GENESIS 7:23 - Ṉa Alaofua Falu 1923 1949

²³ Ma do maruki eki sui boo na kera toto i maana theegano, kera faafunuida ka a’i naa, ṉa imole ki neri, bia aini katele ki, ma do na kera aṉo, ma thaaro i mamatalea ki; kera funu, keka a’i naa faisia fanua ne i iano: ma talifilia tha Noa ka to bana, bia do eki na kera to bi nia i la aka.

GENESIS 7:23 Referans Kwoze

II. Pita 2:5

Ma mada sa nia e ai si suusia taa la faisia fanua nei iano dini u mai inao, me faamarukia tha Noa, wane ne ṉata sulia kokoto la, bia fiu imole ki lau, si maṉa be falea mai igwa baita fafia toa na fanua na kera fare faekwa atha God;

I. Pita 3:20

Na kera adede faisia ṉata lana dini u mai inao, si maṉa na liona tha God ni doanita tatha la e mamaakwalida na ba si maṉa na tha Noa e to u bana, ma kera ra ana thauwai lana aka ba, ma kera faamarukia ṉadee imole i lala, na ṉa kwalu imole boo, faisia kafo:

Hibaru ki 11:7

Ana fitooa tha Noa, uria na tha God e faaroṉo nia totonao sulia si do ne ai si rikidaki u, sulaania mau la ne mau ania, ka thauwai nia ṉa aka ana faamaruki lana toa nai maafera nia; ma asi do eri e sorea toa na fanua nei iano kera abula taa boo, ma ka fulatoona kokoto la eri na ka fula mai uria fitooa.

II. Pita 3:6

Ma asi baea eri, uria kafo ne fuṉu fafia, toa na fanua totonao ka sui:

Mathui 25:46

Ma toa eki keki lae kau ana kwae la na kai to tatha: ma toa na kera kokoto keki to ana marukia tatha.

II. Pita 2:9

Toa na kera fare baita atha God, tha Lord e thaitoomana rau la iada ana bae aliṉa la, ma ka suusia toa na kesi kokoto ki la lokafu ana kwae la maakwalia fa boṉi ana kotu baita;

Fa Ṉu Abu ki 91:1

Wane eri na fulii to la nia na si kula thaufuni Nia ne Inoto ka Tatha, kai to ṉado bana i nuuna tha God ne Sukwai ka Tatha.

Fa Ṉu Abu ki 91:7

Tee tooni wane keki asi kera iano i ninimana tala oe, ma akwalee tooni wane ibali aba aola oe; ma sui do taa eri e a’i dodoloa ka idu karaṉi oe.

GENESIS 6:17

Ma rikia fasi, nau, ni nau i talaaku, kwai falea mai kafo ki na kai olo fafia fanua na i iano, fasi kwai faafunuia do eki sui bana na si maṉo ni marukia ni ruruuda, keki sui faisia si kula na ifara thalo lo; ma do eki sui bana na ni fanua na i iano keki mae.

GENESIS 8:18

Ma tha Noa ka kotho mai, ma kaluwane nia ki, ma kwaina, ma kini‐fuṉao nia ki bi nia: