GENESIS 6:9 - Ṉa Alaofua Falu 1923 1949

⁹ Si ade la ne ita mai atha Noa nai nia: tha Noa ṉa wane kokoto, ma si ade la ne ita mai ani nia si ade la oolo ki: tha Noa ka lae ofu bia tha God.

GENESIS 6:9 Referans Kwoze

Luke 1:6

Ma keroa sui boo keko kokoto inaofatha God, keko abula sulia si ṉata fifi ma si ṉata too ṉado tha Lord ki, keko dodoloa.

Hibaru ki 11:7

Ana fitooa tha Noa, uria na tha God e faaroṉo nia totonao sulia si do ne ai si rikidaki u, sulaania mau la ne mau ania, ka thauwai nia ṉa aka ana faamaruki lana toa nai maafera nia; ma asi do eri e sorea toa na fanua nei iano kera abula taa boo, ma ka fulatoona kokoto la eri na ka fula mai uria fitooa.

II. Pita 2:5

Ma mada sa nia e ai si suusia taa la faisia fanua nei iano dini u mai inao, me faamarukia tha Noa, wane ne ṉata sulia kokoto la, bia fiu imole ki lau, si maṉa be falea mai igwa baita fafia toa na fanua na kera fare faekwa atha God;

GENESIS 7:1

Ma tha Jihova ka soree isatha Noa, Lae mai, kamulua toa eki sui boo na i maafera oe, muki kotho i la aka; uria ni oe neri na nau ku riki oe na abula lamu e kokoto inaofaku ana unii wane nei.

GENESIS 5:24

Ma tha Inoka ka lae ofu bia tha God: sui ka a’i si to naa; uria na tha God e ṉali nia.

Galesia 3:11

Sui do fatai neri, na ṉa lo e ai si ala fafia kokoto la ta wane inaofatha God, sulaania, Wane kokoto kai maruki uria fitooa;

GENESIS 17:1

Ma si maṉa na sikwa tafulu fa ṉali ma sikwa fa ṉali e sui atha Aberamo, tha Jihova ka fula fatai isatha Aberamo, ka soree isana, Ni nau ṉa God Rigita ka Tatha; oki lae inaofana maaku, ma abula lamu kai oolo teefau.

GENESIS 5:22

Ma tha Inoka ka lae ofu bia tha God buriana ne tharea tha Methusela sulia ulu taleṉee fa ṉali; ma nia ka tharea tei kaluwane nia ki ma thari nia ki:

GENESIS 2:4

Si ade la ne ita mai ana thalo lo ki ma fanua ne i iano nai nia, si maṉa na kera thauwanida ka sui, afa boṉi eri na tha Jihova God e thauwai nia sui naa fanua ne i iano ma thalo lo ki,

I. Pita 2:5

Ni kamulua lau boo, mala fau maruki‐ki, keki ofu kamulua muki tae ana biu tha Spirit, fasi muki toa ni foa la abu ki, na muki falea do ni foa la tha Spirit ki, na tha God kai ala fafia atha Jesus Christ.

Si do Aposela ki kera ilidaki 10:22

Ma keka sorea, Tha Koneliasi ṉa senitiurione, wane kokoto ma wane ne mau atha God, na Ju ki sui bana kera ala fafi nia, tha God e faaroṉo nia ana angel abu sorea kai kwaiarasi iburiamu, oki lae uri biu nia, oki faaroṉo asi baea.

Roma 1:17

Sulaania asi kula eri kera fatai nia kokoto la ne ita mai atha God ana fitooa ma uria fitooa: ’uria kera keda, Ma wane kokoto kai maruki uria fitooa.

Luke 23:50

Ma rikia fasi, tee nonii wane thatana tha Josefa, wane ana ofu la eri, wane na abula lane lea ma kokoto.

Luke 2:25

Ma rikia fasi, tee nonii wane e to i Jerusalema, thatana tha Simiona; ma wane eri e kokoto ma ka faabaita tha God, kai maasia faainamaruki lana Isirela: ma tha Spirit Abu e to fafi nia.

Fa Ṉu Abu ki 37:37

Lio teiṉei uria wane abula lane oolo teefau, rikia fasi wane kokoto: uria na gwauna tala wane eri na ṉa enenoa.

GENESIS 48:15

Ma nia ka alua lea la fafia tha Josefa, ka una eri, Tha God, ni nia na ro maka nau inao ki, na tha Aberahamo ma tha Aesiki, kero lae inaofana, tha God ne thare nau sulia boṉi afa ṉali eki ana to laku i fanua na i iano ka fula itaraena,

GENESIS 10:1

Si ade la ne ita mai ana ulu kaluwane tha Noa ki nia nia, atha Semo, ma tha Hamu, ma tha Jefeta: ma kera kwalafia kaluwane kera ki buriana olo lana kafo eki fafia fanue.

GENESIS 5:1

Buka asi ade la ne ita mai atha Adam nai nia. Afa boṉi eri na tha God e thauwai nia imole, ka thauwai nia sulia nuuna tha God;

GENESIS 6:10

Ma tha Noa ka tharea ulu kaluwane nia ki, tha Semo, ma tha Hamu, ma tha Jefeta.

Fa Ṉu Abu ki 37:39

Ma sui tha Jihova ana na ka faamarukia toa kokoto: nia na ṉa kula sukwai kera asi maṉa ana unii taa la.