESIS 13:18

Sui tha Aberamo ka idua biui‐maku nia, ka lae mai, ka to bana i la fanua dedema i Mamari, na ni Hefirono; ma kula eri naa, ka bii thauwai nia fulii era ni foa la ifatha Jihova.

GENESIS 13:4

Isana si kula ana fulii era ni foa la eri, ne thauwai nia iei inao mai: ma kula eri naa, tha Aberamo ka bii ’ai thatana tha Jihova.

GENESIS 7:2

Ana do maruki eki na keka faalu oki ṉalia mai too fiu do ifamu, do wane bia do kini nia: ma ana do maruki eki na kesi faalu, too ro do, do wane bia do kini nia.

GENESIS 4:4

Ma tha Efolo ka ṉalia lau bomai tei do totonao ana aini sifi nia ki, ma tei do gwagwarurutaa faisia. Ma tha Jihova ka ala fafia tha Efolo ma do ni foa la nia:

GENESIS 22:2

Ma ni nia ka una eri, Si maṉa eri oko talaia fasi kaluwane oe, tee fa kaluwane oe ba, na tha Aesiki, no liothau iana, lae kamua uri la fanua i Moraea; kula eri naa, oki bii fale nia ana do ni afufu i gwauna tee gwa tolo na ni nau kwai faaroṉo oe ania.

GENESIS 8:19

Do maruki eki sui boo na i masuu, ma do ni sui bana na keki aṉo, ma thaaro eki sui bana, ma atona bana ta do na ka isu ifafona fanua ne i iano, kera sui, ana seeda ne eeta kwailiu, keka kotho mai faisia aka eri.

GENESIS 7:3

Ana thaaro na i mamaṉaa ki lau boo, too fiu do, do wane bia do kini: fasi kwalafada keki maruki i maana fanua na i iano sui bana.